محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى

[amrmamdooh]

سوزوكي ماروتي و توكل على الله

[Mohamed Amer 99]

انا متشكر جدا لكل اللى رد على موضوعى وشارك علشان اقدر اقرر ومتشكر لكل اللى قرأ الموضوع
بجد والله مش عارف اشكركم ازاى على اجابيتكم
انا الحمد لله اخذت القرار واشتريت شانا بينى 2013
وحبيت اقول لحضراتكم تجربتى معاها خاصتا انها معايا منذ شهرين تقريبا

انا استلمت العربيه يوم 6 مارس

والعداد دلوقتى عامل 8200 كم
انا عارف انه كتير شوية بس انا مشاويرى كتير وبعيده شويتين

العربيه الحمد لله تعالى كويسه جدا جدا
طبعا الوكيل بتاعها سعودى يعنى نفس توكيل سوزوكى
عملت صيانتين ليها فى مركز الهايكستب
صيانة ال 1000 دفعت فيها 400 جنيه
صيانة ال 5000 دفعت فيها 350 جنيه
وده لإنى فى الالف حطيت زيت 10000 كم اما فى الخمسة ألاف حطيت 5000 كم

للأمانه قبلتنى مشكله واحد فى قطع الغيار وهى فى الاكصدام الخلفى
العربيه اتخبطت وهى مركونه فى الجراج من ورا فالأكصدام اتكسر بطيعا علشان العربيه زيرو واتخبطت بعد ما استلمتها ب 15 يوم حبيت اشترى اكصدام جديد من التوكيل
اتصلت بيهم كتير وكانو بيقولولى ان قطع الغيار فى المينا مستنيه الافراج الجمركى لحد ما زهقت وروحت لحمت الاكصدام عند واحد بتاع فايبر

العربيه سحبها حلو قوى وكنت بجيب بيها 140 وبعدى بس الطريق طبعا ما بيساعدش
بس طبعا لما بوصل ل 130 و 140 بحس ان العربيه بقت خفيفه قوى و الواحد بيقلق بس ربنا بيسترها والحمد لله
دى تجربتى مع العربيه وارجو انكم تستفيدو منها وان شاء الله احاول انزلكم صور العربيه قريب

وشكرا

[mira lada]

ماروتى وش.........

[ramyhekal]

المشاركة الأصلية كتبت بواسطة Mohamed Amer 99 انا متشكر جدا لكل اللى رد على موضوعى وشارك علشان اقدر اقرر ومتشكر لكل اللى قرأ الموضوع بجد والله مش عارف اشكركم ازاى على اجابيتكم انا الحمد لله اخذت القرار واشتريت شانا بينى 2013 وحبيت اقول لحضراتكم تجربتى معاها خاصتا انها معايا منذ شهرين تقريبا انا استلمت العربيه يوم 6 مارس والعداد دلوقتى عامل 8200 كم انا عارف انه كتير شوية بس انا مشاويرى كتير وبعيده شويتين العربيه الحمد لله تعالى كويسه جدا جدا طبعا الوكيل بتاعها سعودى يعنى نفس توكيل سوزوكى عملت صيانتين ليها فى مركز الهايكستب صيانة ال 1000 دفعت فيها 400 جنيه صيانة ال 5000 دفعت فيها 350 جنيه وده لإنى فى الالف حطيت زيت 10000 كم اما فى الخمسة ألاف حطيت 5000 كم للأمانه قبلتنى مشكله واحد فى قطع الغيار وهى فى الاكصدام الخلفى العربيه اتخبطت وهى مركونه فى الجراج من ورا فالأكصدام اتكسر بطيعا علشان العربيه زيرو واتخبطت بعد ما استلمتها ب 15 يوم حبيت اشترى اكصدام جديد من التوكيل اتصلت بيهم كتير وكانو بيقولولى ان قطع الغيار فى المينا مستنيه الافراج الجمركى لحد ما زهقت وروحت لحمت الاكصدام عند واحد بتاع فايبر العربيه سحبها حلو قوى وكنت بجيب بيها 140 وبعدى بس الطريق طبعا ما بيساعدش بس طبعا لما بوصل ل 130 و 140 بحس ان العربيه بقت خفيفه قوى و الواحد بيقلق بس ربنا بيسترها والحمد لله دى تجربتى مع العربيه وارجو انكم تستفيدو منها وان شاء الله احاول انزلكم صور العربيه قريب وشكرا

الف مبروك وربنا يعطيك خيرها ويصرف عنك شرها
عايز اعرف سعر العربيه كاش والكماليات اللى فيها وهل هى اوسع من الماروتى من الداخل ولا اصغر ؟

[Mohamed Amer 99]

المشاركة الأصلية كتبت بواسطة ramyhekal الف مبروك وربنا يعطيك خيرها ويصرف عنك شرها عايز اعرف سعر العربيه كاش والكماليات اللى فيها وهل هى اوسع من الماروتى من الداخل ولا اصغر ؟

هى اوسع بكتييييييييييييييير جدا من الماروتى ومن الالتو كمان والله
وبالنسبه للكماليات فهى :
تكييف
باور
2 زجاج كهرباء أمامى فقط
راديو + AUX
مصباح ضباب خلفى
دى كل حاجه تقريبا + بقى انها 1000cc مش 800 زى الألتو والماروتى وفيها الكاسيت راكب مش زى الماروتى والالتو اللى بيقولولك بتركب الكاسيت على حسابك فى التوكيل
انما الشانا انا اول ما استلمتها رحت ركبتلها سنتر وانزار ووحدتين رفع بره التوكيل من غير ما أطلع من الضمان والحمد لله