الميكانيكى بيقولى ان العربيه متلته

[eng.ahmed anwar]

السلام عليكم

انا معايا لادا وكنت عاملها نص عمره ( طقم شنابر) عند ميكانيكى

جيت روحت لواحد تانى النهارده عشان كان استهلاك البنزين عالى و صوت العربيه فضيحه

المهم الميكانيكى الاخرانى دا غيرلى طقم اليوجيهات مع ان القديمة ما كملتش شهر وبعد كدا قالى ان العربيه متلته

وفيه سلك بتاع البويجهات بيطلع شرز بس غطيته بشريط لحام

المشكله فى ايه كدا عشان انا الصناعيه تقريبا بيشتغلونى -_-

[AbOnOrA]

معنى ان العربيه متلته ان واحد من السلندرات الاربعة مش شغال وده غالبا ًبيبقى بسبب ان فيه بوجيه بايظ او سلك بوجية بايظ او الموبينة نفسها بايظة

[MohammedAladel]

لو عملت السيارة بكفاءة بعد ما الميكانيكى عزل السلك كلامه يكون صحيح
ومعنى أن السيارة متلتة أن هناك بوجيه لا يطلق شرارا على إحدى المكابس فى غرفة الاحتراق مصحوب برجة غير طبيعية فى المحرك على السلانسيه
وكركرة وتصديع شديدين مع الغيارات خاصة الغيار الرابع والخامس فى ظل قيادة هادئة

مصحوبا بعادم أسود غير طبيعى نظرا لوجود وقود نئ لا يحترق داخل غرفة الاحتراق لانعدام شرارة البوجيه وهذا الأمر شديد الخطورة على محركك خاصة أنك قمت بفكه وغيرت شنابر فقط وهذا إجراء خاطئ ولا يقال عنه نصف عمرة بل هو مسكن مؤقت
ونصف العمرة تغيير المكابس والشنابر معا ولا ينصح بها ! ينصح بعمل عمرة كاملة فى محركات وأخرى ينصح باستبدالها على حسب نوع المحرك

[eng.ahmed anwar]

يعنى اخليه يغير سلوك البويجهات الأول ولا الموضوع هيخش فى عمره تانى ؟!!!!

[MohammedAladel]

ما قمت به ليس عمرة أساسا