للخبراء : قدامي فيكترا B1 1999

[Fidomagdy]

مساء الخير يا جماعه

كنت عاوز اسأل الخبراء هنا في الموقع علي العربيه ده ايه رأيكم فيها قدامي واحده فيكترا B1 موديل 1999 1600 cc رشه رفرف بس الباقي فابريكه بره و جوه بس غالبا هتحتاج دوكو علشان بايظ من الشمس و العربيه مانيوال بس مع واحد اعرفه من الزيرو و حالتها حلوه اوي بس ماشيه 220 الف كيلو بس الراجل متابع الصيانه بتاعتها تمام

سعرها تعملها في حدود كام ؟
و ايه اكتر حاجه اركز عليها و انا بشتريها و بكشف عليها (العيوب الشائعه يعني) ؟

و كنت سمعت ان الموتور ده مش حلو (الاسود ال GM( عليها علشان واحد كامه و سحبه علي وزنها مش حلو و مش بتعدي ال170 بيه
يعني حتي لو حالته ممتازه مش هيبقي سحبه حلو ؟
و كنت سمعت برضو انها فيها تلاجه في التابلوه ده بتبقي في كل الموديلات و لا موديلات معينه بس فيها
وشكرااااااا

[Fidomagdy]

ايه يا جماعه هو انا داخل القسم الغلط ولا ايه ؟؟؟؟

[mr_astra]

الفيكترا عربية تقدر تقول فيها شعر لو حالتها حلوة ومتحافظ عليها
اهم حاجة فى الفيكترا بالذات هى الحالة ثم الحالة
لان لو لقدر الله وقعت فى حالة وحشة هاتكرة العربية واللى عمل العربية وادم اوبل نفسة
انما لو حالتها كويسة زى ما بتوصف كدة هاتكون احسن من عربيات زيرو كتير

والـ 220 الف كيلو لا يمثلوا شىء فى الموتور والعربية عموما

بالنسبة للسعر اعتقد حولين الـ 45 الف

بالنسبة للموتور فلو مش حلو مش هايكون بسبب انة واحد كامة ولا انة احادى الحقن
وانما هايكون بسبب قلة قطع الغيار واللى اغلبها استيراد (خلع ) لان الموتور دة منزلش فى الاوبل غير فى مصر فقط
انما السحب والسرعة القصوى ممتاز لان الفكرة فى الفتيس بتاعة مش الموتور لان الفتيس فعلا متقدم جدا الـ اف 16 او الـ اف 18
بالنسبة للثلاجة فى الدرج انا معرفش بصراحة
وانت بتشترى خلى بالك من
التكييف لازم يكون شغال كويس اوى لانة لو مش شغال هاتصرف علية كتير
الباور لازم يكون شغال تمام
ضفيرة الكهرباء ميكنش معمول فيها شغل كتير ولحامات وكبارى
وطبعا متكنش بتسخن