موقف مستفز قوي

[nktis]

المشاركة الأصلية كتبت بواسطة SmoothRider طيب ما تعمل العمدان الحديدية اللي بتتركب دي على الأقل هتريح نفسك من وجع الدماغ

المحليات مش موافقه

[دكتور رعد]

طيب متلاغى المحليات يعنى هتيجى عليهم وتقف

[SmoothRider]

المشاركة الأصلية كتبت بواسطة nktis المحليات مش موافقه

المشاركة الأصلية كتبت بواسطة دكتور رعد طيب متلاغى المحليات يعنى هتيجى عليهم وتقف

إلا إذا كنت مستحرم
بس إذا كان هو حقك قانونا زي ما بتقول، يبقى إنك تحافظ على حقك المفروض يكون قانوني هو كمان

[nktis]

الفكره مش كده انت عارف لو المحليات تاخد رسومها مره واحده وخلصنا. انما دول عايزين يدفعوني كل شهر نظام اتاوه ؟؟ انما اللي من حقي عدم الركن قدامي لانه كده قفل باب اكل عيشي وثانيا ده قطاع خدمي لو عملت فيه محضر بسبب اشغال قدام الصيدليه مما يعيق ركن سيارات الشركات .. من الاخر هطول فيه. بس الواحد بيسكت زوقيا عشان الجيره

[Medo.Basha]

مع احترامى يعنى هوة انت تركن قدام الناس ومحدش يركن قدامك انت كدا اللى مستفز وبعدين ما السوبر ماركت بيجيلوا عربيات الشركات وبتاع الملابس بيجيلو عربيات للبضاعة وزباين ولا ايه وبعدين ديه اوحش سمه من سمات بتوع البحيرة اللى فعلا كرهتنى فى البلد دى كل واحد فاكر ان قدام المحل دا بتاعة ودة باب الرزق واللى هاييجى يقف كدا سدلوا باب رزقه مهوا بالعقل كل واحد ربنا كاتبلة رزقه هيجيله هيجيله والله لو تحت السلم ولا مكان مخفى وبعدين اللى هييجى يعنى ميعرفش ان ديه الصيدلية ولا اليفطه العربية مخبية عليها احسبوها بالعقل مش كدا واحد عايز يركن وفيه مكان فاضى مايركن معلش يعنى انا لو مكانه هركن واللى مش عاجبة يعمل اللى يعرف يعمله (لامؤخذة) بس مش لامؤخذة اوى عشان دى حاجة مستفزة لدرجة انى سجلت فى المنتدى عشان خاطرك وعلى العموم خليك انت الكبير دا كلوا بحسابه ومحدش واخد منها حاجة.