صيانه الالف للجاك ومركز الخدمه كوين سرفس

[د.كمال]

ذهبت الى مركز خدمه كوين سرفس ك 4.5 اول طريق مصر السويس لعمل صيانه الالف لسيارتى الجاك وبمجرد الدخول استقبلنى مشرف الاستقبال وطلبت منه عمل صيانه الالف وسألنى فى حاجه تانى فى العربيه عايز تعملها ..وكانت عربيتى حكت فى عربيه تانيه وحصل ان كلبسات الاكسضم الخلفى من ناحيه العجل الايمن انكسرت ورجعت الاكسضم تانى مكانه ولاكن كان فى فرق ظاهربين الاكسضم والرفرف اقل من1سم مع بروز فى الاكسضم وكان تاعبنى نفسيا وده حصل قبل الصيانه بيومين.. وقلت للمشرف عليها وكنت خايف متتعملش كويس...وأخذوا من العربيه وطلبوا منى الجلوس فى الاستراحه اللى بتطل على ورش الصيانه واشاهد منها عربيتى ...بعد حوالى ربع ساعه أتانى فنى وقال عملت لك الاكسضم تعالى شوفه ورحت شفته والحمد لله رجع زى مكان ولا أكن حاجه حصلت ومفيش حاجه باينه خالص...بعد كده فتحوا كبود العربيه والظاهرغيروا زيت وفلتر وبعد كده رفعوا العربيه اقل من مترين وبدأ فنى العفشه يشتغل وأنا أشاهده من زجاج الرسبشن وبصراحه كان بيبص على كل حاجه فى العربيه من تحت وبيمسكها بأيده وبيهزها وللامانه كان بيشتغل بكل صبر وتأنى.... وحسيت انه مش نظام كروته...وبعد كده بدأ فى تربيط العفشه واصواميل والمسامير وبعد كده نزل العربيه وجالى وطلب منى تجربه العربيه وجربناها وكانت ذى الفل...وعملوا فاتوره ب 200 جنيه ودفعتها...بصراحه انطباعى عن هذا المركزانه كويس جدا والناس كانوا بيتعاملو بكل ادب واحترام ولو عايز تسأل فى أى حاجه بيجاوبوك والموضوع كله أخد ساعه واحده فقط دخلت الساعه 10 وخرجت الساعه 11 ...لاكن الحلو ميكملش...لما سألت عن اسعار بعض قطع الغيارأخبرونى بأنه لايوجد فى المركز قطع غيار للسياره الجاك...يادى الوكسه...دخلت على مدير المركز أسأله قال ان السياره الجاك لسه جديده ومش متوقعين عربيات كتير تعمل عندنا صيانه او تصليح لاكن مع الوقت هنطلب من المركز الرئيسى اللى فى طريق القاهره الاسكندريه انه يمدنا بكل قطع الغيار والمسأله مسأله وقت....خلاص كده اقنعنى وأنا مشيت....وانا ماشى لقيت عداد الكيلو متر متصفر يعنى العربيه بحاله الزيرو مش عارف دا بيحصل فى كل العربيات اللى بتعمل صيانه ولا ايه وياريت حد يجاوبنى....بالنسبه لاستهلاك البنزين بعد الصيانه...أنا فولت العربيه بنزين 92 وسافرت من القاهره الى العريش والعربيه عملت 300 ك فى الصفيحه بالضبط والتكييف شغال على طول الطريق....أنا أسف جداا لانى طولت عليكم لكن محبتش اسيب حاجه يمكن حد يستفيد...وتقبلوا تحياتى...

[أحمد السويسى]

علشان نقطة قطع الغيار دى بالذات كنت عاوزك تجيب ال f3 يا دكتور كمال

بس إنت إستعجلت شوية عشان مكنتش متوفرة انا فاكر بس يعتبر توكيلها بالوصف ده افضل بكتير من الأمل

مبارك عليك وإن شاء الله يتوفر قطع الغيار فى أقرب وقت

[odaoda]

لا العداد مبيتصفرش ولا حاجة حضرتك تلاقيك تقصد عداد الرحلات
هتلاقى زرار فالعدادت دوس علية هيرجع عداد الاصلى للكيلو

[odaoda]

بلنسبة لقطع الغيار اكيد مش تبقلا منتشرة بحجم البى واى دى
لانها لسة فالبداية للانتشار مكملتش 3 شهور يعنى

[د.كمال]

اشكر الاخ احمد السويسى على المشاركه وقطع الغيار متوفره فى المركز الرئيسى فى طريق مصر اسكندريه بس انا استقربت ورحت مركز فرعى والجاك تستاهل المجازفه يابو حميد والف مبروك على تركيب الغاز فى الf3 ,ويارب تكون تجربه ناجحه علشان اعملها واشكرالاخ odaoda ,وفعلا دوست على الزرار اللى فى التابلوه ورجع عداد الكيلو متروكنت فاكر ان الزرار ده بتاع الساعه فقط ومنك نستفيد يا برنس .....لاكن انا سامع ان فى الزقازيق مركز خدمه للجاك والجيلى الكلام ده صحيح ولا ايه وهل قطع الغيار متوفره للجاك هناك ....