هل لمسطره الرشاشات دور فى زياده استهلاك البنزين

[samirayad]

دى صوره تخطيطيه

توضح تركيب منظم ضغط البنزين ( أى البلف ) على نهاية مسطرة الرشاشات

وواضح طبعا

إن المسطره شىء والبلف شىء آخر منفصل عنها

[Emgrand]

ده هو ده ( الإثنين نفس المعنى ) فحساس الأكسجين ....فده أسمه نسبه إلى وظيفته فى قياس كمية الأكسجين فى العادم وحساس الشكمان ...فده أسم آخر ليه برضه وبينسب له هذا الأسم لأنه بيركب فى أول خط الشكمان من بعد فرن المكنه ( على نهاية مشترك الفرن تقريبا ) طيب هل غيرته قبل كده ...؟ ولا أنت تقصد أنه مش عندك فعلا وعارف أن الكلمتين نفس المعنى

انا عارف ان الاثنين نفس المعنى
ومش عندى اصلا
مش موجود فى العربيه من الاساس

والعربيه عامله كام ألف كم ....؟

عامله 136 الف والموتور بسم الله ماشاء الله كويس

وهل أنت أول مالك ....؟

لا مش اول مالك

بإذن الله مش هسيبك ألا أما ربنا يوفقنا للوصول لحل مقنع ونمسك سبب الجريمه بس خليك معايا بنظام هات وخد فى الأسئله والإجابه

[/QUOTE]

انا مع حضرتك فى السؤال والجواب
ربنا يباركلك يا رب
ده انا هدعيلك
انا تعبت من موضوع الاستهلاك
========================= =============
هل بلف تنظيم ضغط البنزين بيظهر على الاسكانر؟
وما هى وظيفته بالضبط ؟ يعنى هو بيدخل كميه بنزين للرشاشات معينه وبعد كده بيقفل ولا ايه

[samirayad]

هل بلف تنظيم ضغط البنزين بيظهر على الاسكانر؟

لا طبعا

وما هى وظيفته بالضبط ؟ يعنى هو بيدخل كميه بنزين للرشاشات معينه وبعد كده بيقفل ولا ايه

وظيفته بالضبط

تنظيم ضغط البنزين فى مسطرة الرشاشات بالذات

والزياده فى البنزين يسمح برجوعها لتنك البنزين

ولو حليت خط الفاكيوم إللى بيشغله ورايحله من المانيفولد

ولقيت الخط ده ريحته أو جواه بنزين

( بعد ماتشغل المكنه سلانسيه شويه )

يبقى البلف بايظ

-------------------

[Emgrand]

المشاركة الأصلية كتبت بواسطة samirayad لا طبعا وظيفته بالضبط تنظيم ضغط البنزين فى مسطرة الرشاشات بالذات والزياده فى البنزين يسمح برجوعها لتنك البنزين ولو حليت خط الفاكيوم إللى بيشغله ورايحله من المانيفولد ولقيت الخط ده ريحته أو جواه بنزين ( بعد ماتشغل المكنه سلانسيه شويه ) يبقى البلف بايظ -------------------

استاذ سمير
بعد التحيه
الجواب:-
1-حليت الخط اللى جايله من المانفولد ولاقيته جاف تماما لا بنزين ولا ريحه
2-حسست بيدى على خط الراجع حسيت بحركه داخله

منتظر من حضرتك السؤال.

(ملحوظه) استهلاك البنزين بعد تغير الرشاشات ضبط
مره 9لتر فى ال 100 كيلو مره 11 لتر فى ال 100 كيلو وبعد كده رجع عالى جدا تانى 14 لتر فى ال 100 كيلو (ثابت 14 مهما غيرت او صلحت ثابت 14)

وضعت منظف رشاشات stp ربما تكون الرشاشات مسدوده ولا جديد الاستهلاك عالى كما هو

[samirayad]

واحتمال يكون الرشاش المستعمل ابتدي يسيل

ده تحليل المهندس / عمرو

والمفروض فعلا

تختبر الرشاشات حاليا

للتأكد من كفائتها

فوراد فعلا تكون إبتدأت فى التسييل