مساعدين هيدروليك بموتور او بمب

[ahmed_eng2001]

المشاركة الأصلية كتبت بواسطة AbOnOrA استمتعت بالحوار جداً شكراً ليك يا عمر والشكر موصول لاستاذنا الباشمهندس احمد على مداخلتة الطائرة الجميلة وياريت انتو الاتنين تعملولنا شوية مواضيع مبسطة كدة عن علوم وهندسة الطائرات عمر باشا ياريت تبص على الرسائل الخاصة بخصوص استفسارك عن مواتير البى ام ومبروك بالمناسبة ربنا يهبك خيرها ويكفيك شرها وفى انتظار ارائك وتجاربك عنها

يا فندم بلاش استاذنا دى... كبيرة عليا اوى ... انا لسة بتعلم

ان شاء الله نعمل مواضيع مبسطة عن الطائرات

[عمر سليمان]

ايرباص عمل لكل كمبيوتر كمبيوتر بديل اوتحويله على كمبيوتر اخر بوينج غرور لحد قتل النفس خد عندك ادى بوينج احدث طائره فى العالم لبوينج

عربية.نت (ترجمة عبير طايل)
وجه رئيس الوزراء الماليزي الأسبق، الدكتور مهاتير محمد، أصابع الاتهام إلى وكالة الاستخبارات الأميركية "سي آي إيه" CIA حول اختفاء الطائرة الماليزية "إم إتش 370"، مؤكداً أنه "ليس من العدل أن تلام الخطوط الماليزية وحدها".
وأكد أن الـ"سي آي إيه" تخفي معلومات بشأن الطائرة المفقودة، وأن عمليات البحث ما هي إلا "مضيعة للوقت والمال". وذكر في مدونته الخاصة، الأحد، أن "الطائرة الماليزية المفقودة لم تتحطم أو تختفي"، وذلك بحسب ما نقل عنه موقع "نيوز" news.com.au الأسترالي.
وكرر مهاتير محمد أن موقع الطائرة قد يكون معروفاً لدى "سي آي إيه" وشركة "بوينغ" للطيران.
رئيس الوزراء السابق، البالغ من العمر 88 عاماً، شكك في الأمر برمته، بحجة أنه لسبب ما الصحافة والإعلام لم يوجهوا أي تهمة أو حتى إشارة لتورط شركة بوينغ، وأصر على أن نظام الاتصال المزودة به الطائرة لابد أن يكون تم إبطاله عمداً، حيث إن كل الطائرات المدنية مزودة بنظام تتبع بالأقمار الصناعية، والتي تتوصل لمعلومات عن موقعها، نوع الطائرة، رقم الرحلة، المطار الذي غادرت منه ووجهتها، وفتح النار على بوينغ، قائلاً: "إن الطائرة بنيت وتم إعدادها بالكامل على يد بوينغ، فإما أن تعلن أنها فشلت في مهمتها أو تعمدت الفشل".

[عمر سليمان]

ايرباص يعنى منطق بس مداريه عنك المعلوم همش عيب احتكار صناعه حقه بس بوينج بتضاعف التكلفه عشر مرات لانظمة الامان وبرده اللى مكتوب مكتوب وبتنهار ومبتعترفش بخطئها قمة الغرور
وبعدين ادخل العملى اتفرج يوتيوب سيبك من المانيوال لانه اللى صنع طياره ميعرفش ايه العيوب اللى هتظهر فيها بعد عشرين سنه من التشغيل بتقابلنى كل يوم عيوب عملىه لازم فيها سرعة التشخيص والخبره فبتظهر معانا الفروق بين بوينج وايرباص وشكرا الاختلاف فى الراى لا يفسد للود قضيه

[ahmed_eng2001]

لا تزال الطائرة الماليزية لغز كبير حتى الان .... و من الطبيعى تبادل الاتهامات بين كل الاطراف ...
و حنروح بعيد ليه !!! طائرة مصر للطيران ال 767 التى سقطت امام السواحل الامريكية
و فى تخقيقات حوادث الطيران ... اول حاجة بتعملها الشركة المصنعة ( بوينج او ايرباص ) انها تبعد العيب عنها ... و تلبسه لشركة الطيران ... او للظروف الجوية .. و بالفعل ... بوينج استاذة فى الموضوع ده .. و لولا قوة هيئة السلامة الامريكية و قيامها بايقاف جميع موديل الطائرة الى عملت حادثة ... كانت بوينج مهتمتش اوى .... و اخر مثال .. تعليق طيران ال 787 لفترة مش قصيرة لحين انتهاء تحقيقات مشاكل الكهرباء التى ظهرت فيها
ايرباص مش بلطجية زى بوينج فى النقطة دى مفيش كلام

و بوينج عندهم غرور كبير و ثقة كبيرة فى طائراتهم ... ايوة طبعا ... علشان بوينج فضلت فترة طويلة الرائدة فى مجال الطيران المدنى ... و اعتقد انها اشترت ماكدونالد دوجلاس بعد ما كان الاثنين منافسين لبعض فقط ... يعنى الطائرات كانت بوينج او ام دى ....
ده غير ان بوينج عندها قسم لحل مشاكلها الداخلية .... صمموا عربية مقطورة مخصوص لنق جناح ال 777 من مكان انتاجه لمكان التجميع النهائى
بمناسبة ال 777 ... اكيد حضرتك عارف ان ال 777 تم تصميمها بحيث اجنحتها تتنى لأعلى زى المقاتلات على حاملات الطائرات
و ملاحظة ليا ... كانت اول مرة اشوف ال LCD الملونة فى كابينة ال 777 - 200
ده غير الهوفر كرافت الى بتتجمع عليه ال 747 فى مراحلها قبل النهائية ... من اوائل السبعينات
و غيرها من الحلول الداخلية التى قامت بوينج بحلها

فحتة الغرور دى موجودة فى بوينج بالفعل ... و يدعمها السيادة الامريكية
و للأسف انا معرفش حاجات كتير عن ايرباص علشان احكم حكم عادل على نقطة التعامل مع العملاء

حذكر لحضرتك حاجة صغيرة كانت مصر للطيران بتعملها .....
رحلة اسوان ... تطلع الصبح من مطار القاهرة لأسوان .... و رحلات شارتر طول النهار بين اسوان و ابو سمبل و فى اخر النهار .. ترجع تانى لمطار القاهرة
الطراز الوحيد الذى استطاع القيام بالرحلات دى .... 737-200 ... جربوا ال 320 .. و لم تستطع القيام بعمل هذه الرحلات المتلاحقة ... و انا مقتنع بان ال 320 حجمها اكبر .. و كابينة القيادة اكبر
و زى ما قلت لحضرتك .. مانيوال البوينج بيشرح .... مانيوال الايرباص مش بيشرح

انا بعتذر اذا كنت غيرت الحديث عن الموضوع الرئيسى ... و انا شاكر لحضرتك الحوار الممتع و بالفعل الخلاف فى الرأى لا يفسد الود

بالنسبة لموضوع المساعدين الهيدروليك ... انا معرفش حاجة عنهم علشان مشفتش حد فى مصر مركبهم ... فحضرتك حتكون المستكشف فى الموضوع ده و احنا حنتعلم منك
تقبل مرورى

[عمر سليمان]

مشكور ونتمنى لك التوفيق