#6
|
||||
|
||||
رد: تجربتى الأولى للقيادة
جزاكم الله خيرا وشكرا على نصائحكم شكلى كده لازم آخد كام حصة فى السواقة
|
#7
|
|||
|
|||
رد: تجربتى الأولى للقيادة
ربنا يوفقك ان شاء الله ..
ياريت تتعودي على النظر الى المرايات من البداية عشان ما تتلخبطيش وتحفظي النقلات ومعرفة موعدها . واعتبري الفتيس ايد خلاط والدركسيون حلة محشي واتكلي على الله |
#8
|
رد: تجربتى الأولى للقيادة
اهلا و سهلا بيكي يا زيزي معانا في مصر موتورز
و الف مبروك العربيه و ربنا يحميكي من شرها بالنسبه لفرامل اليد حاولي ما تشديهاش لحد الاخر اوي كده يعني مجرد ما تتقل بطلي تشديها علشان تنزل معاكي بسهوله اما بالنسبه للهدوء عند المطبات لو دايسه دبرياج استحاله العربيه تبطل منك اكيد رجلك بتخف من علي الدواسه عموما و انت داخله علي المطب دوسي دبرياج و فرامل و بعدين فكي تعشيقه الفتيس و لما تعدي المطب هاتي الاول او التاني حسب سرعه العربيه و اطلعي تاني اما الرجوع للخلف عاوز تدريب و مكان واسع الاول ترجع في خط مستقيم لا شمال ولا يمين و بعدين تحالوي تعملي لنفسك رصيف وهمي تركني بمحاذاته و هكذا لحد ما تتعودي
__________________
حـازم خـضـر
|
#9
|
||||
|
||||
رد: تجربتى الأولى للقيادة
انا حاسس بمعاناتك دى جدا لان ربنا قدر لى انى اتدبس فى تعليم والدتى السواقة اليومين دول ...
بدأت معاها من الصفر .. لا من تحت الصفر كمان .. مكنش فى اى معلومة عن العربيات عندها نهائيا .. مكنش فى دماغ والدتى غير فكرة لعينة عقدتنى انا فى حياتى بصفتى الشخص السئ الحظ اللى ربنا قدر لى انى اعلمها السواقة والفكرة دى هى "السرعة بتعمل حوادث وفى العجلة الندامة " .. وللاسف المثل ده مرتبط معاها بالغيار التالت مش فاهم ليه وبجد مش قادر افهم ههههههه وبعد حوالى اسبوعين من التدريب المكثف قدرت اخليها تمشى فى الشوارع الرئيسية شوية بس بمساعدتى وتوجيهاتى وخصوصا انها بتتلبخ بالطريق فى الزحمة وبتنسى النقلات .. يعنى مش حضرتك لوحدك اللى كده .. لا الجنس الناعم اغلبهم بيواجهوا صعوبة كبيره فى السواقة ... غيرنا احنا معشر الرجال بنتعلم السواقة بالنظر بس هههههههههه وانا واحد من الناس كنت بسوق عربية بيجو 305 موديل 78 لوحدى وانا عندى 10 سنين هههههههههههه خلاصة الكلام يا استاذه زيزى .. الســـــــواقة ممــــــــــارسة .. مستحيل هتتقنيها من يوم وليلة ... لكن مش عاوز حضرتك تتعقدى نهائى لان واحده واحده العملية هتظبط معاكى باذن الله ... موضوع التبطيل ده بقى بسبب ان اكيد اكيد حضرتك من اللبخة او الارتباك رفعتى رجلك شوية من على الدبرياج فالعربية كانت معشقة .. برضوهعطى لحضرتك افضل واسهل طريقة للتعامل مع المطب ... دلوقتى حضرتك ماشية على اى غيار سواء كان التانى او التالت او الرابع او حتى الخامس .. وفيه مطب قدامك .. هتقومى حضرتك دايسة على الدبرياج وتبدئى تهدى باستخدام الفرامل (وانتى دايسة دبرياج) وفى نفس الوقت تجيبى الغيار التانى .. وبعد حضرتك ما تهدى وتوصلى للسرعة المناسبة لعبور المطب يفضل نسيب الفرامل قبل الطلوع على المطب ونطلع على المطب عادى وبعد ما تنزلى من على المطب تبدئى تسيبى دبرياج وتمشى عادى ... ولو المطب مكسر جامد او عالى او كده ومحتاج تهدى اوى عليه نعمل نفس الكلام ده بس بدل ما تجيبى الغيار التانى تجيبى الاول علشان العربية متكركرش منك او تطفى ... وربنا يتسر طريقك دايما يا رب ....
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ |
#10
|
|||
|
|||
رد: تجربتى الأولى للقيادة
الاكسنت عربيه جميله ومطيعه جدا
واهم حاجه في القياده هو السيطره التامه علي السياره ونقدر امتى نسرع وامتى نهدى= وجربي دة كتمرين فى مكان فاضى نحتر م المرايات قوى قوى وكمان الاشارات مهمه جدا حتى لو مفيش داعي لااستخدامهم اخر حاجه لو فيه عربيه مسرعه جنبك هدى انتى وسيبيه يعدى |
|
|