رابطة ملاك ومحبى السفينه فيات 132

[aymanhassan]

اولا بعتذر انى مكنتش بفتح اليومين اللى فاتو

ثانيا بالنسبة لموضوع الاسعار عشان الناس واخده فكرة ان العربية 132 دى المفرود تتكهن وان هى راحت عليها وكا لما حد يفكر يشتريها بتدخل فى مقارنة مع ال128مع ان نفيش اى وجه مقارنة وحلها بسيط وهو ان الناس اللى راكبة السفينة بتاعتنا تسيب انطباع كويس لما حد يسأل عن السفينة بتاعتنا


والجروب ده على الفيس للسفينة ياريت الكل يشكر فيها على الجروب ده عشان الناس اللى بتفكر تشتريها بتاخد انطباع وحش عنها فى الجروب https://www.facebook.com/groups/125162854184623/

وهتغهمو كلامى لما تخشو على الجروب

واخيرا الناس اللى نازله اسكندرية متنسوش ان انا من اسكندرية وهكون فى انتظاركم

[mOuStaFa_ERTU]

ايمن هايقابلنا الساعه 10 امام بوابة 5 جسر السويس
انت فين يا هشام كلمتك ومردتش عليا مستنى تليفونك حتى لو الفجر

لعل المانع خير ان شاء الله

[أيمن الروبي]

المشاركة الأصلية كتبت بواسطة mostafa3tef كان فيه اختلاف على مقاس كاوتش الفبريكه بتاع ال132 2000 ناس كانت بتقول 175/70/14 وناس بتقول 185/70/14 انا بقه قريت الكاتالوج ولاقيت مقاس ال 2000 185/65/14 او 175/70/14 مقاس ال 1600 و ال 1800 185-70-13 او 175-70-13

بص مصطفي مقاس الكاوتش لل 1600 - 1800 - 2000 واحد وهو 14\185\70
ده مقاس الفابريكا وانا مركبه ومريح العربيه في كا حاجه ثبات وعلو
وخلي بالك 65 هيخلي الكاوتش يعملل بلالين بالجنب علشان العربيه تقيله

[أيمن الروبي]

المشاركة الأصلية كتبت بواسطة محمدصلاح القاضى عربيتى النهارده مجننانى اووى دارت الصبح ع طول لكن مبرجله اوووى قلت اشوف البوجيهات ظروفها ايه ليقت من اول بوجيه شكله يقرف الكلب مهبب ولا سن باين ولا اى حاجه طبعا كانت غلطتى ان غيرت البوجيهات الشامبيون 2 شمعه كانت تحفه بواحده NGK واحد شمعه طبعا انا كسلت افك وانضف واظبط كهربا وبنزين ولا نضفت الكربون اللى على البساتم لانى مش فاضى عشان الامتحانات _ ادعوا لى اعدى على خييير عشان مش متفائل خالص _ اما اخلص هدور اجيب بوجيه شامبيون 4 شمعه مهما يكون سعره او هجيب نوع SMG وابقى اشيل الكربون واظبط كهربا وبنزين وهوا ودى اخر مشاركة ليا فى المنتدى لحد ما اخلص امتحانات

مستنييك بع الامتحانات بس مش للدرجة تغيب الايام دي كلها وربنا معاك

[mOuStaFa_ERTU]

المشاركة الأصلية كتبت بواسطة aimooo بص مصطفي مقاس الكاوتش لل 1600 - 1800 - 2000 واحد وهو 14\185\70 ده مقاس الفابريكا وانا مركبه ومريح العربيه في كا حاجه ثبات وعلو وخلي بالك 65 هيخلي الكاوتش يعملل بلالين بالجنب علشان العربيه تقيله

اولا انا عربيتى اللقديمة كنت مركب 185-65-14 والحمد لله مكنش فقيه اى مشاكل
بس ده مش كلامى يا ايمن انا معايا الكتالوج على فكرة ومكتوب فيه كده والله

وقريبا هرفعه بس لما اعرف ازاى ؟؟؟