مبتدءى بالسيارات ارجو مساعدتى

[احمد المايسترو]

المشاركة الأصلية كتبت بواسطة samirayad قليل أوى كده عاوزينك تتعلم القياده على أصولها علشان تبقى سواق صح ومتستعجلش برضه وحاول تسوق مانيوال أولا لأن المانيوال هو الأساس فى تعلم القياده ------------------------- ولما تبقى عشره على عشره فى المانيوال هتلاقى قيادة الأوتوماتيك سهله جدا

انا اعرف شوى عن العربيات من كتر العاب العربيات الى بحب العبها وبردك لما بركب جمب حد بيسوق ببص اشوف بيعمل ايه عارف ازاى اجيب الغيار الاول والتانى وهكذا وعارف طبعا امسك الدركسيون والفرامل فين والبنزين بس مش عارف حاجة عن صيانة العربية وامتى اعرف انها قربت تخلص بنزين وما جربتش انا الى اسوق قبل كده بذات فى شوارعنا المبهدلة دى المليانة مطبات
و انا ان شاء الله هخلى واحد صحبى حلو فى السواقة يعلمنى من اول الصبح لاخر الليل ان شاء الله معاه لغاية ما اعرف كل حاجة عن السواقة بس المشكلة انى خايف تكون كل عربية غير التانية عشان كده عايز اشوف العربية الى هجيبها الاول واعرف زى عربيته فى السواقة

[samirayad]

المشاركة الأصلية كتبت بواسطة احمد المايسترو انا اعرف شوى عن العربيات من كتر العاب العربيات الى بحب العبها وبردك لما بركب جمب حد بيسوق ببص اشوف بيعمل ايه عارف ازاى اجيب الغيار الاول والتانى وهكذا وعارف طبعا امسك الدركسيون والفرامل فين والبنزين بس مش عارف حاجة عن صيانة العربية وامتى اعرف انها قربت تخلص بنزين وما جربتش انا الى اسوق قبل كده بذات فى شوارعنا المبهدلة دى المليانة مطبات و انا ان شاء الله هخلى واحد صحبى حلو فى السواقة يعلمنى من اول الصبح لاخر الليل ان شاء الله معاه لغاية ما اعرف كل حاجة عن السواقة بس المشكلة انى خايف تكون كل عربية غير التانية عشان كده عايز اشوف العربية الى هجيبها الاول واعرف زى عربيته فى السواقة

لو عاوز الصح يا أبو حميد

تخللى والدك أو عمك أو خالك

يعرفك ويثقلك الجوانب المهاريه فى القياده

ويعرفك كل شىء بصوره مبسطه عن السياره على الطبيعه

ولما تحب تعرف شىء عن صيانة السيارات

المنتدى موجود عندك أهو

وإسأل وهتلاقى كل إللى أنت عاوز تعرفه

[.EhAb]

ها تتعلم السواقة فى يوم واسعة شوية دى.
انت كل يوم فى حياتك هاتسوق فيه عربيتك هاتتعلم حاجة جديدة.
الرخصة عند سن 18 سنة.
صعب قوى تجيب عربية كويسة ب50 الف قسط. هات عربية مستعملة و ماتخفش عليها من التخبيط و لما تحس انك بقيت كويس اشترى الجديد.

[احمد المايسترو]

المشاركة الأصلية كتبت بواسطة samirayad لو عاوز الصح يا أبو حميد تخللى والدك أو عمك أو خالك يعرفك ويثقلك الجوانب المهاريه فى القياده ويعرفك كل شىء بصوره مبسطه عن السياره على الطبيعه ولما تحب تعرف شىء عن صيانة السيارات المنتدى موجود عندك أهو وإسأل وهتلاقى كل إللى أنت عاوز تعرفه

ابويا وعمى مش معاهم عربية انا اول واحد بعيلتى يجيب عربية هما من النوع الى بيحب الرياضة لكن انا عايز اريح نفسى شوية من المشى وعادى هخلى واحد صحبى خبرة فى السواقة يعلمنى هى عربيته فيات قديمة شوية بس ماشية

ان شاء الله اخليه يعلمنى بالاجازة

[احمد المايسترو]

المشاركة الأصلية كتبت بواسطة .EhAb ها تتعلم السواقة فى يوم واسعة شوية دى. انت كل يوم فى حياتك هاتسوق فيه عربيتك هاتتعلم حاجة جديدة. الرخصة عند سن 18 سنة. صعب قوى تجيب عربية كويسة ب50 الف قسط. هات عربية مستعملة و ماتخفش عليها من التخبيط و لما تحس انك بقيت كويس اشترى الجديد.

ممكن نسبة تقريبية لتمن العربية المستعملة بالنسبة للجديدة
يعنى مثلا شيفرويله افيو اليدوى ب78 الف المستعملة استعمل نضيف يعنى الشكل سليم ليها تبقى بكام...... تقريبا
ده مثال عشان اعرف بس اصل كده هجيب المستعملة تقعد معايا 7 سنين او 5 قبال ما اتخرج وفى تقسيط على المستعمل ولا لا وممكن سوال اخير ايه هى اقصى مدة للتقسيط على كام قسط يعنى