|
المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
أدوات الموضوع |
#1
|
|||
|
|||
ضريبة تجديد الرخصة على الشارى ولا البائع ؟
السلام عليكم ورحمة الله وبركاته
بأختصار صديق ليا اشترى عربية مستعملة و الرخصة كانت منتهية و قال للبايع يجددله الرخصة صاحبى ساب الرخصة لصاحب العربية عشان يجددهاله صاحبى اتفاجىء لما صاحب العربية بيكلمه و بيقوله جددتلك الرخصة و دفعت مبلغ كذا عايزهم منك صاحبى قاله ونا مالى ضريبة التجديد مش عليا ونا واخد منك الرخصة منتهية يبقى انتا اللى تجددها الراجل قاله مش حضرتك اللى هاتمشى بيها ولا انا اللى هامشى بيها ؟ عايزين نعرف دلوقتى صاحبى يدفع الضريبة ولا لاء ؟ |
#2
|
||||
|
||||
رد: ضريبة تجديد الرخصة على الشارى ولا البائع ؟
انا اشتريت عربية من فترة و المالك القديم هو الى جدد الرخصة و دفع المخالفات
|
#3
|
||||
|
||||
رد: ضريبة تجديد الرخصة على الشارى ولا البائع ؟
السلام عليكم و رحمة الله و بركاته اللى أنا أعرفه , أن البياع بيديك العربية نظيفة , بمعنى , أنه المفروض يديك العربية ماعليهاش أى غرامات و لا مخالفات و عشان كده اللى بيشترى عربية مستعملة , بيشترط على البياع أنه يجيب له شهادة مخالفات حديثة تثبت أن العربية ماعاليهاش أى مخالفات حتى تاريخ انتقال الملكية من البائع للمشترى و هنا على فكرة فيه لعبة ممكن البائع يعملها لو هو ليه حد فى نيابة المرور , أنه يرحل المخالفات , يعنى يطلعلك أنت شهادة نظيفة , يدوب لحد ما البيعة تمشى و بعد كده , تروح أنت فى أول تجديد ترخيص , تلاقى العربية عليها مخالفات من تاريخ قبل الشراء و لدلك : يفضل أنك لما تستلم شهادة المخالفات من البياع , أنك تصورها و أنك لما تشترى العربية و هتبقى مبلغ من المال للبياع لحد مايجيبلك شهادة مخالفات , أنك تسأل على المخالفات بتاع العربية بنفسك و دى مش بتحتاج الا صورة الرخصة و صورة البطاقة بتاع صاحب العربية و لو روحت و لقيت عليها مخالفات , المفروض البياع اللى بيدفعها لأنه لازم يديك العربية نظيفة و لما البياع يجيلك و يديك شهادة المخالفات النظيفة , لازم يديك معاها الوصل اللى دفع بيه المخالفات و طبعا لو قاللك أن العربية ماكانشى عليها مخالفات , يبقى بيكدب عليه و ساعتها , أنت قولله , لأ يا حلو الملامح يابو رمش جارح, العربية كان عليها مخالفة كدا يوم كدا و بكدا و لو لابط معاك و مارضاش يدفعها و أنكر , اخصم الغرامة دى من الفلوس اللى باقية للبياع . بالنسبة لمصاريف نقل الملكية و التسجيل فى الشهر العقارى, بتبقى على المشترى . بالنسبة لمصاريف الترخيص , لو الرخصة منتهية و هيتدفعلها مبلغ , جزء منه بيغطى الفترة اللى فيها العربية كانت مع البياع , بتبقى على البياع لحد تاريخ البيع و الفترة اللى من أولها هتبقى مع المشترى بتبقى على حساب المشترى , يعنى : عربية مثلا رخصتها هتخلص فى 13-5-2010 و صاحبها ماجددهاش و باعها فى 10-11-2011 , يبقى مصاريف الترخيص لحد 11-11-2011 على البياع و مابعد دلك على المشترى , لأنه هو اللى هيستخدم العربية بعد 11-11-2011 , يعنى التجديد من 13-5-2010لحد 13-5-2011 على البياع و من 13-5-2011 لحد 11-11-2011 على البياع برضه , لكن من 11-11-2011 و أنت طالع , على المشترى لأنه هو اللى هيستخدم العربية و يمشى بيها و ينتفع بيها بعد كده. شكرا و آسف للاطالة . MERCEDES S320
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
#4
|
رد: ضريبة تجديد الرخصة على الشارى ولا البائع ؟
المشترى فى الأصل والبائع فى حالة الاتفاق
__________________
هشـــام باهـــى اسكندرانى يعيش فى القاهرة من 14 سنة |
#5
|
|||
|
|||
رد: ضريبة تجديد الرخصة على الشارى ولا البائع ؟
اشكركم جميعا على الردود و كل عام و انتم بخير
|
|
|