يوميات تاجر سيارت (فقط وحصريا على مصر موتورز)

[Arabeg]

ههههههههههههههههه
متابع
ربنا يصلح الحال

[Ahmed AlGamal]

معلش يعني بس انتو اللي غلطانين
بتروحو بدري ليه ... ما تقعدوا نص ساعة تاني على الاقل تصلوا الفجر

[Saif eldien]

اتاخرت عليكم شوية
اقولكم على قد اية العميل يحترم موظف المعرض او التوكيل او التاجر او مندوب البنك او شركة التقسيط لما يكون عايز عربية ووسعتها بيكون انصح من 50 تاجر بيبيع عربية يبداء يفاصل واحلا شى انة فاكر ان كل واحد بيبع العربية بسعر هو عيزة ميعرفش ان جميع الاسعار واحدة والفرق بسيط بين كل واحد ف\
فيقولك اية
سعر العربية كام تقولة سعرها 50 الف
يقولك لا دة انا لسة متصل او كان عند معرض كذا وقالى هيدينى العربية بسعر 40 الف
طبعا لان كلنا بنبقى عرفين بعض فطبيعى تقولة
دة سعر كويس يا فندم وانا مقدرش ابيع بالسعر دة بس انت متاكد ان فلان هيبعلك بالسعر دة
يقولك طبعا دة انا شفت العربية عندة
وطبعا احنا بنكون فى اغلب الاحيان عرفين البضاعة ال موجودة عند بعض او عند المستورد او الوكيل لاننا كلنا مصدرنا معروف
احلا شى لما تكلملة فلان ال قال ان العربية عندة قدامة وتقولة سعر العربية كام يقولك سعرها 50 الف

ولا احلا شى وهو بيشترى قسط ويفهمك انة احسن حد فى مصر وانة عندة اقوا ضمنات ويجى تقرير الاستعلام سعتها متبقاش عارف تقولة اية غير انة مرفوض
وسعتها العميل من حالة انة ناصح وبيحبك لانة فاكر انة هيضحك عليك الى حالة الثائر ال كارة كل الناس بتوع العربيات
وطبعا انت مبتبقاش عايز تقولة ان مصر 100% من شعبها يوم حلو ويوم مر وان المظاهر غير ال مستخبى وراء الابواب

احلا شى لما عميل يكلمنى ويعمل ناصح جدا
يقولك انا عايز اشترى عربية ومعى 50% من ثمنها
تقولة مفيش مشكلة يا فندم حضرتك شرفنى ونخلص الاجرائات كلها بسرعة
يقولك انا مخلص الاجرائات فى البنك بتاعى
تقولة ماشى مفيش مشكلة يقولك حضرتك تاخد عرض سعر من عندى وتوقع فى البنك وتجبلى خطاب التسليم والمقدم واسلم حضرتك العربية علطول
يقولك انا مخلص كل شى انت هتسلمنى علطول انا همل اسمك علشان البنك يطلعلك الشيك
تقولة مفيش مشكلة شرفنى ادفع المقدم وهاتلى ورقة من البنك واسلم حضرتك العربية
يقولك مقدم اية انا طلعالى موافقة من البنك بمبلغ 50% من ثمن السيارة وانت هتقسطلى 50% الباقية
تقولة ازاى يا فندم هو البنك هيديك قرض شخصى
يقولك لا دة قرض سيارة
تقولة طيب مانت لازم تدفع باقى الثمن مقدم
يقولك لا انت قسطلى 50% والبنك هيقسطلى 50% الثانين
تقولة يعنى حضرتك كدة مش هتدفع مقدم
يقولك لا مانا هديك 50% من البنك
تقولة والحظر يتعمل لصالح البنك ولا لصالحى يقولك انت مش قايل ان مفيش حظر بيع
تقولة حظرتك مفيش حظر بيع لما تكون عميل بنك ومحول مرتبك انما حضرتك مش هتدفع شى ولا فى اى ضمنات يبقى ازاى
خلاصة الحوار علشان الناس تفهم دة عميل عامل ناصح عايز من التقسيط المباشر 50% ومن البنك 50% وكدة هو يكون معاة عربية وطبعا دة مينفعش خالص

دائما عميل التقسيط عندة سر وبيحاول يخفية ودة بيصعب اجرائات التقسيط مع انة لو قال الحقيقة لمعرض هيعرف يساعدة

تابعوا باقى

[AbOnOrA]

يقولك لا انت قسطلى 50% والبنك هيقسطلى 50% الثانين

ربنا يصبرك يا سيف انا واحد زى ده ممكن يجيبلى غلطة او انا اجيبله عاهه مستديمة
تسلم ايدك يا سيف على نقل التجارب القيمة ديه وفى انتظار المزيد