#1
|
||||
|
||||
بالله عليكم أفيدونى فى مشكلة كبيرة فى شراء أوبترا 2008
السلام عليكم
أرجو من السادة الاعضاء الافاضل إفادتى فى مشكلة كنت هقع فيها لكن الحمد لله أكتشفتها بالصدفة ... كنت أتفقت مع زميل لى على شراء سيارته الاوبترا 2008 مانيوال وهى بصراحة شكلها جميل وكنت بشوفها معاه تقريبا يوميا من يوم ما أشتراها ومن يوم ما أشتراها وناس كتير عرضت عليه شراءها لكن هو كان رافض مبدأ البييع نهائى يعنى ماعملش بيها حادثه ولا حاجة وكان لى عنده مبلغ 40000 جنيه فى موضوع شغل وحصلت له ظروف منعته من رد المبلغ فعرض عليا إنى أشتريها وكان سعرها 65000 جنيه منهم 25000 جنيه باقى أقساط البنك يعنى هاخد العربية مقابل ال 40000جنيه وأكمل أنا الاقساط وكنت هكتب عقد إبتدائى و توكيل إدارة عشان الترخيص و خلافه المهم بالصدفة رحت لمعرض وقال لى أن العربية مغيرة ربع بالكامل(الحوض) !!!!!!!!!وقاللى أوعى تشتريها عشان ممكن متعرفش ترخص فى المرور.. أعمل أيه فى المصيبة دى لأانى كنت خلاص هروح بكره أخلص والعربية المفروض تعمل كام على الحالة دى وهل ممكن أروح أكشف عليها فى التوكيل وهى مفيش فيها رش نهائى غير المصيبه اللى ظهرت دى بس معمولة صح مش أى حد يكتشفها وللعلم الراجل قال ان باقى العربية فبريكة والموتور تمام بس قال أبعد عنها تماماً أفضل أفيدونى بالله عليكم وآسف على الإطالة وشكرا جزيلا |
#2
|
|||
|
|||
رد: بالله عليكم أفيدونى فى مشكلة كبيرة فى شراء أوبترا 2008
كلام غير منطقي
ازاي العربيه معموله صح ومحدش يعرفها والمعرض عرفها ليه بيضرب الودع ولو مغير الحوض زي ما انت بتقول يبقي ده مش ربع ده اسمه نص وازاي مش هتعرف ترخص يعني هو طيب كان هيرخص لنفسه يعني هيعمل العربيه صح الصح علي كلامك ويصرف وميعرفش يرخصها عامه روح التوكيل واكشف عليها وسيبك من كلام المعارض والسمكريه والالبنده دي |
#3
|
||||
|
||||
رد: بالله عليكم أفيدونى فى مشكلة كبيرة فى شراء أوبترا 2008
كلام موش منطقى علشان انت بتقول بتشوفها يوميا اسال حد تانى او روح التوكيل افضل وربنا يوفقك للاصلح
|
#4
|
||||
|
||||
رد: بالله عليكم أفيدونى فى مشكلة كبيرة فى شراء أوبترا 2008
روح النوكيل وهما يفيدوك..وازاي حضرتك كنت بتشوفها كل يوم؟؟
موضوع تغيير الحوض او النص اللي قدام هياخد اسبوع علي الاقل يعني حضرتك المفروض متشفهاش اسبوع عموما روح التوكيل ولو لقيت الموضوع فعلا مغيرة حوض....ابعد عنها احسن عشان عمرها ما هترجع فبريكة تاني
__________________
يارب احمي مصر
|
#5
|
|||
|
|||
رد: بالله عليكم أفيدونى فى مشكلة كبيرة فى شراء أوبترا 2008
بص ساعات كتير بتوع المعارض تسئله على عربيه يقولك فيها كل الكلام الوحش الى انت مش متوقعه عشان انت تقول الراجل ده امين و تروح حضرتك تشترى من عنده اسلم حل اسئل صحبك الاول و روح التوكيل اكشف على العربيه
|
|
|