لوجان ولا اسبيرانزا m11 بعد اذنكو ضروري جدا..

[embaby]

المشاركة الأصلية كتبت بواسطة may_moon911 ايه يا جماعه صلو عالنبي ف قلبكو كدا .. الخلاف كدا هايبقي نار عاللوجان و الاسبيرانزا ----------------------------------- ناخد الكلام خطوه خطوه احسن ولا ايه :- 1- اللوجان 1600 بس 8 صباب .. الام 11 1600 بس 16 صباب دا يعني ان موتور الام 11 اقوي بكتير من اللوجان و دا هايبقي واحد ف الاحصنه و العزم و بلاش موضوع استهلاك البنزين لان دي تكنولوجيا يا جماعه .. يعني ال ريو 1400 تبقي وحشه عشان 1400 ؟ اكيد لا و هما عاملينها موتور 1400 بس بيطلع قوه كبيره 2- الشكل .. من رايي اللوجان تفتقر للشكل الخارجي تماما و تفتقر لاي لمسه جماليه بعكس الام 11 و ف الاخر دي بتبقي ازواق بردوا 3- الارتفاع عن الارض .. اللوجان تكسب طبعا و بفرق كبير .. بس خلي بالك كل ما تعلي عن الارض كل ما يبقي الثبات بطاطا .... الام 11 واطيه علي الارض اه بس مش زي الفيرنا بتحك ف المطبات لا هيا واطيه بس ب عقل 4- وزن العربيه ... اللوجان اخف و بكتير جدا كمان و دا يخليها تسحب و تشد طبعا و حلاوه ... الام 11 تقيله جدا عن اي عربيه و بالرغم من ان الموتور 1600 الا ان ف طلعتو بيتعبك شويه و عايز تتعود علي سواقتها بس اول ما السرعه تعدي 20 او 25 بتبقي العربيه عاديه جدا بل و قويه زي الاوبترا كمان 5- الخامات .. ماقدرش احكم علي اللوجان اوي لاني ما ركبتهاش الا مره واحده .. الام 11 معايا و خامتها كويسه من رايي اكيد مش زي البي ام دبليو بس احسن من الافيو و الاوبترا و الفيرنا احسن منهم بكتير جدا .. اللوجان ماقدر احكم عليها بس اتفرج و احكم 6- التوكيل ... مافيش عربيه ف مصر توكيلها كويس مش هنضحك علي بعض .. بس معروف قطع غيار الرينو نااااار يا حبيبي نار حتي لو من برا التوكيل مش عارف ليه .. الام 11 قطع غيارها اتوفرت جامد ف الفتره الاخيره و بقت ماليه شارع دمشق و التوفيقيه و دا شيء كويس طبعا 7- صيني .. مغربي فكك من الكلام دا يا كبير .. و ما حدش يقولي اعتماديه و الصيني بيبوظ ... فك بطاريه موبايلك و قولي صناعته ايه كدا .... ولا التلاجه و الغساله و التكييف و البوتاجاز ...... مش هنضحك علي بعض احنا حياتنا كلها صيني و الاجهزه عايشه و ما بتقولش لا ........... و اي حاجة ياباني صيني هندي يوغوسلافي لو حافظت عليها هتحافظ عليك و لو ما حافظتش عليها ما ترجعش تشتكي منها .. يعني ما الاقيش حفره و امشي فيها و اقول العربيه وحشه خلاصه الكلام يا استاذي انا كنت واقع ف حيرتك من شهر بالظبط و استقريت عالام 11 .. رغم اني توكيلها مقرف شويه بس ايه يعني هو انا بروح للتوكيل كل يوم ..... المره اللي بروح فيها بزعق و اهلل و اديلو علي دماغو و بيعملي اللي انا عايزو ...... انا جبت الام 11 و مش هكدب عليك عندي تقفيل مش كويس ف الكبوت بس التوكيل ظبطو و مشكله ف حته جمب الولاعه اتكسرت من غير ما افتحها اوي بس دي حاجات جايز تحصل ف اي عربيه و انتا ليك القرار الاخير و لو عايز اي سؤال ف اي عربيه من دول قولي انا معايا ام 11 و عمي معاه اللوجان .. افترج عليهم و قرر و اسف عالاطاله أيمن

احييك يا استاذ ايمن على موضوعيتك ورايك المتكامل
انا بقالي تقريبا 6 شهور بقارن ... مرة اقول الفيرنا واسمع كلام عنها يخليني اشوف غيرها اروح للانوس اسمع بلاوي تخليني ادور على غيرها واللوجان نفس الكلام بس كل مرة اشوف فيها الام 11 ابقى عايز اجري على التوكيل عشان احجزها
واحلى كلام انت قولته ان اي عربية سواء صيني كوري فرنساوي ياباني .. لو حافظت عليها هاتحافظ عليك ولو بهدلتها هاتبهدلك

ان شاء الله قريبا جدا هارجعلكم بتقرير استلام الام 11 والله المستهان

[may_moon911]

المشاركة الأصلية كتبت بواسطة embaby احييك يا استاذ ايمن على موضوعيتك ورايك المتكامل انا بقالي تقريبا 6 شهور بقارن ... مرة اقول الفيرنا واسمع كلام عنها يخليني اشوف غيرها اروح للانوس اسمع بلاوي تخليني ادور على غيرها واللوجان نفس الكلام بس كل مرة اشوف فيها الام 11 ابقى عايز اجري على التوكيل عشان احجزها واحلى كلام انت قولته ان اي عربية سواء صيني كوري فرنساوي ياباني .. لو حافظت عليها هاتحافظ عليك ولو بهدلتها هاتبهدلك ان شاء الله قريبا جدا هارجعلكم بتقرير استلام الام 11 والله المستهان

العفو يا فندم احنا هنا كلنا بنخدم بعضينا ... هيا مشكلتنا اننا بناخد بالماركه كـ اسم فقط , انا كنت واقع ف نفس حيرة سيادتك بس انا كانت اللوجان و كيا سيراتو و شيفروليه كروز و الام 11 ... لقيت الام11 فيها كماليات اكتر من التلاته دول ف اول فئه طبعا و كمان كنت هقسط بس لما فكرت ما دي عربيه و دي عربيه و دي هتشيلني و دي هتشيلني بردوا و لقيت اني برمي فلوسي ف اسم سيراتو او كروز ف قولت لا احسبها صح و هات الام11 و هتبقي مشكلتها ف اعاده البيع فقط و بردوا انا مش جايبها عشان ابيعها ... سلامي ليك و مبروك مقدما الام 11 او اي عربيه تانيه

[عمرو عبد الحميد الجندى]

نصيحة لوجه الله ابعد تماما عن الصينى حتى لو ببلاش

[may_moon911]

المشاركة الأصلية كتبت بواسطة عمرو عبد الحميد الجندى نصيحة لوجه الله ابعد تماما عن الصينى حتى لو ببلاش

طب ممكن تقولي ليه نبعد عن الصيني , و يا ريت لو تقولي التلاجه و التلفزيون و الغساله و الموبايل و الكنبه و الكرسي عند حضرتك صناعتهم ايه ؟