عندك استعدادا تشتري عربيه ياباني جديده بعد اللي حصل

[Meemo The Beast]

المشاركة الأصلية كتبت بواسطة sam ram طبعا كلنا شوفنا زلزال و تسونامي اليابان ... و العربيات اللي اتبهدلت و اتشلفطت و غرقت ... السؤال بقى عند ثقه كافيه في الوكلاء في مصر او المستوردين لدرجه انك ممكن تشتري عربيه ياباني زيرو جديده الكام شهر الجايين دول ؟؟

باشمهندس تحياتي لك و سعيد بالرد عليك

أسمح لي أن اضع رأيي المتواضع, و هو أن شركات السيارات الكبرى في العالم الآن و منها الشركات اليابانية لم تعد كيانات محلية قاصرة على البلد التي نشأت به و إنما تمتلك تلك الكيانات قواعد تصنيعية منتشرة في كل أقاليم العالم وفقا لخططها التسويقية و أغلب الظن أن مصانع تلك الشركات الرئيسية لم تعد تلك التي في الجزر اليابانية فقط و إنما أحتفظوا فقط بكيانات رمزية باليابان لإعتبارات عديدة منها تجنب التلوث و البحث عن أيدي عاملة أقل تكلفة في دول أخرى مثل جنوب أفريقيا و تايوان و الهند و حتى بعض بلدان الشرق الأوسط و كذلك عامل القرب من مناطق التسويق في كل إقليم.
و لذلك أرى أن علامات يابانية شهيرة مثل تويوتا أو نيسان لن تتأثر بحادث الزلزال كثيرا لأن لها تواجد في كل أقاليم الكرة الأرضية
نأتي الى العامل المحلي هنا في مصر, فأغلب الظن أن التجار الفاسدون في مصر سوف يستغلون تلك الأحداث لرفع أسعار السيارات اليابانية بإدعاء أنه لم يعد منها مخزون كبير و مثل تلك الخزعبلات التي داوموا على مر السنين استخدامها للضحك على المصريين الغلابة الذين لا يستخدمون عقولهم لتحليل الأحداث و إنما فقط يستمعون الى التجار الذين يضحكون عليهم و في كل حدث كبر أو صغر يختلقون الحكايات الواهية لرفع الأسعار و استغلال الناس
أما فيما يتعلق بقطع الغيار و الخوف من عدم تواجدها بعد أزمة اليابان فأنا لا أرى مشكلة لأن قطع الغيار ايضا لها نقاط تصنيع حول العالم كله
و لكن الشئ الذي يقلقني حقيقة هو وصول بضائع من اليابان تكون بها نسب اشعاع ضارة و الحق ان مستوردينا هداهم الله يبحثون دائما عن كل ما هو ضار ليستوردونه بسعر رخيص و يبيعونه للناس بأغلى الأسعار فأرجو من أخوتي جميعا أن ينتبهوا لهذا الموضوع و لايشترط أن تكون البضائع غذائية حتى نخشى التلوث الإشعاعي الذي يمكن أن ينتقل مع اي نوع من البضائع و ربنا يسترها علينا جميعا

[koashraf]

بس ياجماعه التويوتا الى بتيجى مصر جنوب أفريقى......والصنى بتتجمع فى مصر

[BASSEM BESO]

اعتقد من وجه نظرى ياسام انهم هيفكروا مليوووووووون مره قبل نزول اى عربيه لأى دوله بعد الفضيحه اللى حصلت لتويوتا من سنتين فهيكون فى دراسات وبدائل استراتيجيه تقوم عليها الشركات اليابانيه مره تانيه

[sam ram]

المشاركة الأصلية كتبت بواسطة سالم سلامه سؤال احييك عليه بس انا للاسف معنديش اجابه حاجه تحير بجد

طالما محتار ... يبقى حتفكر الف مره قبل ما تشتري العربيه

المشاركة الأصلية كتبت بواسطة sad-bird احيك استاذ سامح على الموضوع وانا كان في بالي من اول يوم تسونامي نفس الموضوع بس كان على المستعمل مش الجديد لان من المعروف ان الدول دي مبيصلحوش بيكبس ويدخل مصانع الصهر ويصنع من جديد طيب ما يبعتوها للغلابة اللي هنا وهما هيعملو من القط عربية على راي واحد حبيبنا في المنتدي لكن المفروض الخيار رقم 2 يتعدل لان المشكلة هتكون في المستورد المصري مش المصنع الياباني ليه لانه من السهل جدا يبعت يشتري القطع دي من ضمن مخلفات الزلزال ( بالعكس هو مش هيشتري هو هياخد عليها فلوس لانه هيريحهم من التنضيف وخلافه ) ويجيب الكلام ده هنا ويفككه وينزله السوق على انه جديد

هو الغش وارد في كل المجالات .. و دلوقتي حيكون اسهل ... لأن البضاعه غلى قفا مين يشيل

المشاركة الأصلية كتبت بواسطة 3bd0 بس لو حصل الكلام ده يبقى الوكيل بيغامر مغامرة مش محسوبة خالص، لأن لو الشركة الأم إكتشفت حاجة زي كده هاتسحب منو التوكيل فورا هو الخوف من تجار قطع الغيار وتجار العربيات اللي ملهومش دعوة بالوكيل، دول هايبقى الموضوع ده عندهم اسهل من شرب الميا

+1
فعلا الخوف من المستوردين اللي ممكن يعملو اي حاجه خصوصا قطع الغيار لأن العربيه مش حيكون ليها ورق ... غالبا

المشاركة الأصلية كتبت بواسطة mesho70 المشكلة الاهم دلوقتى هى قطع الغيار فالعربيات اليابانى للى معاة عربية فعلا ً - خصوصا ً وان شجع الوكلاء هنا فاق كل الحدود - قبل الثورة كان فلتر الزيت بـ 50 جنية ( وانا مش عارف هو غالى كدة لية ؟ ! ) - بعد الثورة اصبح بـ 71.5 وبرضو مش عارف لية ؟ ! - تخيل بعد زلزال اليابان هيبقى بكام ؟ خصوصا ً وهيقولوا ان الاستيراد اتوقف علشان الاشعاع

فعلا قطع الغيار هي المشكله الاكبر ... خصوصا للي بيحب يجيب اصلي ياباني ... والخوف الاكبر من الغش التجاري

المشاركة الأصلية كتبت بواسطة Meemo The Beast باشمهندس تحياتي لك و سعيد بالرد عليك أسمح لي أن اضع رأيي المتواضع, و هو أن شركات السيارات الكبرى في العالم الآن و منها الشركات اليابانية لم تعد كيانات محلية قاصرة على البلد التي نشأت به و إنما تمتلك تلك الكيانات قواعد تصنيعية منتشرة في كل أقاليم العالم وفقا لخططها التسويقية و أغلب الظن أن مصانع تلك الشركات الرئيسية لم تعد تلك التي في الجزر اليابانية فقط و إنما أحتفظوا فقط بكيانات رمزية باليابان لإعتبارات عديدة منها تجنب التلوث و البحث عن أيدي عاملة أقل تكلفة في دول أخرى مثل جنوب أفريقيا و تايوان و الهند و حتى بعض بلدان الشرق الأوسط و كذلك عامل القرب من مناطق التسويق في كل إقليم. و لذلك أرى أن علامات يابانية شهيرة مثل تويوتا أو نيسان لن تتأثر بحادث الزلزال كثيرا لأن لها تواجد في كل أقاليم الكرة الأرضية نأتي الى العامل المحلي هنا في مصر, فأغلب الظن أن التجار الفاسدون في مصر سوف يستغلون تلك الأحداث لرفع أسعار السيارات اليابانية بإدعاء أنه لم يعد منها مخزون كبير و مثل تلك الخزعبلات التي داوموا على مر السنين استخدامها للضحك على المصريين الغلابة الذين لا يستخدمون عقولهم لتحليل الأحداث و إنما فقط يستمعون الى التجار الذين يضحكون عليهم و في كل حدث كبر أو صغر يختلقون الحكايات الواهية لرفع الأسعار و استغلال الناس أما فيما يتعلق بقطع الغيار و الخوف من عدم تواجدها بعد أزمة اليابان فأنا لا أرى مشكلة لأن قطع الغيار ايضا لها نقاط تصنيع حول العالم كله و لكن الشئ الذي يقلقني حقيقة هو وصول بضائع من اليابان تكون بها نسب اشعاع ضارة و الحق ان مستوردينا هداهم الله يبحثون دائما عن كل ما هو ضار ليستوردونه بسعر رخيص و يبيعونه للناس بأغلى الأسعار فأرجو من أخوتي جميعا أن ينتبهوا لهذا الموضوع و لايشترط أن تكون البضائع غذائية حتى نخشى التلوث الإشعاعي الذي يمكن أن ينتقل مع اي نوع من البضائع و ربنا يسترها علينا جميعا

كلامك تمام يا استاذ ميمو ...
وانا معاك طبعا في انتشار المصانع على مستوى العالم
بس انا قصدي على العربيات اليابانيه المنشاء .. كمثال الكورولا الجنوب افريقي كان في جدل عليها فتويوتا ايجيبت قدمت الكورولا الياباني السنه دي ...
دلوقتي ناس كتير بتحب الكورولا مثلا .. حتجيب الجنوب افريقي و لا الياباني ؟؟
ولا حتقول لا دي ولا دي و تفكر في حاجه تانيه
موضوع ان التجار يرفعوا السعر وارد جدا ... خصوصا اليومين دول لأنهم حيلعبوا على العامل النفسي عند الزبون انه يلحق يجيب عربيه مضمونه والكلام ده ....
بس المفروض اننا نفوق بقى و نخليهم يبطلوا الحركات دي ... اننا منشتريش العربيه بمليم زياده عن تمنها
حكايه تسرب الاشعاع دي ... ربنا يستر فعلا ... و دي تعتبر موضوع في حد ذاته .. لأننا بنتكلم عن المنتجات اليابانيه عموما و كيفيه فحصها والتأكد من خلوها من التلوث الاشعاعي قبل دخولها الاراضي المصريه

[sam ram]

المشاركة الأصلية كتبت بواسطة koashraf بس ياجماعه التويوتا الى بتيجى مصر جنوب أفريقى......والصنى بتتجمع فى مصر

تويوتا ايجيبت حاليا بتجيب الكورولا الياباني من بعد مشاكل الفتيس اللي حصلت
الصني مصري و السيتي تايلاندي
بس السيفيك و الشارك و السوبارو ياباني

المشاركة الأصلية كتبت بواسطة BASSEM BESO اعتقد من وجه نظرى ياسام انهم هيفكروا مليوووووووون مره قبل نزول اى عربيه لأى دوله بعد الفضيحه اللى حصلت لتويوتا من سنتين فهيكون فى دراسات وبدائل استراتيجيه تقوم عليها الشركات اليابانيه مره تانيه

الفضايح كتير يا عم باسم ... بجملت فضيحه جديده
هو حيطلع العربيه على انها لوت او خرده ... و يسيبها لضمير التاجر ويحط الضمير الياباني في مبرد مفاعل نووي (تلاجه يعني )