من الدائري إلى المنيا ... أين الطريق المناسب ؟؟؟

[سمارت وير]

أحبتي الكرام إن شاء الله أنا مسافر غدا ( فجر الجمعة ) إلى المنيا - مركز سمالوط قرية إطسا - و عايز بعد إذنكم أعرف أنسب طريق للوصول خاصة و أني سأوصل أخي و زوجته الحامل لتضع حملها في البلد ، أنا أول مرة أسافر للصعيد فلا أعرف أي اتجاه يجب أن يكون عليه سفرنا ... رحلتنا ستبدأ من عند موقف العاشر، يللا يا شباب انتظر مساهمتكم

[M.TONSY]

هتاخد الدائرى فى اتجاه اوتوستراد المعادى وتنزل نزلة اوتوستراد المعادى وتلف اليوترن فى اتجاه حلوان وتكمل طريق الاوتوستراد لغاية اخره هيوصلك على طريق الكريمات ومنه الى المنيا ان شاء الله والطريق حلو جدا وتقدر تجرى عليه زى ما انت عايز بس الافضل خليك فى السرعة المقررة وهى 120كم/س
وفى طريق اسيوط الغربى بس رطريق رخم وكله مطبات ومش امان الصراحة .. طريق الكريمات بتاع الجيش انظف بكتيررررر
وتوصلوا بالسلامة ان شاء الله وتطمنوا على جماعة اخوك العزيز

[سمارت وير]

المشاركة الأصلية كتبت بواسطة M.TONSY هتاخد الدائرى فى اتجاه اوتوستراد المعادى وتنزل نزلة اوتوستراد المعادى وتلف اليوترن فى اتجاه حلوان وتكمل طريق الاوتوستراد لغاية اخره هيوصلك على طريق الكريمات ومنه الى المنيا ان شاء الله والطريق حلو جدا وتقدر تجرى عليه زى ما انت عايز بس الافضل خليك فى السرعة المقررة وهى 120كم/س وفى طريق اسيوط الغربى بس رطريق رخم وكله مطبات ومش امان الصراحة .. طريق الكريمات بتاع الجيش انظف بكتيررررر وتوصلوا بالسلامة ان شاء الله وتطمنوا على جماعة اخوك العزيز

أولاً شكرا على ذوقك و سرعة ردك ، طيب علشن انا مش عارف الطريق ده فمعلش استحملني شوية ، يعني نا هامسك طريق السويس ( من نفق موقف العاشر ) و افضل لغاية ما يتقاطع الطريق مع الاوتوستراد ساعتها انزل يوتيرن اتجاه حلوان حتى يافطة بداية طريق الكريمات ؟

طيب هو طريق الجيش ده مكمل لحد المنيا و لا هاحتاج امشي في وصلة من طريق اسيوط المتعب ؟

و أخيرا طيب هل هناك خدمات جيده على الطريق و لا ؟
و اخبار الرادارات و أمان الطريق ، يعني الطريق مليان نقاط أمنية و لجان و لا ممكن يبقى مش مأمون ؟

طولت عليكم معلش

[Mohamedkhalilibrahim]

المشاركة الأصلية كتبت بواسطة سمارت وير أولاً شكرا على ذوقك و سرعة ردك ، طيب علشن انا مش عارف الطريق ده فمعلش استحملني شوية ، يعني نا هامسك طريق السويس ( من نفق موقف العاشر ) و افضل لغاية ما يتقاطع الطريق مع الاوتوستراد ساعتها انزل يوتيرن اتجاه حلوان حتى يافطة بداية طريق الكريمات ؟ طيب هو طريق الجيش ده مكمل لحد المنيا و لا هاحتاج امشي في وصلة من طريق اسيوط المتعب ؟ و أخيرا طيب هل هناك خدمات جيده على الطريق و لا ؟ و اخبار الرادارات و أمان الطريق ، يعني الطريق مليان نقاط أمنية و لجان و لا ممكن يبقى مش مأمون ؟ طولت عليكم معلش

الوصفه الى عطاها لك الاخ ممتازه .. وطريق الجيش الجديد او الصحراوى الشرقى الجديد بيبتدى من اخر طريق الاتوستراد بعد مدينة 15 مايو وهوطريق جديد وسريع وفيه بوابات لدفع الكارته 10 جنيه لغاية المنيا بس مون من محطة الجيش قبل ما تدخل وكمان ظبط الكاوتش بجنيه على السريع وعلى فكره الطريق مكمل لغاية اسيوط يعنى انتبه لمخرج المنيا والا هتكمل على طول وسلم لى على المنيا واهلها

[سمارت وير]

المشاركة الأصلية كتبت بواسطة Mohamedkhalilibrahim وسلم لى على المنيا واهلها

هههههههه ... يوصل يا استاذ محمد ، هاسلملك عليهم نفر نفر ( طبعاً واسعة دي ) ، طيب وصفتي للطريق إللي رديت بيها على الأستاذ تونسي مظبوطة ؟ انت عارف أثار التعليم مجاني بقى