تجربتى مع السبع بخصوص (الهزة) أو (الرعشة) والله حاجة تكسف!

[fbiahmed]

المشاركة الأصلية كتبت بواسطة khaled khaled السلااااااااااااااااااام عليكم خالد باشا انا لي راي بسيط واتمني تعمله عند ميكانيكي بره وهو مش مكلف ولا في خطوره ولا حاجه أولا انا لي راي ان ترشيح الزيت له علاقه بالرعشة لان ترشيح الزيت تحت الراس يعني من جوان وش السلندر يعني في تسريب خفيف من الوش وكمان معاه بيكون تسريب للكبس من احد البساتم عشان كده بيحصل رعشة ده رايي والحل انه تفك غطا التكهات وتعيد تربيط وجه السلندر بعنايه وتغسل الماكينه وتتاكد انه الزيت الي علي الماكينه نظف ومالوش أثر وتديها يومين 3 وترجع تشوف مكان الزيت في زيت ظهر ثاني او لا واعتقد ان شاء الله اذا ما فيش زيت سوف اروح الرعشه اذا عملت كذا وفض الوضع زي ما هو ارجع قول ثاتي مره عشان اقلك علي الاسباب الثانيه بس خلينا الاول واحده واحده وارجوك طمني الي حصل معاك وربنا يوفقكك

مينفعش جوان الوش يهرب زيت جوان الوش يهرب ميه و الا لو فيه نسبه تهريب كبس كان لقى الميه داخله على الزيت او الزيت بيتحرق نتيجة لدخوله على البستم

[tareksakr]

سيدي الفاضل بنهء علي تجربة اكثر من زميل يمتلكون نيسان فمركز الخدمة الرئيسي اللي في الدقي محترم جدا قولهم علي شكواك وهيهتموا جدا وهيصلحوا العيب كان لي صديق عنده عيب في الفتيس ونم تغييره بالكامل

[msi_msi2002]

السلام عليكم ورحمة الله وبركاته

استاذى العزيز خالد فى الحقيقه ان مشكلتك متعلقه بشكل كبير جدا بالبنزين وده بيسبب اهتزاز الماتور وهفسره كالتالى ولكن
- اهتزاز الماتور كأى اله يؤدى الى نقص العمر الأفتراضى لها لذلك اتمنى تصليح العيب
فى الحقيقه من الصعب يكون الأهتزاز نتيجه حرق زياده ولكن ممكن يكون نتيجة حرق اقل يعنى مش بنزين زياده

طيب ايه الى بيحصل
- غاليا نوع البنزين واتمنى تجرب 95 وتقلى ولو اصلا شغال ب 95 يبقى غير البنزينه الى بتحط منها البنزين لأن ساعات بيبقى عندهم مشاكل فى تنك البنزينه (عن تجربه) بس تكون البنزينه من شركه تانيه يعنى مثلا بدل التعاون روح لمصر للبترول هتقولى هتفرق هقلك ايوه لأن دى شركه ودى شركه وبيحطوا مواد تحسن التشغيل عند بداية تشغيل العربيه
جرب 95 عبى العربيه وده هيفوق الماتور من الركنه لأنه لسه جديد وبعدين استخدم 92 وصدقنى حل مثالى
لما كان حد بيحصلوا حاجه زى كده فى العربيه بتاعته كنا بنحط بنزين 100(من شركه ميدور وغير متوافر بالأسواق) وكانت العربيه بتفوق على طول

- طيب الحل التانى هو فلتر البنزين ولو غيروه فى التوكيل يبقى كويس
- تأكد من نظافة فلتر الهوا وانه مش مسدود والمجرى كمان مش مسدود (على فكره لو مسدود ولو شويه هيعمل الهزه)
حضرتك ده راى كمهندس بترول من أحدى مهامى البنزين اتمنى يحل مشكلتك ولو فى حاجه ياريت تقول ايه الى حصل معاك

[elgdawy2007]

المشاركة الأصلية كتبت بواسطة Dr.Khaled Youssef طبعا انتو عارفين حكايتى علشان كدة مش هاطول النهاردة رحت السبع زهراء المعادى الصراحة منظمين جدا و بشوشين جدا ويحسسوك انهم مهتمين بيك و ايضا محترمين جدا و احسن حاجة عندهم انك ممكن تتفرج من الشرفة الزجاج على عربيتك وايضا اصروا انى اشرب قهوة ( مجانا) ... مهمة قوى دى! هما خدوا العربية و حطوها على السكانر .. و طبعا زى ما توقعت قالولى مفيهاش حاجة طبعا ماقتنعتش بالكلام و قلتلهم انا بقالى بسوق عربيات من اتناشر سنة والهزة دى مش طبيعية فدخلونى لمدير الورشة كشف عليها تانى ملقاش حاجة قلتله اكشفلى على الايدل كونترولر قالى لأ لأن لو فيه حاجة كان بانت على السكانر قلتلهم ادونى ورقة بان بالكشف على السيارة لا يوجد شىء مرضيوش وودعنى المهندس بابتسامة عريضة و سلم على بحرارة قولولى بقى اعمل ايه؟؟ اروح مركز تانى؟؟؟ انا اتخنقت جدا هل ممكن العيب يكون الايدل و ميبانش على السكانر؟ هل ممكن يكون كونترول المحرك هو المشكلة؟ نسيت اقوللكو انى رحت للميكانيكى بتاعى المحترم و غيرت البوجيهات و انا مروح فى السكة بس ولا كأنك عملت حاجة تماما العيب هو هو وقاللى انه شاكك ان فى رشاش بيبخ بنزين زيادة؟؟؟ ايه رايكو فى الكلام دة؟؟؟؟؟ هل لو رحت حماية المستهلك هايقتنعوا بكلامى ولا هايقولولى مافيهاش حاجة برضه؟ اه ..بالنسبة لترشيح الزيت المهندس حلفلى انه طبيعى و انه مش زيت و كل العربيات الجديدة لو بصيت عليها هاتلاقيها كدة ماشى يا سيدى طيب و الرعشة؟ انا تعبت وزهقت

الخلاصه شويه نصابين فى توكيل السبع وكلهم مدربين بعنايه فائقه على الرد على اسئله العملاء بشأن وجود خلل معين فى السياره انهم يقولوا لك ان ده مش عيب دى هى السياره كده وده حصل معايا لما روحت صيانه الالف كيلو وكمان قولتلهم على ظبط زوايا العجل ومتعملتش وكنت جايلهم من اسكندريه مخصوص والله ومع الاسف مش حتلائى منهم غير الابتسامه العريضه فقط فى حاله وجود شكوى قمت انت بأكتشافها وانهم يفهموك ان السياره هى كده زى معملوا معايا فى الاستهلاك الخاص بالبنزين وقالوا ان السياره بتعمل 180 كيلو فى ال20 لتر داخل البلد وكمان 220 كم فى 20 لتر خارج البلد والحمد لله انا اصلا كنت عارف المعدل بتاعها كويس جدا قبل مروح بس حبيت اختبرهم لما لائيتهم اصحاب اشتغالات واسعه كده وطبعا السياره داخل البلد بتعمل 212 كيلو متر وخارجها 272.5 كيلو متر فى 20 لتر وده بأستعمال التكييف خارج البلد لمده نص ساعه كامله وكمان السرعه ما بين 100 120 140 150 واديتنى المعدل ده حبيت بس اقولك عشان تكون عارف كمان ان فيه منهم ناس موجوده على المنتدى ده وعاملين نفسهم انهم اصحاب سيارات وبيشكروا جدا فى توكيل السبع طبعا ده نوع من انواع الدعايا ليهم ودى خلاصه الكلام ولو مش مسدق روح تانى وشوف حتلائى كلامى كله صح عشان يهربوا من تغيير اى قطعه تالفه فى السياره لان بيكون ليهم بنص على كده عشان يبقوا افضل وكيل من حيث الصيانه فقط وليس الاستبدال اتمنى تكون استوعبت وجهه نظرى بشكل دقيق الخلاصه شوف توكيل تانى لان مع الاسف السياره ممتازه بس معظم توكيلاتها زفت ومنهم السبع والحضره بالاسكندريه مش فاهمين حاجه فى اى حاجه طبعا الكلام الاخير ده لبتوع الحضره بالاسكندريه بالزات مش فاهمين شيىء وكلامهم كله غلط وكمان زحمه جدا جدا هناك ومعامله زى الزفت نظرا للجهل السائد بينهم لان معظمهم جدد والقدامى بيتركوا العمل ويفتحوا ورش خاصه بيهم بعد ان يحترفوا المهنه فى التوكيل دى الخلاصه عشان تكون عارف

[الفهد الاسمر]

حضرتك لو ليك اى مشكله مع السبع تقدر تقول دة على صفحتهم على الفيس بوك عشان تبقى اعلنت عن مشكلتك عندهم
http://www.facebook.com/Elsaba.Autoservice