تغيير اضائة الانوس كامله ( فوانيس + عدادات + شنطه وصالون ) بالصور

[mohmaedLanos new]

تب شريط اليدت ده بكام اللى فى الشنطه

[mo_3amer]

المشاركة الأصلية كتبت بواسطة عصام غنايم كترت اوى الاسئله حوالين اضائة الانوس وطريقة تغيرها للاجمل فقولت اعملكم موضوع نقدر بيه نغير كل الانوار وبأيدينا بدون كهربائى بسم الله نبدأ بفرانى الفوانيس هنفتح الكابوت ونبص على ضهر الفانوس الكبير هنلاقى غطاء بلاستك دوار هنفكه بأتجاه عقارب الساعه هنلاقى فيشة الفيرانى السوداء هنشدها لبره ونشيل اللمبه القديمه ونحط الليد الجديد ونخلى بالنا ننور الفيران ونشوف لو الليدات نورت يبقى التركيب صح ولو منورتش نلف اللمبه لان الليدات ليها سالب وموجب دى صورة كارت اللمبات ونخلى بالنا منها كويس علشان دى نفس الليدات اللى هنركبها فى العدادات اللمبه فيها عشر ليدات الكارت لمبتين ب 15 جنيه و لمبة الصالون ب 25 جنيه هنقفل الغطاء عكس ما فتحناه ونقفل الكبوت ونبص على النتيجه نيجى بقى للصالون هنشيل الغطاء الشفاف للمبه الصالون بمفك عاده صغير هنشيل لمبه الصالون ونحط الليدات الجديده 18 ليد ونخلى بالنا برضه من اتجاه التركيب السالب والموجب ونبص على الشكل بعد التقفيل نخش على الشنطه ولا هيا ملهاش نصيب هنخلع غطاء لمبة الشنطه بمفك عاده صغير وهنوصل سلكين موجب وسالب ونوديهم اضهر الكنبه علشان نوصل شريط الليدات هنلزق شريط الليدات فى ضهر الكنبه من فوق بلصق وشين ( المكان ده ممتاز فى توزيع الاضائه ) هنقفل ونبص على النتيجه ( على فكره لما بفتح الشنطه نور الليدات بيبقى رامى بره ورا العربيه بشكل جميل اوى ) نيجى بقى لنور النمره الخلفيه هنفك المسمارين اللى ماسكين وش اللمبات اللى فى غطاء الشنطه بعد كده هنشد قلب الفانوس لبره ونلف قاعدة اللمبه عكس اتجاه عقارب الساعه ونشدها لبره ونخلع اللمبه القديمه بشدها لفوق هنركب اللمبه الليد الجديده ونركب القاعده فى الفانوس بلفها مع اتجاه عقارب الساعه ونخلى بالنا من السالب والموجب بتاع اللمبه علشان تنور بعد انتظار الجماهير وأخيراٌ وليس آخراٌ نور العدادات هنبدأ بفك الطابلوه حته حته الاول هنشد الفبره اللى تحت التابلوه لبره هنلاقى تحتها مسمارين ماسكين وحدة مفاتيح التكييف هنفكهم هنشد وحدة التكييف بشويش لبره بمفك عاده وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه كده العدادات قدامنا هنفك الاربع مسامير اللى ماسكين العدادات ونفك التلات فيش اللى واصلين بضهر لوحة العدادات ونطلع اللوحه فى ايدنا و نقلبها ونفك الاربع دوايات بتوع الاربع لمبات الكبار ونخلع اللمبات القديمه ونحط اللمبات الليدات الجديده اللمبه عشره ليد ( فاكرينها اللى كنا حطينها فى الفريانى بتاع الفانوس اول الموضوع ) بالمره واحنا فاكين العدادات هنلون المؤشرات علشان نعمل نيولوك للعدادات هنفك وش العدادات الشفاف عن طريق زق الكلبسات لبره بمفك عاده صغير التلوين ممكن بقلم ماركر بأى لون تختاره وممكن بالوان بويه علشان تتحكم فى درجة اللون اللى انت عايزه وفرشه صغيره اوى تقريبا كده خلصنا كل حاجه نبدأ نعيد بالعكس كل اللى عملناه ونربط كل شىء بأتقان وعلشان ابقى مخبتش عليكم حاجه وانا بقفل لصقت كل اسطح التركيب بلصق وشين وكمان ورا العدادات علشان امنع اى اصوات زقزقه وصرصره بتطلع من ورا الطابلوه واللى بتجنن اى حد ودنه حساسه ذى حالى وبكده ابقى عدلت اضائة الدايو ومنعت اصوات الزقزقه اللى فى الصالون لسه ليكم عندى منع الاصوات نهائيا من الدايو وتحويلها من شخشيخه الى عربيه صامته مستنى رأيكم وطبعا دعواتكم ( بالشفاء لى ولزوجتى ولاولادى والستر وسعة الرزق ) الى اللقاء فى الحلقه القادمه من تعديلات الدايو معاٌ لتحويل ال LANOS الى BMW

الف شكر بس الكهربائى قالى ان الليدات ده بتسخن اوى وممكن تسيح الفبر بتاع العدادات

[mezat2020]

الباشا ابو فارس تسلم الايادى وربنا يبارك لك لي طلب هو تغير العدادت العاديه الى ديجتيال اكيد فى حل تركيب وصله تحويل للضفيره ادرس الموضوع ده انشاء الله حتلاقى حل وتقبل تحياتى

[عصام غنايم]

موضوع اكثر من رائع تم التثبيت

لك منى كل الشكر والتحيه لك ولكل مشرفين المنتدى

تسلم الايادى والافكار الجميله موضوع ممتاز وانا عملته كما هو موضح بالصور فعلا غير شكل التابلوه بقى حاجه تانيه تقبل تحياتى يا ابوفارس نتتظر المزيد

موضوع ممتاز تسلم وتعيش بارك اللة فيك وستركفى الدارين

تسلم يا صاحبى

ايه الحلاوه دى شرح وافى وبمنتهى البساطه

انت اصل الحلاوه يا باشا

تب شريط اليدت ده بكام اللى فى الشنطه

على حسب طوله

الكبير ب20 جنيه

الف شكر بس الكهربائى قالى ان الليدات ده بتسخن اوى وممكن تسيح الفبر بتاع العدادات

درجة الحراره المتولده عن الليدات 1/8 من درجة الحراره المتولده عن اللمبات العاديه

الباشا ابو فارس تسلم الايادى وربنا يبارك لك لي طلب هو تغير العدادت العاديه الى ديجتيال اكيد فى حل تركيب وصله تحويل للضفيره ادرس الموضوع ده انشاء الله حتلاقى حل وتقبل تحياتى

موضوع الديجيتال ده صعب ومكلف ولا يغنى عن العدادات العاديه ولاكن يمكن ان يكون بجانبها

[ahmed_gamal777]

كل لم اشوف مواضيع حضرتك
اقوللك
جزاءاك الله عنا كل خير
ودا على كل مرة اشوف الموضوع