بشتري سكوتر و محتاج مساعدتكم

[amedhat2015]

السلام عليكم
دي المشاركة الاولى ليا هنا في المنتدى و ان شاء الله مش الآخيرة

انا بشتري سكوتر هستخدمه في التنقل في القاهرة و بعد بحث عالنت
وصلت ان تقريبا sym هي الافضل من حيث الاسعار و الخدمة بعد البيع
انا دلوقتي محتار بين symphony sr 150 و joyride 200i evo
محتاج اعرف اي واحد فيهم الافضل اني اعمل به مشاوير في القاهرة و اروح الكلية به .. و هل حد اشتراهم و قابلته مشاكل معاهم او يعرف حد واجه مشاكل مع السكوترز دي؟
و هل السكوترز دي سهل انها تتسرق من الشارع ولا لأ؟

** لو حد يعرف اسعار او اماكن اقدر اشتري منها يا ريت يفيدني بردو علشان تقريبا في مشكلة بعد موضوع منع الاستيراد اللي حصل :\

شكراً مقدما

[nktis]

وصلت ان تقريبا sym هي الافضل من حيث الاسعار و الخدمة بعد البيع

sym fiddle 2 يعتبر الارخص و منتشر , فاعتقد انه سهل بيعه لو حبيت تغير .

انا دلوقتي محتار بين symphony sr 150 و joyride 200i evo

حسب ميزانيتك .؟. السيمفوني 150 ب 9-10 الاف انما ايفو ب18-20 بس هو طبعا اقوي و افضل في الشكل و الحجم .
نقطه انه يتسرق من الشارع بصراحه معرفش افيدك لاني مركبتش سكوتر بس برد علي قد خبرتي .
ده رابط معرض تواصل معهم و هم يفيدوك اكتر مني و مبارك مقدما .
http://egybikers.com/motorcycle.asp?bikeid=5842

[amedhat2015]

طيب معلش هتعب حضرتك معايا
في سكوتر تاني لقيته اسمه hammers f 10
ايه الفرق بينه و بين السيمفوني علشان كدا انا خلاص رسيت على السيمفوني .. و هل له مراكز صيانة و قطع غيار متوفرة بعد البيع ولا لأ
و لو حضرتك تعرف اذا كان في مشاكل بتواجه الناس اللي بتشتري السكوتر دا ولا لأ

[nktis]

هامر اف 10 من موديلات sym و هو 150 سي سي بس مش منتشر

خليك في سيمفوني مطلوب عن الهامر ( بصراحه هامر لم يعجبني شكلا )
قطع الغيار هتلاقيها متوفره كتير و انت بتشتري اولا تسال عن قطع غيار السيمفوني ( اشاره او ستوب مثلا ) عشان تشوف مدي توافرها .
اهم حاجه تتعلم و تعمل رخصه قياده و ترخص الاسكوتر لانهم شادين جااااااااامد علي الدراجات الناريه بانواعها .

[amedhat2015]

شكرا جدا على اهتمامك .. ربنا يجازيك خير ان شاء الله