عملت حادثة و .... قمة الفوضى

[khalmasre]

والله مصر ديه بقت فوضي

[crime]

بس انت غلطان ان انت سبت حقك وتلاقى سواق اليكروباص لما لقاك محترم قالك صلحلى الخربوش اللى انت عملته ف عربيتوا
تقبل تحياتى

[jojojojojo]

المشاركة الأصلية كتبت بواسطة akefpop اولا انا مبدافعش عن مبارك انا بحسبها بالعقل مبارك برغم بلاويه لكن كان ليه محاسن ومميزات معرفنهاش الا دلوقتى واهمها الامن والاقتصاد وكان حامى البلد من كوارث واول ما سقط كل الذئاب اللى كانت مستخبيه فى جحورها طلعت عشان تنهش فى جسد الوطن اللى عايزها علمانيه اباحيه واللى عايزها شيوعيه واللى عايزها وهابيه واللى عايزها شيعيه وكل يغنى على ليلاه والفقر اللى حضرتك بتتكلم عنه موجود فى كل دول العالم الغنيه منها قبل الناميه امريكا نفسها فيها فقر وبطاله حى مانهاتن اغنى احياء نيويورك العاصمه الاقتصاديه لامريكا ملاصق لافقر حى فى امريكا هو حى هارلم معقل الجريمه والمخدرات عايز تعرف السرقه على حق ربنا اتفرج على بلد زى السعوديه اللى العائله المالكه السعوديه فيها اكتر من 1600 امير كل واحد منهم بقصوره وسياراته وطائراته وامواله يفوق ميزانية دول باكملها ومع ذلك مصر تقدمت عليهم فى مجالات عديده فالطب والهندسه والصناعه يا راجل ده مترو الانفاق دخل القاهره قبل ما يدخل دبى ب 10 سنوات كامله .. دول اخرهم يشاوروا على الحاجه ويقولوا عايزين من ده وبس انما تصنيع وابتكار مش بتاعهم وانت بتقول 30 سنه بدون حرب وكانه غلطان انه مدخلكش حرب وبستنكر عليه انه عيشك فسلام وفامان 30 سنه وهو ده اللى باقى فعلا اننا ندخل فحرب بجد عشان نعرف قيمة السلام لان معظمنا اتولد وميعرفش يعنى ايه حرب عايز تعرف حضرتك المليارات بتاعة 30 سنه سلام راحت فين ؟؟ راحت فمصانع العاشر من رمضان والمناطق الصناعيه فاكتوبر وشرق التفريعه وبرج العرب واكتر من 30 مدينه جديده اتبنت والمصانع الحربيه والهيئه العربيه للتصنيع اللى كل الدول العربيه انسحبت منها ايام السادات وسحبت تمويلها وانت شغلتها لوحدك لحد ما وقفت على رجليها واشتغلت من تانى بدون (الاشقاء العرب)والمطارات والموانئ والطرق وكووووووووول ده عشان يجذب المستثمرين اللى بييجوا عشان يشغلوك ويحطوا عمله صعبه فبلدك واللى الثوره النهارده بتطردهم وبتقفل مصانعهم وبتشرد الالاف العمال بحجة التطهير تلك الكلمه المطاطه التى يستخدمها الثوار ولا يعلم أحد ما المقصود منها .. وكان الهدف من استعمال تلك الكلمات العامة هو الاستمرارية فى المطالبة بشئ غامض وغير محدد. مبارك يوم ما تنحى عن الحكم كان البنك المركزى فيه اكتر من 36 مليار دولار النهارده وبفعل الثوره المباركه انخفض الاحتياطى النقدى الى 25 مليار دولار فى اقل من 3 اشهر بعد الثوره والله اعلم بقى كام النهارده ومع استمرار الاعتصامات والاضرابات وقطع الطرقات واللى اصبح فى كل مكان وبمبررات تافهه ومن اشخاص اكثر تفاهه وسطحيه ابشروا بان القادم اسوأ

مع احترامي لكلام حضرتك ووجهه نظرك عشان انا من انصار احترام ووجهات النظر وتقبل الاخرين بس انا شايف ان كل اللي احنا فيه ده نتاج سنين فاتت وللاسف الرئيس المخلوع ياريته بس سرق فلوس بس للاسف ده سرق اخلاقنا وغير ثقافه وسلوكيات شعب باجمعه وطلعلنا طبقه جديده غريبه علي الشعب المصري وهي طبقه البلطجيه اللي هي فعلا نتاج اهمال وبطاله وعشوائيات ونشر الفساد في جميع اجهزه الدوله وجعل جهاز الشرطه اداه للبطش والظلم بدل مكون اداه للحفظ الامن والامان يا جماعه احنا لو اقعدنا نعد بلاويه مش هنخلص بس انا مع العضو برضه ان لازم احنا كمصريين نغير من سلوكايتنا وطبعنا ويبدا كل واحد بنفسه يا جماعه في البلاد عربيه كانت متاخره عننا في كل حاجه ودلوقتي بيضرب بيها المثل في النظام والاحترام والسلوكيات المتحضره زي الامارات وقطر وغيرها كتير يا جماعه نفسي اشوف مصر بلد حضاريه زي زمان ونفسي اشوف شعبها متحضر وع فكره احنا اصلا بلاد التحضر والرقي فديه حاجه مش غريبه علينا وربنا يحفظها لينا ان شاء الله