محتاج مساعدة لشراء سيارة اتوماتيك

[failasouf]

السلام عليكم
اولا انا عندى فكرة عن السواقة يعنى جربتها كام مرة فى اماكن فاضية
وعايز اجيب عربية اتحرك بيها ومش غاوى اتعلم على العادة البلد بقت اساسا بتقف فيها اكتر مابتمشى يعنى الاتوماتيك احسن
ولانى عايز العربية مش لهدف متعة السواقة بس الراحة من المواصلات

1- عايز عربية عالية عن الارض عشان المنطقة عندى مطباتها كتير
2- عايز عربية اتوماتيك
3- طبعا تكييف وباور وازاز كهرباء
4- هاتش باج وتكون حجمها حلو مش عريضة عشان الشوارع الضيقة
5- الشنطة حلوة وطبعة الكراسى الخلفية بقدر اتنيها عشان اوسع الشنطة
6- اقتصادية سواء فى قطع الغيار والبنزين
7- صالونها واسع وابقى مرتاح فيها خصوصا انى طويل
معايا 30 مقدم ومحتاج حاجة فى حدود 80-90
عايز عربية قريبة للهونداى الماتركس .. خصوصا انى لما سالت عليها قالولى بطلت تنزل

[fadymedhat]

مفيش هاتشباك اوتوماتيك فى السعر ده.....

[TiTo Sky]

نصيحة مني بلاش ماتريكس انا معايا الماتريكس ومركب لها جلد علايات

ممكن ال 90 يجيبولك دايهاتسو تيريوس 2007 كاملة اوتوماتيك دفع رباعي ولو نضيفة شوية

ممكن تزيد 5 الف كمان

عربية جميلة عن تجربة موديل 2007 ولسة معانا لحد دلوقتي 208 الف كيلو وماشاء اللة

حمالة اسية وماتور كويس 1500 سي سي وموفر في البنزين وقطع غيارها معمرة

وعالية عن الارض ولا يهمك اي مطب في مصر وممكن تلم الكنبة وتشيل اي حاجة

علي فكرة احنا شيلنا فيها طن اسمنت

وماقالتش لا

فعلا اللي مركبش ياباني يبقي مركبش عربيات

يارب اكون قدرت افيد حضرتك

تقبل مروري

[nasa]

من تجربتى هات اللوجان - يوجد منها (مانوال / اوتو) او رينو سانديرو - يوجد منها (مانوال /اوتو) او سانديرو ستيب واى
مافيش حد اشتكى منهم وهذه السيارات معمولة لشوارع مصر

[failasouf]

طيب ياجماعة ايه رئيكم فى العربية
Brilliance FRV CROSS
proton-Gen·2
اعتقد فيه كل المواصفات اللى انا عايزها
بس كنت عايز اطمن على الصاج والعفشة اخبارهم ايه؟
وايهم افضل؟