رابطة ملاك ومحبى السفينه فيات 132

[Hisham.Elgazzar]

المشاركة الأصلية كتبت بواسطة mostafa3tef استشارة صغننه على الماشى عربيتى القديمة لما جيت اشدها كنت عامل حسابى على كل حاجه فرش وصالون بالكامل طقم جنوط وكاوتش سمكرةة ودوكو وعدة صوت المهم عملت السمكرة والدوكو الصالون والجنوط ووقفت على الفينش والاكسسوار وحبه حاجات لزوم الترويش والسبب ان زوجتى شاء الله انها تولد قيصرى وليس طبيعى فبصراحة الفلوس عجزت ومحستش بالعربية رغم المصاريف. دلوقتى بقه انا برضه محتاس المفروض اخر الرخصه 30-6-2012 والعربية داخلة فحص وانتوا عارفين التلكيك اللى على كل حاجة ومراتى هاتعمل عملية الشهر ده برضه وفى نفس الوقت مش عايز اكروت العربية غة السمكرة والدوكو عشان الواحد مش بيعمل الحوار ده كل يوم فاهم حاجه الحاجه تبقى مظبطه عالشعرة. العربية محتاجة 1 سمكرة ودوكو 2 تجديد الفرش 3 اكصدامات جديدة 4 فوانيس خلفى وامامى بالشبكة 5 مرايات 132 6 حبة نواكل واكسسوارات 7 عزل المقصورة بالكامل 8 تظبيط عفشه وكهرباء وميكانيكه العقل والمنطق بيقول ان العفشة والميكانيكة والكهرباء الاول بس انا مضطر اخليهم اخر حاجه عشان الفحص اهم حاجه الشكل الخارجى والموتور فقط والطفاية والفلوس اللى معايا متكملش انى اعمل كل دول مع بعض وخصوصا لو فعلا زوجتى هتحتاج العملية ده غير انى كنت ناوى ارخص 3 سنين عشان وجع الدماغ ويبقى كل 3 سنين اروح مره افحص واجدد فى نفس الوقت مرور السلام زباله لابعد الحدود والكل بيقولى كده كده هدفع عشان اخلص فبفكر ادفع واخلص نفسى ولما اخلص من اللى ورايا ادخل على العرية وامزمز مع نفسى اظبط الداخل والاساسى واخير الشكل الخارجى وارجع واقول ان الرشوه حرام بس انا سالت شيخ قالى لو زى ما بتقول ان كده كده لازم تدفع سوء شديت العربية ولا لاء يبقى متشدهاش وادفع بقه وامرك لله واستغفر ربنا بس بصراحة برضه برضه مش مرتاح لموضوع الدفع ده والمشكله مش فى الفلوس المشكله فى ان الله لعن الراشى والمرتشى وانا عمرى ما دفعت رشوه لحد. ولو مجددتش فى الميعاد بدفع ضريبه وتلت ده غير قرف وشهادة بيانات والحوارات دى السوال بقه المهم هو هل ينفع اروح ادفع الضريبة والتأمين عشان الضريبة ما تسقطش واركن العربية لحد ما ربنا يكرم بفلوس واشدها زى ما انا عايز ولا ماينفعش ؟ لان لو ينفع يبقى كده الموضوع اتحل ادفع الفلوس واصبر شهرين ولما اشد العربية افحص واجدد الرخصه ياريت اللى عارف يقولى عشان يريح قلبى وشكرا مقدما

ألف حمدا لله على سلامتك يا وربنا يطمنا عليك يارب ، ويشفى زوجتك بإذن الله
علشان تأمن على العربية لازم يعرفوا ان العربية حالتها كويسة علشان يمضوا على الوثيقة ، كمان تقدر ب 40 جنيه تغير الطفاية من بافاريا اللى جنبك عند سوق الكنال الدولى
وبالنسبة للإكصدامات ممن ننزل سوا نجيبها من شلبى وبإذن الله هنلاقيها
بس انا بيتهيألى ان الامامى ممكن يتلم

وبالنسبة للسمكرة أيمن انا متأكد انه بإذن الله هيساعدنا
والكهربا بإذن الله امرها سهل والعفشة كمان مش لازمة اوى دلوقت

بالنسبة للفحص المهندس والعامل اللى بيرفع البصمة وإن شاء الله كله هيبقى زى الفل
بس اهم حاجة علشان تخلص بدرى بإذن الله

[Hisham.Elgazzar]

انت أخبار استهلاك البنزين اه ؟؟

[أيمن الروبي]

المشاركة الأصلية كتبت بواسطة mostafa3tef انا رحت الشغل النهاردة وكلمت هشام عشان نتقابل امبارح وعديت على التحرير وكانت غلطة عمرى الجو حار والدنيا زحمة واتخنئت من الزحام وجالى هبوط وفوئونى وجابولى ميه بسكر وبئيت كويس المهم مشيت لحد ما وصلت الاوبرا عشان كان عندنا حفلة فى المسرح الكبير ونسيت اخد الانسولين قبل ما انزل وطبعا مجهودى قليل عشان السكر ربنا يعافيكوا كلكوا بعد ما وصلت لائيت عربيات الشغل فى البارك بتاع الاوبرا ومفيش سوائين مشيوا عشان مكنش فيه تصريح للعربيات بالدخول. المهم التصريح جه بس للاسف السوائين كانوا روحوا ومحدش بيسوق نقل غيرى فى الشغل بعد السوائين المهم دخل 4 عربيات نقل جوا وطبعا واحدة بس فيهم اللى باور والباقى عادى المهم مع الحر والقرف وعربيات زى دى بتاخد مجهود عشان المكان ضيق ومليان عربيات. المهم العربيات دخلت واتركنت والحمد لله نزلت جالى هبوط تانى وجابولى عصائر وساندوتش واكلت وقلت قاعد نص ساعه وبقيت كويس وقولت اشتغل بقى المفروض احنا 3 محدش جه غيرى والحفلة مهمة ولو ما اتذاعتش فى تحقيق وحاجات كتير كده فطبعا الشغل اللى المفروض يقوم بيه 3 عملتوا لوحدى وموبيلى كان هيفصل شحن قولت لما اخلص اتوضى واصلى واحطه على الشاحد المهم دخلت الحمام بتاع الاوبرا بس حمام حكاية مشغالين ميوزك وتكييف تلاجة ونظافه وبرفان المهم دخلت الحمام ومدرتش بنفسى غير والدنيا ضلمة كحل ومفيش صوت لبنى ادم والباب بتاع المام العمومى مقفول والموبايل قاطع شحن قفلوا عليا الحمام ومشيوا طبعا احاسيس كتيرة كنت حاسسر بيها طبعا القلق والخوف وجان والموبيل فاصل ومليش امل فى الحياة وبعد الفجر بشويه الفرج جه ودخلوا 4 بتوع الكير سيرفس وطبعا شعرهم وقف من الخضه وفضلت اقنع فيهم انى بنى ادم مش عفريت وخرجت ومش عارف حتى انا روحت البيت ازاى. والحمد لله انها جت لحد كده

الف سلامه عليك وعلي زوجتك وان شاء الله تكونو بأحسن حال
والواجب ان احنا نقف كلنا جنب بعض

[محمدصلاح القاضى]

حمد لله على سلامتك يا مستر مصطفى
وان شاء ربنا يعفيك ويعافى زوجتك من اى مكروه
واذا كان على العربيه معاك شهر بعد الميعاد يعنى ممكن تفحص قبل انتهاء شهر المهله
واهم حاجه تظبط الدكو والسمكره اوووى لانهم اصعب حاجه اووى
واذا كان على الباقى ممكن تعمله تسالى ووحده وحده
ربنا يكرمك ويفك كربك وكرب الجميع

[محمدصلاح القاضى]

المشاركة الأصلية كتبت بواسطة Hisham.Elgazzar انت أخبار استهلاك البنزين اه ؟؟

[COLOR="DarkRed"][SIZE="6"]

عربيتى وبلا فخر يا H
بتعمل 220 230 فى الصفيحه طوالى يعنى على السريع
190 210 جوه البلد
ومع التكيف بينعكس الامر الطوالى 180 210
وجوا البلد 170 190
ايه رأيك فى الاستهلاك كدا يا H ????