مقابلة الفيوم فى مايو 2011

[MIDO-SPICY]

ها يا جماعه وصلتوا لغايه فين ؟؟؟
خلاص الميعاد النهائى 20 مايو ؟؟؟؟
وايه برنامج الرحله ؟؟؟؟

[hyundai2005]

المشاركة الأصلية كتبت بواسطة esafegypt الاول يا شباب ويا رجال ويا ابطال المنتدى تشرفونا اى وقت فى الفيوم ثانى شئ اى عربية ممكن توصل ان شاء الله لان الطريق يعتبر موش طويل كرحلة كل الوقت من الرماية لغاية وادى الريان ساعتان الا ربع ثالث شئ بالنسبة للامان وانتم جيين ان شاء الله الطريق امان مفيهوش لصوص المشكلة وانتم راجعين فى الظلام اهم شئ انكم تمشوا فى جروب وتكونوا عارفين عدد السيارات وتمشوا مع بعض محدش يجرى ويسيب التانى وان شاء الله هتروحوا سالمين ...... رابع شئ وادى الريان تمشى معاها اى عربية لكن بدون دخول للصحراء فى المحمية لانك ممكن تغرز بسهولة فى الرمل لو مخدتش بالك علشان كده خليكم فى وادى الريان وهناك هتلاقوا المياه والهواء المنعش ومساحات جميلة تستمتعوا بها وخلوا الدخول فى الصحراء لما تزورونا مرة اخرى حتى اكون شوفت معرض يأجر لنا كام عربية 4/4 وندخل بيهم الصحراء ونفتش على الاثار كمان هههههههههههههههههههههه خامسا موش لازم تتعبوا وتشيلوا اكل من بيتكم لان عندنا فى الفيوم مطاعم كتيرة حتى مطعم الشبراوى فتح فرع جديد عندنا وفى جميع انواع الاكل سادسا اللى عربيتة هتعطل لا قدر الله عندنا مكان فى الفيوم شبية بالحرفيين فى القاهرة ممكن يصلح عربيتة على السريع لذا لا داعى للقلق ......................... ...... وانا ان شاء الله هحاول اكون معاكم طول اليوم

تسلم يا غالي وان شاء الله تنورنا ونتشرف بمعرفتك

[سيف الدين سعيد]

المشاركة الأصلية كتبت بواسطة hyundai2005 حمد الله علي سلامتك يا سيف باشا علي فكره انا برضه اتصلت بيك كتير ومتردتيش من 014 عالعموم نورت بيتك من تاني وعايزيين نصحصح الموضوع بقي

الله يخليك يا أحمد باشا . ومتشكر ليك جدا على سؤالك . وآسف جدا انى لم يسعدنى الحظ وماسمعتش صوتك يا حبيبى .

[سيف الدين سعيد]

المشاركة الأصلية كتبت بواسطة esafegypt الاول يا شباب ويا رجال ويا ابطال المنتدى تشرفونا اى وقت فى الفيوم ثانى شئ اى عربية ممكن توصل ان شاء الله لان الطريق يعتبر موش طويل كرحلة كل الوقت من الرماية لغاية وادى الريان ساعتان الا ربع ثالث شئ بالنسبة للامان وانتم جيين ان شاء الله الطريق امان مفيهوش لصوص المشكلة وانتم راجعين فى الظلام اهم شئ انكم تمشوا فى جروب وتكونوا عارفين عدد السيارات وتمشوا مع بعض محدش يجرى ويسيب التانى وان شاء الله هتروحوا سالمين ...... رابع شئ وادى الريان تمشى معاها اى عربية لكن بدون دخول للصحراء فى المحمية لانك ممكن تغرز بسهولة فى الرمل لو مخدتش بالك علشان كده خليكم فى وادى الريان وهناك هتلاقوا المياه والهواء المنعش ومساحات جميلة تستمتعوا بها وخلوا الدخول فى الصحراء لما تزورونا مرة اخرى حتى اكون شوفت معرض يأجر لنا كام عربية 4/4 وندخل بيهم الصحراء ونفتش على الاثار كمان هههههههههههههههههههههه خامسا موش لازم تتعبوا وتشيلوا اكل من بيتكم لان عندنا فى الفيوم مطاعم كتيرة حتى مطعم الشبراوى فتح فرع جديد عندنا وفى جميع انواع الاكل سادسا اللى عربيتة هتعطل لا قدر الله عندنا مكان فى الفيوم شبية بالحرفيين فى القاهرة ممكن يصلح عربيتة على السريع لذا لا داعى للقلق ......................... ...... وانا ان شاء الله هحاول اكون معاكم طول اليوم

مشكور جدا يا اساف باشا : كتر خيرك والله على المعلومات دى .
بس فى نقطتين مهمين : واحده لحضرتك والتانيه لأخونا حسام .
اللى لحضرتك وهى الجزء المتعلق بالأكل . فأنا مصر على ان كل أسره تجيب نوع أكل معاها . لعدة أسباب ( مش أهمها ) ان يكون فيه نوع من الأسريه أكثر بين الأسر اللى حاتكون موجوده .
والنقطه التانيه : لأخونا حسام . وهى ان الموضوع مش سهل زى ما حضرتك متخيل وان لازم وجود أكثر من سياره 4X4 لدخول الصحراء .

[esafegypt]

عادى ممكن نشترى من الشبراوى او اى مطعم اكل وكل ست تنفخ فيه نفخة ال ايه علشان بيقولوا نفسك فى الاكل حلو وناكل بردوا ههههههههههههههههههههههههه ههههههههههههههههههههههههه هه

انا بهزر طبعا انا بس كان قصدى الراحة العامة بس طلاما هيكون فى اكل بيت يبق هنعمل الاكل التمام فى البيت ونجيبة معانا بأذن الله

بالنسبة لموضوع ال 4/4 هو فى مدق واللى هيمشى على المدق بسرعة ثابتة موش هيغرز ده طبعا للناس اللى هتروح وادى الحيتان علشان كده الافضل 4/4 تكون معانا لو هندخل وادى الحيتان

لكن لكن لكن لكن وادى الريان طريقها كويس ومش محتاجه اى شئ واى عربية هتوصل بأذن الله انا بتكلم على وادى الحيتان هو اللى طريقة موش كويس اوكى علشان محدش يتخض ويقول ياااه الموضوع صعب

وعلى فكرة النهار وادى الريان وعلى المغرب نروح عين السليين جميلة فى الليل وشاعرية اوى وفيها مشاية جميلة وباركنج كويس