تغيير زيت فتيس اللانوس المانيوال بالصور

[كفليت الاسفلت]

[hosam991]

عصام باشا صباح الفل
عايز اشترى لانوس مستعملة
عايز نصيحتك فى الموديل الافضل ونصائح الشراء علشان محدش يضحك عليا

[عصام غنايم]

السلام عليكم اولا احييك على المجهود الرائع والشرح الوافي وجزاك الله خيرا ثانيا انا عندي استفسار هل الكلام دة ينطبق على النوبيرا 2 ولا الانوس بس لان انا بحس بصوت نحرة خفيفة كدا في الفيتيس لما بكون حاطط ايدي على العصاية كدا وصوتها بيكون واضح لما بيكون التكييف شغال مش عارف هل دي طبيعي ولا اية وقلت للراجل وانا بغيير الزيت بصلى كدا على زيت الفيتيس فك الطبة وشوية زيت كدا وقعوا من مكان الطبه وقالى تمام كدة مظبوط قلتلة طب اية مشكلة النحرة دي وكمان سعات الغيار بيبق مش عاوز يجي الا لما ادوس دبرياج واسيب قالى ممكن يكون الوير عاوز يتغير ولا حاجة فانت اية رايك يا عصام باشا جزاك الله خيرا اللهم اشفي زوجته وكل مرضى المسلمين يا رب

اللهم بارك لك

انا كلامى على الفتيس المانيوال للسيارتين

النحره دى غير زيت الفتيس وهو بارد تلاجه

النوبيرا الدبرياش بتاعها باكم مش وير الميكانيكى ده حمار

خلي ميكانيكى كويس يبصلك على الأسطوانه والدسك

السلام عليكم :احييك يا استاذ عصام علي الشرح الكامل المبسط اللهم اشفي زوجته وكل مرضى المسلمين يا رب العالمين . انا اقتنعت جدا" بتغيير زيت الفتيس ودورت علي موبيل الليتر الواحد ملقتهوش رحت اشتريت شل العلبه لونها احمر ورحت للميكانيكي مشيت من عنده بعد التغيير بنضافه حسيت اني راكب عربيه ياباني مش كوري الكلام ده لمدة ثلاث ايام فقط بعد كده حسيت اني راكب عربيه كوري اي كلام زعلت جدا" ومش عارف اعمل ايه انا عربيتي 2008 عامله 31000ك فقط ومش متهانه اعمل ايه وشكرا"

الف شكر على دعائك لى

ارجو ان توضح مشكلتك بالظبط حتى استطيع ان اساعدك بالحل

يعنى ايه رجعت عربيه كورى اى كلام

تقرير هايل و مجهود رائع

للهم اشفي زوجته وكل مرضى المسلمين

ألف شكر يا معلم شرح جامد

اللهم بارك لكم وفيكم

[عصام غنايم]

ربنا يسدد عنك دينك و يشفى زوجتك و كل الناس يا رب بس هو زيت الفتيس او الدرابوكس بيكون حوالى 3 كيلوا يا ابو فارس ازاى 1800 ملى بس

اللهم تقبل منك

انا هنا بتكلم على الفتيس المانيوال والكميه اللى محددها الكاتلوج الخاص بالسياره وممكن حضرتك تراجعه

امال ايه حكايه زيت الفتيس اللى ب 27 جنيه و 33 جنيه و بعدين علبه التروس بتحتاج حوالى 3 كيلوا يا ريت تفهمنا الصح

الزيت بنجيبه من اى بنزينه موبيل العبوه لونها ابيض ووزنها كيلو صورتها فى اول الموضوع

انا بتكلم على الفتيس المانيوال

متميز كالعادة واللهم سدد دينك وديننا واشفى زوجتك وجميع مرضانا ومرضى المسلمين

ربنا يبارك فيك , و شكراً على الموضوع الهايل

شفى الله زوجتك و سدد الله عنك دينك اللهم آمــــــــــيـــــــــــن

اللهم تقبل دعائهم واعطهم مثل ما دعوا لى به واكثر

آمين يارب العالمين

[عصام غنايم]

عصام باشا صباح الفل عايز اشترى لانوس مستعملة عايز نصيحتك فى الموديل الافضل ونصائح الشراء علشان محدش يضحك عليا

صباح الخير

طبعاٌ كل ماكان الموديل اعلى والحاله افضل كان احسن

بس حضرتك مقولتليش معاك فلوس كام علشان انصحك من خلالها

بالنسبه لنصائح الشراء ( هات عربيه شركه بره وجوه و تكون ماشيه كيلوات تحت المية الف )