استفسار تركيب شاشات DVD لسيارة Audi a4

[Ahmed Mohy]

السلام عليكم
السادة اعضاء المنتدي الكرام

ده اول استفسار ليا هنا في المنتدي
وياريت حد يفيدني لأن الواحد تايه
:w6w2 00504112236376d

معايا سيارة اودي A4

كنت عايز اركبلها شاشتين Dvd
في مسندين الراس
و ممكن كمان شاشة امامية اللي مكان المرايا
او العادية في التابلوه فيها خرايط
الاسئلة بقي :D

1. توصيلهم بالكهرباء حيبقي ازاي
2. وازاي اشغلهم علي سماعة العربية
3. وهل ممكن طريقة بيها اوصلهم كلهم بالولاعة ولا لأ
4. وممكن اثبت الشاشة الامامية دي فين
   وده الشكل عندي بالظبط
   علشان التوضيح
   
   
   

وشكرا مقدما للي حيجاوب
هل ممكن اركب اللي موجوده في الصورة ديه مكان الكاسيت
او حتي حاجة شبه ليها

[atgps]

ممكن الجهاز ده يركب فى الكنسول بتاع العربية بتاعتك وفيه كل ماتحتاجة
http://www.alibaba.com/product-gs/13...on_system.html
متهيألى عربيتك موديل 2006 لو ظنى صح يبقى حيركب فيها لأنه لغاية موديل 2008

[Ahmed Mohy]

المشاركة الأصلية كتبت بواسطة atgps ممكن الجهاز ده يركب فى الكنسول بتاع العربية بتاعتك وفيه كل ماتحتاجة http://www.alibaba.com/product-gs/13...on_system.html متهيألى عربيتك موديل 2006 لو ظنى صح يبقى حيركب فيها لأنه لغاية موديل 2008

ده اشيل الكاسيت واركبه؟
وشكرا لتشريفك موضوعي

[atgps]

المشاركة الأصلية كتبت بواسطة Ahmed Mohy ده اشيل الكاسيت واركبه؟ وشكرا لتشريفك موضوعي [/CENTER]

أكيد لازم تشيل الكاسيت وتركب ده والمفروض ان كنترول العربية حيتعرف عليه

[ramy safwt]

المشاركة الأصلية كتبت بواسطة Ahmed Mohy السلام عليكم السادة اعضاء المنتدي الكرام ده اول استفسار ليا هنا في المنتدي وياريت حد يفيدني لأن الواحد تايه :w6w2 00504112236376d معايا سيارة اودي A4 كنت عايز اركبلها شاشتين Dvd في مسندين الراس و ممكن كمان شاشة امامية اللي مكان المرايا او العادية في التابلوه فيها خرايط الاسئلة بقي :D توصيلهم بالكهرباء حيبقي ازاي وازاي اشغلهم علي سماعة العربية وهل ممكن طريقة بيها اوصلهم كلهم بالولاعة ولا لأ وممكن اثبت الشاشة الامامية دي فين وده الشكل عندي بالظبط علشان التوضيح وشكرا مقدما للي حيجاوب هل ممكن اركب اللي موجوده في الصورة ديه مكان الكاسيت او حتي حاجة شبه ليها

1-هتعمل ضفيرة صغيره ليهم كلهم و مفتاح مركزى فى التابلوه عشان يكونو فى الأمان
سلكه الارضى هستمك فى الشاسيه دايما و الاسلاك الموجب هتتلم مع بعض على مفتاح يتحط فى التابلوه و كتاوت و ياخد من البطارية

2-فى عدة صوت بأمبليفير بتعمل ده هتوصل عليها خرج التلاته و انت هتتحكم بقى مين يخرج على انهى سماعة ولا على الطاقم كله

3-الولاعة مش خيار مناسب ابدا لحاجه زى كده " عن تجربة " الشكل مش هيكون كويس

4-انت هتلغى الكاسيت و هنتزل التحرير شارع الفالكى قبل مكان النخيلى القديم اصاد فرع رام بتاع الالكترونيات هتلاقى تاجر فاتح على ناصية الشارع عنده الجهاز اللى بيركب مكان الكاسيت فى اى تابلوه يعجبك عامل 1100 ج و فيه جى بى اس و دى فى دى و لو مشيت كام متر بس لقدام على نفس الناصية هتلاقى داخله يمين متدخلهاش كمل هتلاقى على بداية الناصية التانية على طول تاجر اجهزة صوت و امبلفيرات هيظبطك و هتلاقى عنده كمان كابلات الاصلية بتاعة الصوت عشان ميحصلش نخبشة او تشويش

بالنسبة لشاشة المرايا بتتباع ب 350 ج فى التوفيقية و بتركب مكان المرايا و بتشترى عليها كاميرا من نفس التاجر ب 80 ج بتيجى معاها البنطة التفتيح بتاعتها وبتركب ورا فى الاكصدام


حوامل الشاشات لو حبيت تعلقها فى الازاز عامله 25 ج ال 7 بوصة و فى لحد 10 بوصة برضو من التوفيقية

الكتاوت هتجيبه ب 12 ج تقريبا و هات ال 40 امبير لو هتحط الامبليفير عشان تبقى فى الامان لو مش هتحط هات اللى يعجبك و متنساش تعمل فيشة بفيوز على خط الموجب عشان تأمن الحاجه بتاعتك من اى قفلة ولا اى حاجه لا قدر الله

المفتاح هتلاقيه بيتباع فى التوفيقية برضو و الكهربائى هيعديهولك من الفايبر بطريقة