رابطة مالكي الكيا سيفيا فيد واستفد ( صداقة - نقل خبرات )

[Sameh Ragih]

المشاركة الأصلية كتبت بواسطة black_louts2006 بص يا سيدي موضوع البنزين الكتير والبرجله ده مالوش غير حاجه من اتنين اولاً : حساس الشكمان يكون باظ وعلي فكره انه يكون بايظ مش معناه ان لمبة التبلوه بتاع الماتور تكون منوره لانه ممكن يكون بايظ ومن غير اللمبة ما تنور لان المبه بتنور لو الحساس مش موجود انما ممكن يكون بيبعت قراءه غلط للكنترول يونت وطبعا الكنترول يونت بيخلي البخاخات ترش بنزين بزياده وطبعا البوجيها مش هاتعرف تولع في كل البنزين ده مره واحده فا بيخلي العربيه تبرجل بس خد بالك لان في بعض الاوقات بيكون فيه طرف من اطراف حساس الشكمان بيكون مقطوع وده ممكن يسبب المشكله دي ثانيا ً : وده بقه من خلال تجربتي انا الشخصيه ان يكون فيشة الكنترول بتاع الفتيس الاتوماتيك تكون بتعلق او تكون مزرنخه نتيجة المياه والاتربه ودي حله سهل وهو انك تنفضها وتغسلها بمنظف جاف جرب ولاغيني انا عربيتي علمتني كل انواع الاعطال وبعدين انا بصلح كل حاجه بنفسي لان زهقت من سرقت الميكانيكيه والكهربائية

: 010104~171:

[midohema]

لو سمحتم يا سيفياوية كنت عاوز اعرف سعر الاكصدام الامامى و الشنب و الايريال الكهرباء بتوع السيفيا ,,, طبعا" كله استيراد ؟؟؟؟؟ حتى لو اسعار تقريبية

[WALEED MOH.]

السلام عليكم يا سيفاويه عندى مشكله محيرانى فى الكيا سيفيا أرجو أن حد يقدر يفدنى فيها وهى
1- لمبة الأوفر دريف بتاعة الفتيس أو بتاعة السرعه العاليا فى الفتيس من وقت مغسلت العربيه من 3 أسابيع وهيا منوره معايا وحاسس ان العربيه مش مظبوطه.
2- فيه فيوز فى علبة فيوزات أللى فى الموتور 3 مرات يقطع معايا وهوه فيوز مربع لونه أزرق مكتوب عليه IGN-1 مش عارف ده بتاع أيه بس لما بيقطع معايا العربيه بتفصل كهربة الكونتاكت ومش بدور بس المرش بيبقى شغال.
أرجو أن حد يفدنى.

[medo_mony]

السلام عليكم ورحمة اللة وبركاتة
دى اول مشاركة ليا فى هذة الرابطة العظيمة وهى رابطة السيفياوية
عايز اخد رايكو فى حاجة كدا
اولا انا نفسى اشترى عربية جديدة بدلا من 128 اللى قرفتنى اوى دى
ثانيا انا معايا فلوس اجيب فيرنا او دايو بس المشكلة بقيت تكسة و مبهوءة اوى
ثالثا انا جتلى فرصة جامدة اوى قولت اعرضها على اهل الخبرة وهى
عربية جارتى وهى كيا سيفيا موديل 2002 وانا عارف استخدمها بسيييط جدا
و حالت العربية كويسة جدا والعربية عاملة 58 الف كيلو فقط ثم عرضتها للبيع
وقالت لى عايزة 45000 جنية اية رايكو ولا اجيب زيرو لانوس او فيرنا
لية الاحسن افيدينى ارجوكو
ارجو سرعة الرد
وشكرا

[saadpop435]

السلام عليكم ورحمة الله وبركاته
انا عضو جديد وارجو ان اكون خفيف الظل فى هذا الجروب الجميل
عموما انا اشتريت كيا سيفيا موديل 2002 كاملة مانوال
الحمد لله العربية جميلة وناعمة وجديدة بس عندى مشكلة مش عارف اشرحها ازاى
لما اجى اقرص على العربية شوية هى بتجرى جامد بس باحس انه فى حاجة بتخنق السرعه شوية الميكانيكى قاللى نشوف الكوبلن الداخلى ممكن يكون فيه ( ريجه ) انا طبعا مش فاهم هل ممكن هو ده اللى يخنق العربية كده ولا الموضوع ايه بالظبط
وعموما انا سعيد بالجروب اللى اكتر من رائع ده وشكرا ؛؛؛؛؛؛؛