سال وهتلاقى المتخصص الى هيجاوبك عن سوالك فى بيجــو

[hisam2010]

المشاركة الأصلية كتبت بواسطة كرم55 مشكور اخي الفاضل صراحة المشكلة اتعبتنا جدا ونحن قمنا بأدخال السيارة الى جهاز تشخيص الاعطال ولكن اكتشف انه لا يوجد خلل يعني حتى الشركة بتاع السيارة ما يعرفو الحل وغيرنا زيت الفتس ولكن لم افهم منك معنى علبة البوف ومشكور اخي عالاجابة وان كان لديك حلول اخرى لنجربها لان المشكلة اتعبتنا جدا واردنا تبديل الفيتس بأكمله ولكن غالي الثمن حيث سعره 3500$

أنا أقـصد بعلبة البلوف بيسموها بالانجليزى الفالف بادى (valve body) وعامة أخى لو حضرتك هنا فى مصر ممكن حضرتك تشرفنا وافكلك الفتيس واعملك ليه عمرة وإن شاء الله خير.

[hisam2010]

المشاركة الأصلية كتبت بواسطة ya_broker ممكن اعرف حضرتك مكانك فين بالتفصيل و المواعيد و الاجازات و شكرا

المكان:-
12 شارع النادى الرياضى- نصر الدين - أول الهرم - الجيزة.(بعد نفق الجيزة مباشرة
)
أوقات العمل:-
كل الأيام ما عدا الجمعة والأجازات الرسمية.

[hisam2010]

المشاركة الأصلية كتبت بواسطة mostbader السلام عليكم و الله مجهود رائع من حضرتك انا معلش كنت عاوز استفسر من حضرتك على البيجو 206 العيوب و قطع الغيار و تقريبا سعرها مستعمل 2002 و لو فى مشاكل معينه فى الفتيس الوتو بتاعها و هل بيتصلح ولا بيترمى و يتغير اكون شاكر لحضرتك جدا

عربية جيدة جدا وقطع غيارها متوفرة سواء كانت أصلى او غير أصلى وبالنسبة للفتيس الاوتوماتيك بتاعها مفهوش اى مشاكل.

[hisam2010]

المشاركة الأصلية كتبت بواسطة دكتور ميدو السلام عليكم يا بش مهندس كنت عايز استشير حضرتك فى مشكلة عندى فى 307 اس دبليو 2006 الكلاكس عندى مش شغال كشفت على العربية بالكمبيوتر فى فرنش ليون قالوا ان القاعدة اللى ورا الايرباج اللى فى الدركسيون هى اللى فيها المشكلة وعايزة تتغير وقالوا انها ب 2700 جنية فمعملتهاش عندهم روحت الوكالة وجربوا اكتر من 10 قواعد كل ما يوصلوا واحدة العربية ما تدورش مش عارفين ليه ؟هى بتحتاج تتبرمج على الكمبيوتر؟وياريت اعرف تمنها كام عندكم فى التوكيل؟ معلش طولت عليك وشكرا على تعبك معانا

وعليكم السلام.....
زى ما قولت لحضرتك هاتفيا بالنسبة للوحدة دى اسمها وحدة CV00 وللاسف الموديل بتاع الوحدة بتاعتك دى غالى شوية بحوالى 3500 جنية ومحتاج يتبرمج.

[hisam2010]

المشاركة الأصلية كتبت بواسطة xavi السلام عليكم يا باشمهندس ..أرجو المساعدة عندي بيجو 405 م 96 العربية بتسخن ومش عارف أيه ممكن تكون الاسباب مع العلم العربية عاملة 65000كم.. ودورة التبريد سليمة والمرواح سليمة بس بتشتغل متأخر ع صفر ال 90 أو ع ال 100 تقريبا

وعليكم السلام ورحمة الله وبركاته.......
أولا بالنسبة لسخونية المحرك دى اسبابها كتير فلازم حد ميكانيكى كويس يبصلك عليها ومش شرط ان المراوح تكون السبب وعامة المراوح بتبدأ تشتغل عند 92 تقريبا وفى موديلات تانية على 70 درجة على حسب الثرموستات.
أسباب سخونية المحرك:-
ردياتير- طلمبة مياة - ثرموستات تالف - نقص مياة نتجية خراطيم تالفة - جوان وش سلندر.....الخ