معرفة اي حاجه عن تركيب السيراميك

[حمدي 84]

المشاركة الأصلية كتبت بواسطة motez اشكرك يا استاذ حمدى بارك الله فيك هجرب ان شاء الله ... بس فى سؤال بسيط محيرنى يا استاذ حمدى معلش اعذرنى وانا بعمل عجينة الاسمنت الابيض كام نسبة الماء الى الاسمنت لو هاعيرها بكوباية شاى مثلا .. واسف جدا لازعجاك ...

الشكر لله وفيك بارك الله انت هتحط الميه علي حسب الاسمنت اللي انت هتعجنه يعني انا حط الماء واقلب الاسمنت وطبعا الماء اقل وكل متلاقي الاسمنت ناشف زود ميه لحد مايبقي زي العجينه ويكون طريه شويه افضل ماتكون ناشفه لان الطريه بتمسك احسن من الناشفه وبقي رش ميه مكان الحته اللي هتسقيها وبعدين اعجن الاسمنت لكن مش كله لازم يبقي معاك شويه ناشف للاحتياط علشان الميه لو جات كتير ترش شوية ناشف علي العجيبه فتبقي مسكه وعلي فكره ممكن الاسمنت ينشف شويه وانت بتسقي عادي تزود ميه وتطريه شويه تاني ومفيش اسف ولا حاجه وانت مش مسبب لي اي ازعاج بالعكس دي انا سعيد بحضرتك وانت تسال في اي وقت واحنا هنجيب ان شاء الله وبالتوفيق

[motez]

المشاركة الأصلية كتبت بواسطة حمدي 84 نعم فيه بدائل اولا ممكن يتفرغ مسافه 8 سم مثلا بالصاروخ وتركب لون تاني زي الوزة او وزره جاهزه وممكن تركب من غيرتفريغ علي البلاط بارزه وممكن تركب رخام لكن احب ان انبه علي ان الاسمنت الابيض مش بالسهوله دي ان ينكسر بالماء ولكن هوغالبا سقاه ناشف وغالبا فيه حاجه مطبله اما البانيواو البلاط نفسه وبالتالي مع الضغط والتهويه بينكسر الاسمنت الابيض وغالبا ممكن يكون مكسور حتت يعني مش كله لان الحته اللي وراها اسمنت اسمر هتكون كويسه اما اللي مطبله بتكون معششه فبتنكسر بسهوله ممكن تجرب تعمل شوية اسمنت ابيض معجون وتسقي الحتت دي تاني مع كبس المسافه كويس يعني تضغط عليها وانت بتسقيهاعلشان متكونش معششه وان شاء الله تكون كويسه ومتنساش تلبس جوند في ايدك علشان الاسمنت بياكل الايد لو عملت كدي وفتحت يبقي ماقدمكش غير الحل الاول وهو الوزرة واسال الله ان يوفقك ويجزيك كل خير

بعد اذنك يا استاذ حمدى هى الوزرة البارزه ده ازاى تركب على البلاط من غير تفريغ يعنى بلاصق معين ولا ايه وهى نفسها الوزرة العادية اللى بتتباع فى السوق ولا فى نوع معين ..

[ريتاج 2012]

تركيب السيراميك بكم ؟ ارضيات وحوائط
البورسلين بكم ؟؟

[AbOnOrA]

المشاركة الأصلية كتبت بواسطة حمدي 84 الاسعار متفاوته حسب المكان يعني القاهره متوسط 12 ارضيات 15حوائط والبورسلين من 20الي 25والباركيه اظنه 15وطبعا دي متوسط يعني ممكن تطلع شويه اوتنزل شويه ودي اسعار معظم الصنيعيه لكن فيه اسعار 9 و10 وفيه 18 وعشرين لكن الصح الذي اعرفه ان اختلاف الاسعار يكون علي حسب ظروف الشغل وعلي حسب الديكورات هكذا ينبغي ان تكون الاسعارمتفاوته علي هذا الاساس انا استاذنك في سوال اخر هايفيد المطلعين علي الموضوع كيف رفعت صورة الارج حتي اتمكن من رفع باقي الصور وجزاك الله خيرا

الاسعار فى المشاركة ديه

[motez]

فى انتظار رد حضرتك يا استاذ حمدى وهل السيليكون ممكن ينفع للصق الوزره فوق السيراميك ..