رابطة مالكى الاكسل

[waelsalah]

السلام عليكم
كنت عاوز اركب رنجات للفوانيس الاماميه ( ياترى ايه نظامها سعرها وبتيجي منين ) هل تصلح للاكسيل تعديل شكل فوانيسها او شئ اخر يضفى عليها روح التجديد ارجو الافاده
ياريت لو في صور فوانيس متعدله للاكسيل واماكن بيعها خصوصا ان من المنصورة
وكنت عاوز اركب فوانيس شبوره نوع قوى يا ترى اسمه ايه وايه افضل نوع لمبات ليه
ولكم جزيل الشكر وآسف للاطاله

[Good09]

يا شباب كنت عاوز اغير الكاوتش بتاع الابواب لأنه ابتدى يتهرى و كمان عاوز خرطوم مياه المساحات
هل بيتغيروا؟ واجيبهم منين ؟
و ياسلام لو تدلونى على اللى بيبعهم فى المنصورة

[waelsalah]

السلام عليكم
يا ترى ينفع اركب كاوتش 185 / 70 على جنط 13 ولا مينفعش الا على جنط 14
اقصد الافضل مقاس 14
وهل يوجد تبديل الجنوط بالكاوتش القدام بطقم جنط وكاوتش اخرين مقاس اكبر ويا ترى الفرق يكون كام
وياريت تفهمونى مدى تأثير الجنط ع العفشه وايه حكاية تغيير الاوفست دى
ولكم جزيل الشكر

[waelsalah]

السلام عليكم
اللهم أمن مصر واهدى شعبها للخير والرشاد
فى تاجر عربيات جارى قالى العربيه طالما مبتكلش زيت يبقي المكنه كويسه وممكن يكون العيب فى الزيت حيث أبدي اعتراضه على الشل الاحمر اللى حطيته وقالى حط اسو الرصاصي وهتلاقي الوضع اختلف ودخنة الشكمان راحت ( دخان ابيض مزرق بخفه ) لان ممكن يكون زيت قديم فى الشكمان وفي بخره بتطلع من خرطوم الفايص ع الازاز ادامى وانا سايق هل هذا منطقي ؟؟ ولا لا مفر من فتح المكنه وعمل العمره ؟؟؟
هل يوجد اختبار للمكنه يؤكد حالتها تماما ؟؟
طيب ولو غيرت الزيت احط برده علبة شنبر ولا مش مهم للحكم على الزيت لوحده ؟
الفتيس قالى انه طبيعي فى الاكسيل كده ؟؟ وصوت الوجوجه والنحره دى ممكن بلية دينامو او بلية دبرياج او الدبرياج واطى وعاوز يعلى يقوم يخفف نقلات الفتيس ؟؟
ارجو النصيحه والافاده (( افتح المكنه واكشف ع الفتيس )) ولا (( اصلح بلى الدبرياج والفتيس واترك المكنه حاليا واشوف فى فرق ولا لأ ))
اسف للاطاله وارجو التوضيح بالتفصيل
ولكم جزيل الشكر والامتنان

[mobreturn]

اولا احب ان اتوجه بالشكر للساده الاعضاء القائمين بمساعده العديد من الاعضاء قليلى الخبره فى مشاكل سياراتهم ولى استفسار وارجو المساعده وبجديه من ذوى الخبره
عربيه اكسيل موديل 96 فاضيه 1300cc بها كاسيت الفبريكه يعمل بكفاءه وفرش الفبريكه مغطى بكسوه وموتور وعفشه ممتازيييييين بشهاده العديد من الميكانيكيه ولها ثبات عالى فى القياده وهى سيدان وكوتش بحاله جيده ولكن عيوبها الاتى السياره بها جزء فى الداخل وهو الجزء الصاج الموجود فوق بطاحه المساعد اليمين لا اعلم اسمه متغير من السياره وواخد اربع بنط لحام ومرشوش والسياره تحتاج الى بريبريز امامى وتحتاج رش خارجى وفبريكه بالكامل من الداخل والسقف من الخارج ومعروضه عليا نهااااائى 26000 ولا اعلم هل السعر ده مناسب ام لا وهل من الاساس الجزء المتغير ده يعيب العربيه يعنى ابعد عنها ولا ايه مع العلم ان البعض اخبرنى ان هذا الجزء سهل وشائع التغيير فى الهيونداى عموما وصاحبها ابلغنى انه رش هذا الجزء بعد تغييره لان لونه جديد بيكون اسود فارجو تقييم هذه السياره وافادتى واسف للاطاله