الاسباب اللى بتخلى العربية مكتومة و مبتسحبش

[Good09]

ما الاسباب اللى بتخلى العربية مكتومة و مبتسحبش ؟
ياريت نعرف الاسباب دى انا ها اكتب اللى اعرفه و ياريت الاخوة يعرفونا الباقى بحيث العربية لما تتكتم نعرف الاسباب
ممكن بنزين مغشوش
ممكن فلتر الهوا جاب اخره و عاوز يتغير
ممكن فلتر البنزين عاوز يتغير
ممكن البوجيهات مرطبة و عاوزة تتغير
سلك البوجيهات عاوز يتغير
الشكمان مكتوم و مش مظبوط


ده اللى اعرفه ياريت لو تعرفوا حاجة تانية تقولوا

[حسام البورسعيدى]

كلامك مظبوط طبعا واحب اضيف حاجة ..

الحاجات اللى حضرتك زكرتها دى الحاجات المبدئية او الشائعة .. لكن لو كل ده تمام ممكن يبقى العيب من :

- طرمبه البنزين ضعيفة

- لو العربية كاربراتير ممكن الكربراتير مكتوم او محتاج ظبط ..

- لو انجيكشن ممكن البوابة محتاجة تنضيف او انسداد فى الرشاشات او مشكلة فى حساس معين

- ممكن مشكلة فى الاسبراتير (زى تاخير توقيت الاشعال) اوالبوبينه ..

- ممكن سخونة زياده فى الموتور او ان الزيت يكون خفيف زياده عن اللزوم و خصوصا فى الحر الشديد ده ..

[essamenen]

عدم ظبط خلوص الابلاتين او تلفه او خلوص البوجيهات

[Good09]

كلام جميل..............

[ابوروان]

شكرآ عالشرح الجميل ربنا يجزيكم خير .