|
المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
أدوات الموضوع |
#1
|
||||
|
||||
تجديد رخصة سيارتى
السلام عليكم
النهاردة جددت ترخيص سيارتى ( عزيزة ) و حبيت انقل ملاحظاتى لجميع الاعضاء للعلم و الافادة ... بالرغم من ان اغلب الاعضاء مش حيهمهم البداية .... الذهاب للمرور مبكرا ... يعنى على الساعة 8 صباحا ... تركن فى مكان الفحص ... و حضرتك تروح تجيب الورق المطلوب و هو كالتالى :... ملف تجديد من كشك التصوير ... و بالمرة .. تصور البطاقة الشخصية و رخصة السيارة صورة واحدة من الخزينة .... استمارة فحص و استمارات تجديد ( استمارة لكل سنة ) .. و لو السيارة 6 او 8 سلندر ليهم استمارات مختلفة استمارة طفاية الحريق ... استمارة فحص بيئة فى السكة و انت رايح على الفحص ..... اعمل التامين الاجبارى عند اى شركة تامين اولا ... الفحص الفنى حضرتك بتدى نموذج الفحص لمهندس الفحص علشان يرفع رقم الموتور .... و رقم الشاسيه و يحطهم على الاستمارة ياريت تكون عارف مكان الرقم فين .... العامل الى بياخد الرقم لطعنى جنبه نصف ساعة ... مش عارف يلاقى رقم الموتور و اضريت اروح اجيبله نموذج الفحص السابق من الملف ... علشان يعرف رقم الموتور كام ... و اذا كان باين و لا مطموس بعد ما المهندس يمضى على نموذج الفحص و نموذج البيئة و نموذج الطفاية ... تاخد الورق ده و تخليه معاك ثانيا .... المخالفات بتاخد طلب من مخزن صرف اللوحات ... و عليه رقم عربيتك و الرقم السابق ( رقم العربية السابق قبل ما تشتريها ) و تروح نيابة المرور .. تدفع المخالفات الى على العربية ... و تاخد مخالصة ... و تحطهم فى الدوسيه .. و تقدمهم كل الورق لموظف المرور ثالثا .... دفع الرسوم تدى الموظف كل الورق .... موظف المرور حيحدد الضريبة و الرسوم .... حضرتك تروح تدفع الرسوم فى الخزنة .. و ترجع علشان يراجع الورق.... و لو فيه مشكلة و لا حاجة ناقصة يبلغك بيه و لما يخلص مراجعة ... حضرتك تنتظر علشان يندهوا على اسمك علشان تستلم الرخصة باذن الله ملاحظاتى :.... نيابة مرور العباسية .... اصبحت سريعة جدا !!!! المعتاد انى كنت باخد تقريبا من نصف ساعة الى ساعة كاملة حتى احصل على مخالصة المخالفات .... النهاردة ... اخدت 5 دقائق فقط !!!! الفحص الفنى ... حاجة ظريفة جدا ... و فى السريع كدة ... اهم حاجة بيعملوها .. رفع بصمة الموتور و بصمة الشاسيه .... و لا حد بيبص على العربية من جوة و لا من برة موظف المرور .... اصبح بيراجع الملف اكتر من مرة .... احد مرات المراجعة دى كانت مراجعة على الكومبيوتر ... و عرفوا انى عندى عربية تانية ..... اتفضحت اهم حاجة ..................... المصروفات النقدية بص يا سيدى الكلام الى يقطم الظهر ..... عربيتى ( عزيزة ) 8 سلندر 5700 سى سى .. موديل 1980 .. و دى السيارة التانية ليا ( عربية الوالد باسمى ) الضريبة .............. 3 سنوات ... 3470 جنيه ... اكتر من 2500 سى سى ... و اقدم من 10 سنوات .. ده الحد الادنى التامين الاجبارى ... 3 سنوات ... 600 جنيه ضريبة الرفاهية .... 3 سنوات ..720 جنيه ده غير النثريات و بقية المصاريف .... اجمالا ... حوالى 5000 جنيه !!!!! بغض النظر انى بحوش لليوم ده من كام شهر فات ... الفلوس كدة كتير اوى ... امال لو كنت راكب عربية جديدة !!! كنت دفعت كام !!!!!!!!!!!!! اه ... نسيت اضيف 180 جنيه تمن الفانوس الخلفى لنيسان صنى موديل 2011 ..... ريحت عليه و انا راجع البيت
__________________
|
#2
|
||||
|
||||
رد: تجديد رخصة سيارتى
السلام عليكم
شكرا لنقل التجربه ونصيحه بيع العربيه وهات حاجه 1600 ترخيص الثلاث سنوات في حدود 1250 شامله كل شيئ والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: تجديد رخصة سيارتى
شكرا للنصيحة الغالية ... و الله يا باشمهندس انا بفكر فى الموضوع ده .... بس مشكلتى انى بحب عربيتى و غالية عليا جدا
__________________
|
#4
|
||||
|
||||
رد: تجديد رخصة سيارتى
هى العربيه gmc ??
__________________
أعتذر عن خطأ غير مقصود منى فى حق محمد تونسى |
#5
|
||||
|
||||
رد: تجديد رخصة سيارتى
موضوع مميز وشيق
__________________
سبحان الله وبحمده سبحان الله العظيم |
الكلمات الدليلية |
8 سلندر, مرور, ترخيص |
|
|