محاولة اصلاح الفتيس

[ahmed_eng2001]

السلام عليكم
الفتيس بتاعى بدا ينطر الغيار الثالث ..... لما كنت بجيب الغيار ... امشى عليه شوية ... اجد ان عصاية الفتيس نطت لوضع المور تانى و العربية فصلت الغيار
الكلام ده كان بيتم بطريقة عشوائية .... يعنى احيانا الغيار بيتنطر بعد دقيقة واحدة من التعشيق .. و احيانا بعد 5 دقائق .....
و لو دست على البنزين شوية ... الغيار بينطر على طول

كل الشواهد دى بتقول ان غوايش الفتيس تاكلت و محتاجة تتغير
استخرت ربنا و توكلت على الله و قررت انى افك الفتيس بنفسى

معلومات بسيطة عن الفتيس :-

مانيوال 4 سرعات من انتاج جى ام ... من اواخر الستينات لأوائل التسعينات
كوده ... sw465

ده تقرير بسيط ببعض الصور عن خطوات العمل

اولا :- تسقيط الفتيس
للأسف ... لم استطيع تصوير حل الفتيس .... ايدى كانت مش نظيفة و انا كنت شغال لوحدى

1- تصفية الزيت من الفتيس و من فتيس الغرز
2- فك الكردان الخلفى
3- فك الكردان الامامى
4- فك فتيس الغرز و تسقيطه
4- تعليق الفتيس و تحميله على ونش رفع او على كوريك تمساح
5- فك مسامير داير الفتيس
6- فك قنطرة الفتيس
7- محاولة سحب الفتيس بالراحة للخلف ... باستخدام عتلة صغيرة و باستخدام الكوريك
و دى بعص الصور للفتيس قبل الفك





و دى صورة لفتيس الغرز



ثانيا : فك اجزاء الفتيس الداخلية

و دى صورة غطاء الفتيس العلوى الموجود فيه عصاية الفتيس و اذرع نقل الغيارات


و ده شكل الفتيس من جوه





1- الترس الرابع
2- غويشة الغيار الرابع
3- برميل نقل الحركة .. الثالث و الرابع
4- غويشة الغيار الثالث
5- الترس الثالث
6- الترس الثانى
7- ترس ملحق بالبرميل للتعشيق مع ترس المارشديل
8- برميل نقل الحركة الاول و الثانى
9- الترس الاول

يتبع

[حمدى مخترع مانيوال بدون د]

المشاركة الأصلية كتبت بواسطة ahmed_eng2001 السلام عليكم الفتيس بتاعى بدا ينطر الغيار الثالث ..... لما كنت بجيب الغيار ... امشى عليه شوية ... اجد ان عصاية الفتيس نطت لوضع المور تانى و العربية فصلت الغيار الكلام ده كان بيتم بطريقة عشوائية .... يعنى احيانا الغيار بيتنطر بعد دقيقة واحدة من التعشيق .. و احيانا بعد 5 دقائق ..... و لو دست على البنزين شوية ... الغيار بينطر على طول كل الشواهد دى بتقول ان غوايش الفتيس تاكلت و محتاجة تتغير استخرت ربنا و توكلت على الله و قررت انى افك الفتيس بنفسى معلومات بسيطة عن الفتيس :- مانيوال 4 سرعات من انتاج جى ام ... من اواخر الستينات لأوائل التسعينات كوده ... sw465 ده تقرير بسيط ببعض الصور عن خطوات العمل اولا :- تسقيط الفتيس للأسف ... لم استطيع تصوير حل الفتيس .... ايدى كانت مش نظيفة و انا كنت شغال لوحدى 1- تصفية الزيت من الفتيس و من فتيس الغرز 2- فك الكردان الخلفى 3- فك الكردان الامامى 4- فك فتيس الغرز و تسقيطه 4- تعليق الفتيس و تحميله على ونش رفع او على كوريك تمساح 5- فك مسامير داير الفتيس 6- فك قنطرة الفتيس 7- محاولة سحب الفتيس بالراحة للخلف ... باستخدام عتلة صغيرة و باستخدام الكوريك و دى بعص الصور للفتيس قبل الفك و دى صورة لفتيس الغرز ثانيا : فك اجزاء الفتيس الداخلية و دى صورة غطاء الفتيس العلوى الموجود فيه عصاية الفتيس و اذرع نقل الغيارات و ده شكل الفتيس من جوه 1- الترس الرابع 2- غويشة الغيار الرابع 3- برميل نقل الحركة .. الثالث و الرابع 4- غويشة الغيار الثالث 5- الترس الثالث 6- الترس الثانى 7- ترس ملحق بالبرميل للتعشيق مع ترس المارشديل 8- برميل نقل الحركة الاول و الثانى 9- الترس الاول يتبع

الفتيس ده من اسهل الفتيسات فتصليحو وغير معقد بالمرة مجموعة تحت وعمود ادارة ودرك فوق والافيهات معزولة فجزاء منفصل شبه الفتيس الولز تسلم ايدك النتيجة ايه

[sherifabden]

: Wkiss5:

[ahmed_eng2001]

النتيجة لسة معرفهاش

بكرة ان شاء الله ححط زيت فى الفتيس و ادور و اجرب

[ahmed_eng2001]

خطوات الفك :

فكيت لافلانشة الصغيرة دى .... دى جواها اويل سيل الفتيس الامامى ... اويل سيل الزور


و دى شكلها من جوة .... لاحظوا حضراتكم وجود رايش و اجزاء حديد مكسورة من البلية المكسورة فى الطرف



شوفوا حضراتكم بلية الدرك عاملة ازاى !!!!





الصامولة دى فى اخر الفتيس .... لازم نفك وردة اللوك الاول و بعدين نفك الصامولة


و نظرا لان الصامولة دى مرضتش تتفك بسهولة .... فده اخد منى يوم كامل لفكها
و تم اخراج الاكسات بعد مجهود ...