عضو جديد محتاج نصيحة

[aymanlaw]

بس انا عندى نصيحة للأستاذ الى هيشترى عربيه وهو كما قال حديث العهد بلسيارات -- وبما انه كذلك --- فيجب عليه اذا اختار السياره اللادا ان يأخذ فرقه فى سواقة الدبابات --- وطبعا الساقوها عرفين ليه -- لادا !!!!!!!!!!!!!! حرام عليكو

[atgps]

أخى الفاضل، حضرتك بتطلب سيارة للسير بها يوميا حوالى 100 كم وترغب أن تكون السيارة فى حالة جيدة بدون اصلاحات جوهرية لمدة 6 سنوات، تعال نحسب بعد 6 سنوات، ستكون قطعت حوالى 220 الف كم ده فى حالة القيادة نفس المسافة يوميا، ولكن لنفترض أنك ستستريح 20% من تلك الأيام يعنى ستقود السيارة أكثر من 175 ألف كم فى خلال 6 سنوات.
هل السيارة اللادا قادرة على ذلك بدون صيانة جوهرية للمحرك؟ أعنى عمل عمرة أو طقم شنبر؟
لقد شاهدت سيارات لادا كثيرة لم تتعد حاجز الـ 100 ألف الا وطلبت طقم شنبر.
وهناك نقطة آخرى، ليس سعة المحرك هى الدليل على قدرة السيارة على السير بدون أى صيانات جوهرية أو الدخول فى عمرة محرك، فمثال لذلك السيارة دايهاتسو شاريد، يمكن للمحرك أن يصمد حتى 400 ألف كم قبل الدخول فى أول عمرة، والمرسيدس موديلات الثمانينات كانت تصمد لأكثر من 450 ألف كم قبل أول عمرة.
لذلك يجب أن تضع تلك النقطة فى الحسبان، أنا لاأطلب منك شراء سيارة يابانية أو ألمانية ولكن معرفة هل السيارة التى ترشحها بالسعر ده يمكنها الصمود لمدة 6 سنوات؟ وللعلم أن مسافة 200 ألف كم فى السيارات الحديثة تعتبر لاشئ ولكن للأسف هناك سيارات ليس لها تلك المعاير.
فرجاء من الأخوة الأفاضل عند ترشيح سيارة لك يكون لديهم العلم بذلك من خلال تجربة سابقة أو من خلال معلومات أكيدة، من صديق مثلا ولدية سيارة ماروتى على سبيل المثال وقطع بها مسافة أكثر من 170 ألف كم بدون اصلاحات جوهرية للمحرك.

[allam87]

اهلا بايمن وبي جي بي اس وشكرا ع النصيحة يا ايمن
اخونا جي بي اس كلام كويس قلته ووضحته انا عارف طبعا ان ميزانيتي صغيرة جدا علي متطلباتي في السيارة وهي انها متتعبنيش في تصليحها كل شوية لاني عاوزها فقط خمس سنين ومش عاوز صداع في الخمس سنين دولا وبعد الخمس سنين ربنا يكون وسعها شوية عليا ان شاء الله
بس الآن انا اعمل ايه كلمت اهلي وهما مصممين انهم ميزودش علي الخمسين اي شئ

والله انا لو جبتها العربية وطهقتني في التصليح واروح بيها كل شوية اصلحها هاروح راكنها وارميها حتي لو كانت لسه جديدة .. اصلي حرام الواحد يكون جايب عربية زيرو وتزهقة في تصليحها حتي لو كانت سعرها رخيص نسبيا ... ساعتها تبقي الركنه حلال ليها لحد ما حد يجي يشتريها واقوله علي عيوبها وانا مزهقاني عشان كده عاوز ابيعها يعني منصبش عليه فيها

بس دلوقتي يا اخونا جي بي اس انت تنصحني بايه بعد التحليل والتوضيح اللي قولته
يا ريت تقولي نصيحتك ايه تنصحني بعربية نوعها ايه ومعلش هو اللي اقدر عليها خمسين الف
فياريت العربية متتعاداش المبلغ ده

[سيف الدين سعيد]

المشاركة الأصلية كتبت بواسطة aymanlaw بس انا عندى نصيحة للأستاذ الى هيشترى عربيه وهو كما قال حديث العهد بلسيارات -- وبما انه كذلك --- فيجب عليه اذا اختار السياره اللادا ان يأخذ فرقه فى سواقة الدبابات --- وطبعا الساقوها عرفين ليه -- لادا !!!!!!!!!!!!!! حرام عليكو

ههههههههههههههههههههههههه ههههههه
معاك طبعا يا أستاذ أيمن بس مانقدرش ننكر برغم شدتها وثقلها انها زى الدبابه برضو فى القوه والتحمل . هى عيبها فى عفشتها

[سيف الدين سعيد]

المشاركة الأصلية كتبت بواسطة allam87 اهلا بايمن وبي جي بي اس وشكرا ع النصيحة يا ايمن اخونا جي بي اس كلام كويس قلته ووضحته انا عارف طبعا ان ميزانيتي صغيرة جدا علي متطلباتي في السيارة وهي انها متتعبنيش في تصليحها كل شوية لاني عاوزها فقط خمس سنين ومش عاوز صداع في الخمس سنين دولا وبعد الخمس سنين ربنا يكون وسعها شوية عليا ان شاء الله بس الآن انا اعمل ايه كلمت اهلي وهما مصممين انهم ميزودش علي الخمسين اي شئ والله انا لو جبتها العربية وطهقتني في التصليح واروح بيها كل شوية اصلحها هاروح راكنها وارميها حتي لو كانت لسه جديدة .. اصلي حرام الواحد يكون جايب عربية زيرو وتزهقة في تصليحها حتي لو كانت سعرها رخيص نسبيا ... ساعتها تبقي الركنه حلال ليها لحد ما حد يجي يشتريها واقوله علي عيوبها وانا مزهقاني عشان كده عاوز ابيعها يعني منصبش عليه فيها بس دلوقتي يا اخونا جي بي اس انت تنصحني بايه بعد التحليل والتوضيح اللي قولته يا ريت تقولي نصيحتك ايه تنصحني بعربية نوعها ايه ومعلش هو اللي اقدر عليها خمسين الف فياريت العربية متتعاداش المبلغ ده

حبيب قلبى الغالى . اولا يعلم ربنا اننا بنتكلم بقلوب مفتوحه وماحدش له اى غرض من ورا مناقشاتنا دى . غير مصلحتك مع العلم اننا ماحدش فينا يعرفك . او له منفعه خاصه من ورا كلامه دا . انما حاحكيلك على تجربه صغيره انا عايشها دلوقتى وهى انى معايا عربيه 128 موديل 2007 . والعربيه عامله معايا 35000وكسر كم . وماشاءالله عليها زى الفل معايا . مافيش غير تغيير الزيت والفلتر كل 5000كم ويمكن على عيد ميلادها الرابع اغير تيل فرامل فقط من باب الأمان . انما انا عايز اقوللك ان المحافظه على اى شيئ فى الدنيا بنستعمله حتى لو سلعه صينى او رخيصه فبالتأكيد حايقلل جدا من مشاكلها . وربنا يستر عليك وعلينا انشاء الله .