العودة   مصر موتورز مجتمع السيارات > السيارات الكورية والماليزية > شيفروليه الكورية CHEVROLET و دايو DAEWOO > ﻻنوس (دايو - شيفروليه)

ﻻنوس (دايو - شيفروليه) كانت و أصبحت chevy gold logo


إضافة رد
 
أدوات الموضوع
  #1  
قديم 13-04-2013, 10:00 PM
الصورة الرمزية مصطفى-حسن
مصطفى-حسن مصطفى-حسن غير متواجد حالياً
التخصص العملى: صاحب محل
هواياتي: غطس حر
 
تاريخ التسجيل: Apr 2013
الموقع: العاشر من رمضان
المشاركات: 247
مصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant future
افتراضي طريقة فك تابلوة لانوس بالكامل ... بالتفاصيل والصور

استكمال لموضوع تفكيك سيارتى بالكامل

فى الموضوع دة طريقة فك التابلوة بالكامل (مش الحتة بتاعة العدادات والتكييف والكاسيت بس)

ودة كان مرحلة من مراحل تفوير صالون السيارة بالكامل من اجل عزل سيارة بالارما فليكس

وبكدة يبقى انا عملت 4 مواضيع من اصل 11 موضوع هعملهم بأذن اللة

وهم كالاتى

عمل فلتر لتكييف الانوس
تعديل كوريك السيارة الاصلى لذيادة الفاعلية والامان
فك العدادات
فك الدركسيون
فك التابلوة نفسة بالكامل
فك التلاجة
فك سربنتينة السخن
فك دواسات الوقود والفرامل والدبرياج
فك الفبر
فك فرش السيارة بالكامل
طريقة اصلاح الاطارات المتهالكة القديمة

انا هستأذن الادارة احط 2 رابط لموضوعين كنت عاملهم فى منتدى تانى عشان الموضوع يبقى كامل ويفيد الناس
لكن مش القصد منهم الدعاية ولا حاجة
لان انا عضو عادى هنا وعضو عادى هناك (يعنى مليش مصلحة)
بس عشان المعلومة توصل كاملة

بس قبل ما نفور التابلوة بالكامل لازم تكون الاول فكيت قطمة الدركسيون زى ما انا عملت فى الموضوع دة

http://www.**********.net/Nile/342016-a.html

وبعدين تفك الجزء بتاع الكاسيت ولوحة التكييف والعدادت اللى انا عاملة فى الموضوع دة

http://www.**********.net/Nile/343300-a.html

وبعد كدة هنفك التابلوة بالكامل

الاول هنبدأ من الناحية الشمال (عند السائق)
هنفك الكاوتش اللى بيبقى على الباب



وبعديت هتحط صوابعك بين الفبر والقايم بتاع الباب
وبالعقل كدة هتسحب الفبر لبرة
من غير ما تكسر القواعد بتاعتة






وتروح الناحية اليمين عند درج التابلوة وتكرر نفس الكلام
وبعد كدة هنطلع الفبر الصغير اللى فى الجنب
بس بدل ما تطلعة بمفك والكلبسات تتكسر
هتدخل ايدك من عند درج التابلوة وتضغط على الكلبسات وتدفعها للخارج بصوابعك عشان متتكسرش







هنروح الناحية التانية عند السواق
بس للاسف مش هنعرف نفك الفبرة الصغيرة بنفس الطريقة
ودة عشان مكانها مزنوق شوية فهنستخدم المفك العدل بس بحرص





وبعدين هنفك الفيشة بتاعة الكمبيوتر
ومكانها جنب دواسة البنزين عند رجل السواق




طبعا انت هتكون طلعت كرسى السائق واللى جنبة برة العربية
وبعدين هتفك الغطاء الجلد بتاع الفتيس
وبعدين هتفك الكونسولة اللى بين كرسى السواق اللى طالع منها فرامل اليد وبعدين هتفك القطعة اللى قدامها اللى فيها الولاعة وتحرر سلك الولاعة

الحاجات دى بسيطة كلها مش محتاجة صور ولا شرح

وبعد كدة هنفك القطعتين الحديد اللى ماسكين التابلوة فى جسم السيارة من تحت وكل ناحية فيها 4 مسامير مقاس 10





وبعد كدة هنروح عند درج التابلوة

فية 3 مسامير (راس مفك صليبة) بيبقوا ماسكين علبة التلاجة فى التابلوة فكهم عادى وعلبة التلاجة هتفضل مكانها ومتثبتة زى ما هى لان دى ليها قصة تانية


وبعدين هتسحب حتة الحديدة الصغيرة اللى المسامير كانت ماسكة فيها





وبعدين هنروح عند الحتة اللى كان فيها مكان الكاسيت ولوحة التكييف بعد ما طلعناهم وفك المسامير دى





ودول اللى ماسكين علبة خلط الهواء وسربنتينة السخن فى التابلوة ومتقلقش بردة العلبة هتفضل فى مكانها


وبعد كدة هنخش على المسمارين الصغيرين اللى ماسكين التابلوة فى القايم يمين وشمال بس خلى بالك دول مش هيتفكوا غير ببيبة 10 او بطقم لقم وتطويلة عشان مكانهم مزنوق شوية








كدة انت خلصت كل المسامير الرفايع اللى ماسكة فى التابلوة
مش فاضل غير المسامير الرئيسية اللى ماسكة الهيكل الحديد اللى التابلوة مشدود علية اللى هما دول







لما هتفكهم هتلاقى زنبتين حديد داخلين جوة قوايم العربية يعتبروا دليل للتابلوة فى جسم العربية دول اللى بيكونوا شايلين التابلوة بعد ما تفك كل مسامير


بس خلى بالك فى المرحلى دى لازم يكون حد معاك يمسك معاك وانت بتفك التابلوة لأن الضفيرة بتكون مشدودة جوة التابلوة لسة ودة عشان التابلوة ميقعش والضفير تتقطع وتلاقى نفسك فى حوسة كبيرة





عند المرحلة دى هتقف انت من ناحية وصديقك من ناحية وتميل التابلوة عليك من فوق وتسندة بركبتك وتبدا تحرر الضفيرة وكل الفيش بتاعتها من جسم التابلوة وتطلعه برة بالراحة وبالعقل وبهدوء عشان مفيش حاجة من الضفير تتقطع


وهنا هسبق الاحداث واوريلك صور بعد الفك والتابلوة مقلوب على وشة وهرسم لك بالقلم الاصفر الضفيرة بتبقة ماشية ازاى فى التابلوة من جوة

وهى بتبقى متثبتة بقفزان بلاستيك بتاعة الفابريكة اللى بتيجى من المصنع لو التابلوة بتاعك متفكش قبل كدة او بالقفزان العادية لو اتفك قبل كدة

وفى الحالتين بتقصفهم بالقصافة عادى جدا بس خليك واخد بالك وانت بتقصفهم لحسن تقطع سلك من الضفيرة


ودى صورة توضيحية لمسار الضفيرة فى التابلوة





بعد ما هتحرر الضفيرة متطلعش التابلوة مرة واحدة

اسحبة سنة سنة لورا عشان اكيد هتلاقى فى اسلاك تانية محتاجة تحرير وخلى بالك لازم يكون حد معاك عشان التابلوة ميقعش والضفيرة تتقطع


ودة كان الشكل النهائى




ودى صورتة وهو برة العربية خالص قدام المحل عندى




واى استفسار انا حاضر

بس انا ليا طلب صغير جدا جدا
اى عضو يحس انة استفاد من الموضوع دة ارجوا ان يقرأ الفاتحة بينة وبين نفسة لوالدتى يرحمها اللة

وبالتوفيق للجميع



رد مع اقتباس
  #2  
قديم 14-04-2013, 12:01 AM
الصورة الرمزية احمد سويلم
احمد سويلم احمد سويلم غير متواجد حالياً
 
تاريخ التسجيل: Apr 2010
الموقع: الاسماعيليه
المشاركات: 671
احمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond reputeاحمد سويلم has a reputation beyond repute
افتراضي رد: طريقة فك تابلوة لانوس بالكامل ... بالتفاصيل والصور

أشكرك ع الموضوع الرائع والمجهود المتميز ويسعدنى أن أكون أول من يرد عليك

بسم الله الرحمن الرحيم
الحمد لله رب العالمين الرحمن الرحيم مالك يوم الدين اياك نعبد واياك نستعين اهدنا الصراط المستقيم صراط الذين انعمت عليهم غير المغضوب عليهم ولا الضالين امين
صدق الله العظيم
__________________


أعتذر عن خطأ غير مقصود منى فى حق محمد تونسى
رد مع اقتباس
  #3  
قديم 14-04-2013, 12:17 AM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: طريقة فك تابلوة لانوس بالكامل ... بالتفاصيل والصور

ما شاء الله موضوع اكثر من رائع
و مفيد جدا جدا
__________________

سبحانك لا علم لنا الا ما علمتنا
رد مع اقتباس
  #4  
قديم 14-04-2013, 12:56 AM
الصورة الرمزية ميدو عمر ايمن
ميدو عمر ايمن ميدو عمر ايمن غير متواجد حالياً
من انا؟: ايمن انور عبد الحليم ((ابو ميدو وعمر ))
التخصص العملى: مدرس اول أ لغة انجيزية - مدرب محترف - Oracle- Java -Thinkquest - ICDL
هواياتي: التكنولوجيا - الكمبيوتر - السيارت
 
تاريخ التسجيل: Aug 2012
الموقع: سوهاج
المشاركات: 393
ميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond repute
افتراضي رد: طريقة فك تابلوة لانوس بالكامل ... بالتفاصيل والصور

بسم الله الرحمن الرحيم
الحمد لله رب العالمين الرحمن الرحيم مالك يوم الدين اياك نعبد واياك نستعين اهدنا الصراط المستقيم صراط الذين انعمت عليهم غير المغضوب عليهم ولا الضالين امين
صدق الله العظيم
رد مع اقتباس
  #5  
قديم 14-04-2013, 02:15 AM
الصورة الرمزية eng.moustafa nasr
eng.moustafa nasr eng.moustafa nasr غير متواجد حالياً
التخصص العملى: مهندس
 
تاريخ التسجيل: Feb 2012
الموقع: اسكندريه
المشاركات: 210
eng.moustafa nasr is a glorious beacon of lighteng.moustafa nasr is a glorious beacon of lighteng.moustafa nasr is a glorious beacon of lighteng.moustafa nasr is a glorious beacon of lighteng.moustafa nasr is a glorious beacon of light
افتراضي رد: طريقة فك تابلوة لانوس بالكامل ... بالتفاصيل والصور


اولا انا قرءت الفاتحه للحاجة الله يرحمها
ثاينا انا قلبى و جعنى و انا بشوف الصور
على فك التابلوة و العدادات وفيش الكهربا
بصراحه قلبك جامد جدا
والمهم جزاك الله خير الجزاء على الموضوع
واكيد فى ناس كتير قلبها جامد و ممكن تفك بنفسها تابلوه العربية
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:22 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017