سال وهتلاقى المتخصص الى هيجاوبك عن سوالك فى بيجــو

[hisam2010]

المشاركة الأصلية كتبت بواسطة magdy m.s مهندس/هيثم -السلام عليكم ورحمة الله وبركاته- اولا اشكرك علي تعبك وتعاونك مع الاعضاء واسال الله ان يجعله في ميزان حسناتك-انا بفكر اشتري ال308 sw بس عندي بعض الاسئله- اعتقد ان حضرتك تقصد نظام vti كما اوضحت حضرتك في مشاركة تالية- ايا ما كان النظام اريد ان توضح ما هو هذا النظام لاني لا اعرف شئ عن الاثنين- واذا حصل مشكلة فيه ما هي هذة المشاكل وممكن توصل الي كام تكلفة وهل هي متكررة مثل مشاكل الفتيس الاوتو لل307 - وانا فهمت من حضرتك ان الفتيس الاوتو لل308 ليس به مشاكل هل فهمت صح -واخيرا قطع غيارال308sw مستوي اسعارها ايه (يا ريت امثلة للحاجات المتكررة الاستهلاك) يعني انا مع لانسر 1600بومة 2008 تقريبا اضرب الاسعار الي متعود عليها في كام - وجزاكم الله خيرا.

وعليكم السلام ورحمة الله وبركاته.... اللهم آمين وجزاك الله خير على كلامك الطيب.

VVT & VTI SYS (VARIABLE VALVE TIMING
أولا قبل ما أشرح ممكن تكون مصطلحاتى بالعربى مش دقيقة علشان بندرس الحجات دى بالانجليزى.

اى كان المسمى للنظام لانو ممكن يختلف من شركة الى أخرى على حسب مكونات النظام وطريقة تشغيلة..... المهم النظام دة بيعمل تعديل لزاوية عمود الكامات علشان الصبابات تفتح بدرى شوية فى السرعات العالية أو المتوسطة ودة بيدى المحرك كفاءة حريق أعلى وبالتالى قدرة أعلى وبالتالى أستهلاك وقود أٌقل.
ممكن يكوزن التعديل لعمود الكامات على عمود البنزين فقط او عمود العادم او كلاهما معا.

نظام ال vti فى البيجو

أولا أحنا متفقين إن المحرك ال EP6 الى نازل فى معظم موديلات بيجو الجديدة إن لم يكن كلها .. محرك مشترك بين بى ام دابليو وبيجو
مكونات النظام:
1- موتور صغير راكب على اول عمود كامات سحب البنزين.
2- بلف على عمود العادم وبلف على عمود سحب البنزين.
طريقة التشغيل:
*لما حضرتك بتدوس بنزين الموتور الى راكب على عمود سحب البنزين بيلف علشان يفتح الصبابات بدرجة أكبر فكمية البنزين تزيد فالمحرك يدى قدرة أعلى على عكس الأنظمة الأخرى الى فيها بوابات حقن وعلى الرغم من ذلك فالمحرك دة فى بوابة حقن بس بوابة إحتياطية علشان لو النظام السابق أتعطل.
* بالنسبة للبلفين الى موجودين على عمود الكامات دول بيشتغلو عن طريق كنترول المحرك علشان يغيرو فى زاوية عمود الكامات ويدوك قدرة أعلى وهكذا.
أعطال النظام:
أغلب الأعطال فى الموتور الصغير او الفيوز الخاص بالموتور او فيشة الموتور نفسها ولما بتحصل المشكلة العربية مش هتعدى سرعتها 30 كيلو متر فى الساعة وبصراحة الأعطال بتبقى بسيطة ياما فيوز او فيشة لكن الموتور صعب يبوظ.


* ونقول تانى فتيس ال 308 مفهوش مشاكل زى 307 او 406.
* بالنسبة لقطع الغيار فهى متوفرة
تيل فرامل أمامى بــــ650 جنية
بوجيهات بــــ 400 جنية
فلتر زيت 85
سير الكاتنية جنزير مش بيتغير
سير الدينامو 325 جنية وهكذااا...

[magdy m.s]

المشاركة الأصلية كتبت بواسطة hisam2010 وعليكم السلام ورحمة الله وبركاته.... اللهم آمين وجزاك الله خير على كلامك الطيب. VVT & VTI SYS (VARIABLE VALVE TIMING أولا قبل ما أشرح ممكن تكون مصطلحاتى بالعربى مش دقيقة علشان بندرس الحجات دى بالانجليزى. اى كان المسمى للنظام لانو ممكن يختلف من شركة الى أخرى على حسب مكونات النظام وطريقة تشغيلة..... المهم النظام دة بيعمل تعديل لزاوية عمود الكامات علشان الصبابات تفتح بدرى شوية فى السرعات العالية أو المتوسطة ودة بيدى المحرك كفاءة حريق أعلى وبالتالى قدرة أعلى وبالتالى أستهلاك وقود أٌقل. ممكن يكوزن التعديل لعمود الكامات على عمود البنزين فقط او عمود العادم او كلاهما معا. نظام ال vti فى البيجو أولا أحنا متفقين إن المحرك ال EP6 الى نازل فى معظم موديلات بيجو الجديدة إن لم يكن كلها .. محرك مشترك بين بى ام دابليو وبيجو مكونات النظام: 1- موتور صغير راكب على اول عمود كامات سحب البنزين. 2- بلف على عمود العادم وبلف على عمود سحب البنزين. طريقة التشغيل: *لما حضرتك بتدوس بنزين الموتور الى راكب على عمود سحب البنزين بيلف علشان يفتح الصبابات بدرجة أكبر فكمية البنزين تزيد فالمحرك يدى قدرة أعلى على عكس الأنظمة الأخرى الى فيها بوابات حقن وعلى الرغم من ذلك فالمحرك دة فى بوابة حقن بس بوابة إحتياطية علشان لو النظام السابق أتعطل. * بالنسبة للبلفين الى موجودين على عمود الكامات دول بيشتغلو عن طريق كنترول المحرك علشان يغيرو فى زاوية عمود الكامات ويدوك قدرة أعلى وهكذا. أعطال النظام: أغلب الأعطال فى الموتور الصغير او الفيوز الخاص بالموتور او فيشة الموتور نفسها ولما بتحصل المشكلة العربية مش هتعدى سرعتها 30 كيلو متر فى الساعة وبصراحة الأعطال بتبقى بسيطة ياما فيوز او فيشة لكن الموتور صعب يبوظ. * ونقول تانى فتيس ال 308 مفهوش مشاكل زى 307 او 406. * بالنسبة لقطع الغيار فهى متوفرة تيل فرامل أمامى بــــ650 جنية بوجيهات بــــ 400 جنية فلتر زيت 85 سير الكاتنية جنزير مش بيتغير سير الدينامو 325 جنية وهكذااا...

جزاك الله خيرا وبارك لك في علمك وزاده لك وانفع الناس به واكثر الله من امثالك.

[magdy m.s]

مهندس / هيثم - انا اسف ان كنت تقلت علي حضرتك - بس لي سؤال عن بلد المنشأ لل 308sw ووزن السيارة بدون ركاب-وجزاكم الله خيرا

[hisam2010]

المشاركة الأصلية كتبت بواسطة magdy m.s مهندس / هيثم - انا اسف ان كنت تقلت علي حضرتك - بس لي سؤال عن بلد المنشأ لل 308sw ووزن السيارة بدون ركاب-وجزاكم الله خيرا

بـــلد المنـــشأ:- فرنــسا.
الوزن الإجمالى:-
مانوال >>>>>> 1922 كيلو جرام
أوتوماتيك >>>>> 1948 كيلو جرام

[hisam2010]

المشاركة الأصلية كتبت بواسطة farmawey شكرا على المساعدة والافادات وبارك الله فيك انا لقيت عرض على موقع بيعرض فيع سيارة بيجو 406 موديل 1997 ايه رايك حضرتك فيها من ناحية توفر وسعر قطع الغيار استهلاكها للبنزين معدل اعطال في استخدام العادي مش الهرس ومشاوير طول اليوم يعني استخدام منزلي وياريت لو تاكدلي لاني وانا ببحث على النت قرات ان بداية تصنعها كان 98 معلش هتقل عليك قرات بردوة ان كان فيها مشكلة في الفتيس واتصلح بعد موديل 2002 فهل موديل السنة دية موجود بيه العيب ده

موديلات الــــ 406 من 97 حــتى 2006 (انا بكلم بالنسبة لمصر).
العربية كويسة بس طبعا هاتها مانوال لان الفتيس الاوتامتيك حتى فى الموديلات الجديدة من ال 406 فيه نفس المشكلة بس على خفيف.
بالنسبة للموديل 97 قطع غيارة متوفرة لانة الموتور نفس موتور 405 برستيج وهى عربية كويسة جدا