دليل صيانة ال 128

[amhmk1511]

السلام عليكم
بصراحة انا غيرت سلك الدبرياج قبل كدة مرة واحدة ووقتها الميكانيكى قال لى ان الحواف اللى حوالين السلك اثناء حركته مكسورة ومحتاجة السمكرى يعملها لكن بصراحة معنديش تفاصيل اكتر من كدة لانى ما عملتوش وما اتقطعش تانى

[abdelraof1979]

المشاركة الأصلية كتبت بواسطة lost2008 درجة حرارة الموتور العاديه فى ال128 هى 90 درجه يعنى عند النص هوه ده الطبيعى بتاعهه, لكن اقل من كده او اكتر خطر على الموتور و يقصر عمره الافتراضى, عشان فيه ناس مش فاهمه و بتفرح اوى لو حرارة الموتور دايما تحت ال 90 و ده تاثيره بالظبط زى الحراره الزائده

السلام عليكم ورحة الله وبركاته
انا عايز اعرف يعنى ايه تحت 90 درجة مضرة للماتور انا عربيى 128 مؤشر الحرارة مفهوش ارقام ولكن اوله من الشمل يوجد خطين متقاربين وفى نهاية من اليمين يوجد خاطين متباعدين لونهم احمر المروحة بتشتغل عندى اول ما المؤشر يعدى الخطين اللى على الشمال وعمره ما وصل للنص الا ساعات لما سوسنة دواسة البنزين ومبترجعش كأنى دايس عليها وبتسخن الماتور فا مش عارف ازاى ان اقل من النص خطر
وانا على استعداد باذن الله ارد على اى ستفسار بخصوص اعمال الصيانة بتاعة محبوتى 128 عندى ميكانيكى محترم مصنعية حنينة بتدأ من 5ج وانت طالع

[hazem_khidr]

ا جماعه انا لسه جديد معاكو بصراحة انا معايا 128 مطلعه عيني سلك الدبرياج بيقطع تقريبا كل شهرين مش لاقي حل حد يوريني بيتكب ازاي يمكن متركب غلط مثلا

اولا اشتري السلك من مكان نضيف و محترم ممكن الكيلاني في وسط البلد
دا متخصص فيات و عنده قطع غيار نضيفه حتي لو مش اصلي لان ماعدش فيه اصلي.
تاني حاجه و دا المهم
ممكن يكون الارضي بتاع عربيتك ضعيف
و العربيه بتاخد ارضي من سلك الدبرياج
فالسلك بيسخن من زياده الحمل عليه و يتقطع!!!
دي حاجه قليل اوي لو لقيت حد عارفها وبتروح عن بال ناس كتير

[hazem_khidr]

المشاركة الأصلية كتبت بواسطة abdelraof1979 السلام عليكم ورحة الله وبركاته انا عايز اعرف يعنى ايه تحت 90 درجة مضرة للماتور انا عربيى 128 مؤشر الحرارة مفهوش ارقام ولكن اوله من الشمل يوجد خطين متقاربين وفى نهاية من اليمين يوجد خاطين متباعدين لونهم احمر المروحة بتشتغل عندى اول ما المؤشر يعدى الخطين اللى على الشمال وعمره ما وصل للنص الا ساعات لما سوسنة دواسة البنزين ومبترجعش كأنى دايس عليها وبتسخن الماتور فا مش عارف ازاى ان اقل من النص خطر وانا على استعداد باذن الله ارد على اى ستفسار بخصوص اعمال الصيانة بتاعة محبوتى 128 عندى ميكانيكى محترم مصنعية حنينة بتدأ من 5ج وانت طالع

بص يا سيد عبد الرؤوف
ال90 يعني الامبير في النص
في حالتك كده يبقي المروحه متركب فيها ساعه واطيه بتشتغل علي 70
و دا مش غلط ولا حاجه بس مواتير الفيات عموما متصممه ان تاخد منها اقصي اداء علي 90 درجه
و دي الدرجه اللي بتتفاعل فيها مكونات الموتور
و كل شركه ليها سبيكه معينه و نسب مواد معينه تعتبر من اسرار الشركه
و كل شركه وليها نظام
يعني البيجو درجه حرارته قليله الياباني فيه منه قليل زي التويوتا و عالي زي الميتسوبيشي و السوزوكي .
و هكذا.........
ف ما تقلقش مافيش ضرر علي الموتور عندك لكن مش حتاخد اقصي اداء له.

[amhmk1511]

شكرا جدا يا استاذ حازم على التوضيحين اللى اجمل من بعض دول وربنا يزيدك علم ومعرفة
انا كان عندى مشكلة فى الــ 128 فى تبخير وتزويد مياه الرادياتير عشان كدة الميكانيكى ركب لى ثرموستات 72 درجة المشكلة ان المروحة كانت بتشتغل بدرى واكيد الموتور كان بيتقل شوية بس قعدت شهر ونص مازودتش نقطة مياه وخاصة انى كنت حاطط مياه خضراء
الحمد لله اشتريت الفيرنا اخيــــــــــــــــــــــ ـــرا
عقبالــــــــــــــــــــ ـــــــــــــــــــــــــ ـــــــــــــــــــــــــ ــــــــــكم