هل من ضرر لو حطيت زيت موبيل دلفاك لموتور بنزين

[samirayad]

نبدأ بإسم الله

تقسيم زيوت محركات الإحتراق الداخلى طبقا لمستويات الآداء

منذ عام 1911 قامت جمعية مهندسى السيارات الأمريكيه S.A.E

بتقسيم زيوت التزييت طبقا للزوجتها

ونظرا لأن هذا التقسيم كان قاصرا ( أى غير كافى ) بالنسبه لصانعى المحركات

لأنه يشمل فقط عنصر اللزوجه

فقد قام معهد البترول الأمريكى A.P.I عام 1974 بتقسيم زيوت التزييت إلى ثلاثة

أقسام طبقا لوجود الإضافات بالزيوت ونوع هذه الإضافات

1- الزيوت العاديه REGULAR TYPE

وهى عباره عن زيوت أساسيه بدون إضافات

2- زيوت أوليه PREMIUM TYPE

وهى عباره عن زيوت أساسيه مضافا إليها إضافات منع الأكسده والصدأ

3- زيوت خدمه شاقه HEAVY DUTY TUPE

وهى زيوت أساسيه مضاف إليها إضافات منع الأكسده وإضافات مشتته ومنظفه

-------------------------------------

نيجى للأهم

لكن هذا التقسيم العتيق لم يفرق بين الزيوت المستخدمه

لمحركات البنزين ومحركات الديزل

ونظرا لأن متطلبات التزييت تختلف بإختلاف نوع الوقود المستخدم

فإن معهد البترول الأمريكى A.P.I بالتعاون مع الجمعيه الأمريكيه للإختبارات

والمواد A.S.T.M

قاما عام 1959 / 1960 بوضع تقسيم أحدث متخذا فى الإعتبار نوع الوقد المستخدم

فقاما بتقسيم زيوت محركات البنزين إلى ثلاثة أقسام

1- خفيف ML )MOTOR LIGHT )

2 - متوسط MOTOR MEDIUM ( MM

3- شاق ( MOTOR SEVERE (MS

------------------------------

وأيضا زيوت محركات الديزل إلى ثلاثة أقسام هى

1- عام DIESEL GENERAL DG

2- متوسط DIESEL MEDIUM DM

3- شاق DIESEL SEVERE DS

------------------------------

وبالرغم من أن ماسبق كان متطورا عن سابقه

إلا أن التطور الصناعى للمحركات

تطلب تقسيما أدق مما سبق

_________________________

ففى عام 1969 /1970 تعاون معهد البترول الأمريكى A.P.I والجمعيه الأمريكيه

للإختبارات والمواد A.S.T.M وجمعية مهندسى السيارات الأمريكيه S.A.E

( الثلاثه أجتمعوا وأتفقوا مع بعض )

وقاموا بوضع تقسيم كاااااااااااااااامل يراعى فيه النقاط الآتيه

1- تصميم المحركات وتركيبها

ENGINE DESIGN AND CONSTRUCTIN

2- ظروف التشغيل OPERATING CONDITONS

3- نوع الوقود المستخدم TYPE OF FUEL

4- زيت التزييت LUBRICATING OIL

5- نظام الصيانه MAINTENANCE PRATICE

وقد أنتهى معهد البترول الأمريكى إلى تقسيم الزيوت إلى عدة أقسام مع جعل التقسيم

مفتوحا لإضافة أى تقسيمات أخرى تستجد طبقا لإحتياجات مصممى المحركات

_________________________

دول شوية معلومات أنا أخدتها فى دوره فنيه

لأحد شركات الزيوت بمصر

ووجدت فيها ما أبغيه من ضرورة التقيد بنوع الزيت

الذى يقرره صانع أى محرك

[samirayad]

وقد أنتهى معهد البترول الأمريكى إلى تقسيم الزيوت إلى عدة أقسام مع جعل التقسيم مفتوحا لإضافة أى تقسيمات أخرى تستجد طبقا لإحتياجات مصممى المحركات _________________________ دول شوية معلومات أنا أخدتها فى دوره فنيه لأحد شركات الزيوت بمصر ووجدت فيها ما أبغيه من ضرورة التقيد بنوع الزيت الذى يقرره صانع أى محرك

وبناءا عليه

الذى يقرر نوع الزيت المستخدم بأى محرك

( سواء ديزل أو بنزين )

هو إللى عمل المحرك

وليس صانع الزيت

---------------


هو فيه حد بيصنع حاجه ويقولك عليها

دى متنفعش إلا لمحرك ديزل بس


ماهو عاوز يبيع علشان يكسب

ويعمل فلوس محترمه

[Hisham.Elgazzar]

المشاركة الأصلية كتبت بواسطة samirayad وبناءا عليه الذى يقرر نوع الزيت المستخدم بأى محرك ( سواء ديزل أو بنزين ) هو إللى عمل المحرك وليس صانع الزيت --------------- هو فيه حد بيصنع حاجه ويقولك عليها دى متنفعش إلا لمحرك ديزل بس ماهو عاوز يبيع علشان يكسب ويعمل فلوس محترمه

طيب ليه يا باشمهندس بيكتبوا على بعض الزيوت العادة اللى انا بحطها فى عربيتى
زى زيت بترومين والتعاون العادة وموبيل العادة ساعات
زيت متعدد الدرجات للمحركات الديزل والبنزين
انا بحط الزيت ده على طول وبغير كل 1000 كيلو وسعات بحط التعاون الـSJوبغيره على 2000او 3000
أه رأى حضرتك وتنصحنى بأه ؟

[luckyman]

المشاركة الأصلية كتبت بواسطة miam0502788391 الواحد فعلا اتلخبط يعنى نحط زيت ديلفاك ولا لأ انا خايف اعمل التجربة وتطلع النتيجة مرضية لكن على حساب العمر الافتراضى للمحرك زى فكرة النفتالين على البنزين ال 80 ثم لو الزيت اداءه مرضى ودرجة لزوجته رغم انها أعلى من زيزت محركات البنزين لا تؤثر على المحرك , طيب ليه الاخوة اللى نصحوا بيه بيحطوا زيت شنبر زي الأبرو وخلافه والمعروف انه زيت تقيل كإضافه لتحسين الخواص ؟؟؟؟ انا فعلا احترت !!!!!!:thnk r:

بص درجة اللزوجة دى بس احد خصائص الزيت مش كل حاجة على كل الاحوال هى خطر فعلا لو فى مناطق باردة لازم الزيت يكون بكثافة ولزوجة اقل انما فى منطقة زى مصر جوها فى الحقيقى صحراوى ومعظم التحرك بالسياره بيكون داخل مدن مزدحمة يعنى المرور واقف فيها ومشلول يبقى مش ديما عدد الكيلو مترات هو المعيار ممكن عدد ساعات التشغيل يعنى فرضا انك فى يوم ما مشيتيش بالعربية الا 25 قضيتها فى اشارات المرور ثلاث اربع ساعات كدة يبقى انت بتحرق برضة بتستهلك الزيت اذا بلد زى مصر المعيار مش بس الكيلومترات لا ساعات التشغيل يعنى ممكن اكون ما مشيتيش بالعربية الا 1500 بس قضيت معظمها اشارات طويله يبقى مهلك اكتر من 7000 كيلو طول العربية ماشية بتبقى احسن وبرضة المشى على الاول والتانى يعنى بالعزم العالى فيها استهلاك لخصائص الزيت
مثلا عندك مولدات احنا بنحسبها بعدد الساعات والعربيات عندنا كلها عدد ساعات
علشان كدة ساعات بيقولك 5000 كيلو او 3 اشهر ايهما اسبق لية لانة اعتبر ان جو مصر خدمة شاقة لانة حط فى اعتبارة ان المرور واقف يعنى خدمة شاقة وصحراوى نفس الشىء
طبعا المحرك على السرعات المنخفضة والمرتفعة معدل تاكل اللاسطوانة بيكون اكبر وبالتالى بيكون فى الزيت رايش حديد بس انت مش بتشوفة الزيت بينضف وبياخدة ويرمية فى الفلتر وكل ما يكون عمر محرك عربيتك قديم اعمل تغير زيت على اوقات وفترات اقصر لان الخلوص بيزداد وبالتالى بياكل زيت ولو بنسبة مش محسوسة وتستخدم زيت اتقل وشكرا

المشاركة الأصلية كتبت بواسطة luckyman بص درجة اللزوجة دى بس احد خصائص الزيت مش كل حاجة على كل الاحوال هى خطر فعلا لو فى مناطق باردة لازم الزيت يكون بكثافة ولزوجة اقل انما فى منطقة زى مصر جوها فى الحقيقى صحراوى ومعظم التحرك بالسياره بيكون داخل مدن مزدحمة يعنى المرور واقف فيها ومشلول يبقى مش ديما عدد الكيلو مترات هو المعيار ممكن عدد ساعات التشغيل يعنى فرضا انك فى يوم ما مشيتيش بالعربية الا 25 قضيتها فى اشارات المرور ثلاث اربع ساعات كدة يبقى انت بتحرق برضة بتستهلك الزيت اذا بلد زى مصر المعيار مش بس الكيلومترات لا ساعات التشغيل يعنى ممكن اكون ما مشيتيش بالعربية الا 1500 بس قضيت معظمها اشارات طويله يبقى مهلك اكتر من 7000 كيلو طول العربية ماشية بتبقى احسن وبرضة المشى على الاول والتانى يعنى بالعزم العالى فيها استهلاك لخصائص الزيت مثلا عندك مولدات احنا بنحسبها بعدد الساعات والعربيات عندنا كلها عدد ساعات علشان كدة ساعات بيقولك 5000 كيلو او 3 اشهر ايهما اسبق لية لانة اعتبر ان جو مصر خدمة شاقة لانة حط فى اعتبارة ان المرور واقف يعنى خدمة شاقة وصحراوى نفس الشىء طبعا المحرك على السرعات المنخفضة والمرتفعة معدل تاكل اللاسطوانة بيكون اكبر وبالتالى بيكون فى الزيت رايش حديد بس انت مش بتشوفة الزيت بينضف وبياخدة ويرمية فى الفلتر وكل ما يكون عمر محرك عربيتك قديم اعمل تغير زيت على اوقات وفترات اقصر لان الخلوص بيزداد وبالتالى بياكل زيت ولو بنسبة مش محسوسة وتستخدم زيت اتقل وشكرا

: CONGRA~238: