عملت حادثة و .... قمة الفوضى

[الدملاوي]

المشاركة الأصلية كتبت بواسطة akefpop اولا انا مبدافعش عن مبارك انا بحسبها بالعقل مبارك برغم بلاويه لكن كان ليه محاسن ومميزات معرفنهاش الا دلوقتى واهمها الامن والاقتصاد وكان حامى البلد من كوارث واول ما سقط كل الذئاب اللى كانت مستخبيه فى جحورها طلعت عشان تنهش فى جسد الوطن اللى عايزها علمانيه اباحيه واللى عايزها شيوعيه واللى عايزها وهابيه واللى عايزها شيعيه وكل يغنى على ليلاه والفقر اللى حضرتك بتتكلم عنه موجود فى كل دول العالم الغنيه منها قبل الناميه امريكا نفسها فيها فقر وبطاله حى مانهاتن اغنى احياء نيويورك العاصمه الاقتصاديه لامريكا ملاصق لافقر حى فى امريكا هو حى هارلم معقل الجريمه والمخدرات عايز تعرف السرقه على حق ربنا اتفرج على بلد زى السعوديه اللى العائله المالكه السعوديه فيها اكتر من 1600 امير كل واحد منهم بقصوره وسياراته وطائراته وامواله يفوق ميزانية دول باكملها ومع ذلك مصر تقدمت عليهم فى مجالات عديده فالطب والهندسه والصناعه يا راجل ده مترو الانفاق دخل القاهره قبل ما يدخل دبى ب 10 سنوات كامله .. دول اخرهم يشاوروا على الحاجه ويقولوا عايزين من ده وبس انما تصنيع وابتكار مش بتاعهم وانت بتقول 30 سنه بدون حرب وكانه غلطان انه مدخلكش حرب وبستنكر عليه انه عيشك فسلام وفامان 30 سنه وهو ده اللى باقى فعلا اننا ندخل فحرب بجد عشان نعرف قيمة السلام لان معظمنا اتولد وميعرفش يعنى ايه حرب عايز تعرف حضرتك المليارات بتاعة 30 سنه سلام راحت فين ؟؟ راحت فمصانع العاشر من رمضان والمناطق الصناعيه فاكتوبر وشرق التفريعه وبرج العرب واكتر من 30 مدينه جديده اتبنت والمصانع الحربيه والهيئه العربيه للتصنيع اللى كل الدول العربيه انسحبت منها ايام السادات وسحبت تمويلها وانت شغلتها لوحدك لحد ما وقفت على رجليها واشتغلت من تانى بدون (الاشقاء العرب)والمطارات والموانئ والطرق وكووووووووول ده عشان يجذب المستثمرين اللى بييجوا عشان يشغلوك ويحطوا عمله صعبه فبلدك واللى الثوره النهارده بتطردهم وبتقفل مصانعهم وبتشرد الالاف العمال بحجة التطهير تلك الكلمه المطاطه التى يستخدمها الثوار ولا يعلم أحد ما المقصود منها .. وكان الهدف من استعمال تلك الكلمات العامة هو الاستمرارية فى المطالبة بشئ غامض وغير محدد. مبارك يوم ما تنحى عن الحكم كان البنك المركزى فيه اكتر من 36 مليار دولار النهارده وبفعل الثوره المباركه انخفض الاحتياطى النقدى الى 25 مليار دولار فى اقل من 3 اشهر بعد الثوره والله اعلم بقى كام النهارده ومع استمرار الاعتصامات والاضرابات وقطع الطرقات واللى اصبح فى كل مكان وبمبررات تافهه ومن اشخاص اكثر تفاهه وسطحيه ابشروا بان القادم اسوأ

عايز تعرف حضرتك المليارات بتاعة 30 سنه سلام راحت فين ؟؟ راحت فمصانع العاشر من رمضان والمناطق الصناعيه فاكتوبر وشرق التفريعه وبرج العرب واكتر من 30 مدينه جديده

ونسيت ليه بنوك سويسرا وأنجلترا وجزر البهامس وأمريكا وأسرائيل يا راجل

[ahmed2801]

حمدا لله على السلامه

[Moh.Osama]

انا مش عارف الموضوع دخل فى حته مش بتعته ليه الموضوع كله ان واحد متخلف اتعلم السواقه فى مسمط كسر عليك زعلك فى مرايه والرفرف وانت استعوضت ربنا والحمد الله على كده ايه دخل الثورة والانفلات الامنى المصطنع والاستاذ التانى اللى دخل يدفع عن مبارك وايامه مش عارف لازم اى حاجه نتكلم فيه الثورة تدخل ومعارضيها سبحان الله كل حاجه لازم منكونش احنا السبب فيه لا حد تانى لازم يكون السبب ربنا يهدى الجميع

[frhateg]

اولا : حمدا لله علي سلامتك و يعوض عليك ربنا .
ثانيا : سواقين الميكروباصات و من قبل الثوره و هما عصابات فما بالك و بعد الثوره ملهمش كبير . بصراحه الواحد كره السواقه جدا في البلد دي . دي سلوكيات . كنت في بلد خليجي الأشارات فيها من غير عساكر مرور و محدش يقطع اشاره و احنا هنا الإشارات مشكله . ده غير التوك توك اللي دلوفتي بيمشي حتي علي الطرق السريعه و الموتوسيكلات و الناس اللي ماشيه في نص الشارع و مش طايقه تضرب لها كلاكس عايزين يتخانقوا معاك . ان الله لا يغير ما بقوم حتي يغيروا ما بانفسهم . و الله المستعان .

[ريهام79]

حمدالله على سلامتك وربنا يستر طريقنا جميعا