تجديد عفشة لادا 2105 بتاريخ اليوم

[youssef_elgbaly]

السلام عليكم انا قولت لازم اكتب الاسعار واللى عملته فى العفشة وممكن يساعد الناس
روحت النهاردة الصبح فكيت العفشة الامامية كلها وتم تغير: انا من اسكندرية والاسعار غلت على فكرة.

1-تيش النص روسى = 100 جنيه
2-بارات دريكيسيون روسى الواحد 50 جنيه *2=100 جنيه
3-طقم جلب مقصات الواحدة 10 جنيه 8*10=80
4- 2 بيضة طرف روسى البيضة 45*2=90
5- 2بيض مقصات كورى الواحدة 50 جنيه 50*2=100
6- مقص استيراد يمين فوق = 90 جنيه 85 بعد الفصال لان الاولنى كاف فيه شرخ من عند البيضة قمت مغيره بالمرة
7- 2 كاوتش يايى =10 جنيه
8 - ماسورة اللى بتتربط فيها بيض الطرف 6 جنيه
9 - العربية كان فيها مناول بلى وانا مش عارف فكناه لاقناه كويس وعلى كده بقاله 3 سنين والعربية تاكسى كمان كتر خيره
وتم التركيب والحمد لله العفشجى اخد 80 جنيه مصنعية
روحت لبتاع الزوايا وانا ماشى على المحموديه ماسك الحارة اليمين الاقى عربية شاهين جايه فى وشى من بعيد والعربية عماله تعوم منه قام فرمل العربية زحفت منه يجى 15 متر وانا شايفه من بعيد لدرجة وقفت وقولت شكله ضارب حاجة والحارة اليمين فى عربيه نقل تلجات كبيرة بتسافر الكويت بتاخد فاكهة من الوكالة وتصدرها كانت واقفة قام داخل فيها انا قولت ده كده مات نزلت فتحت الباب واشوفه لقيته نازل دايخ بس الحمد لله جيت سليمة العربية طبعا لغاية نص الكبوت اطبقت والريدياتير ادمر والموتور الشاسيه دخل وقفل عليه وشبكة الامامية بتاعة النقل باظت
روحت للزوايا لاقيت 3 عربيات قدامى قعد على القهوة شويه ورجعت ظبتنا زوايا والحمد لله كله تمام والوقت كان من الساعة 11 الصبح مخلص الساعة 5 المغرب
ظبط زوايا =20 جنيه
اتمنى ان يعجبكم واى حاجة هاعملها هاحطها هنا ممكن تساعد الناس التكلفة حوالى 680 جنيه كل العفشة بالظبط

[youssef_elgbaly]

[محمد حسن عبد الرحمن]

[FONT="Arial الف الف شكر يا باشا وتقبل مرورى أخوك محمد جارك من ألإسكندرية وساكن جنبك أنا من محرم بك"][/FONT]

[spider_amrdiab]

و انا كمان من محرم بك شكراا على الموضوع مقولتش بقى عملت العفشة عند انهو واحد؟؟
وهل هو معرفتك و لا لا؟

[youssef_elgbaly]

المشاركة الأصلية كتبت بواسطة محمد حسن عبد الرحمن [FONT="Arial الف الف شكر يا باشا وتقبل مرورى أخوك محمد جارك من ألإسكندرية وساكن جنبك أنا من محرم بك"][/FONT]

يسلموو على الردود الجميلة وانا اخوك من عند سينما الحضرة