ناوي على الكوبيه و عايز المشورة

[aucgraduate]

أعتقد إن موتور الكوبيه مش موتور الفيرنا ... هو موتور النيو أكسنت 1600 سى سى وبقوة 112 حصان وسرعة العربية الكوبيه مش هاتكون نابعة بس من قوة الموتور ... العربية ارتفاعها المنخفض عن الارض وتصميمها الرياضى الانسيابى اللى بيوزع الهواء بطريقة ممتازة فوق جسم العربية بيقلل المقاومة المضادة بطريقة فعالة جدا وبعدين المسافة بين الإطارات كبيرة والاطارات نفسها مقاس 16 وعريضة يعنى في المناورات مع قربها من الارض يدى ثبات قوى. غير إن العربية فيها صالون وهمى وفتحة سقف وشكل رياضى شبابى مالوش حل.
هى الكوبيه مش لامبورجينى ولا بورش بس هاتلى عربية من دول وتكون بس بعشر أضعاف تمن الكوبيه اللى انت رايح تدفعه ومع إنها بعشر التمن ومع ذلك فيها كل اللى انت تحتاجه في سيارتك الرياضية كشاب عايش في ((مصر)) بمطباتها وزحمتها وراداراتها و....العربية تحفة فنيه يا مان
آخر حاجة اكلمك عنها هى السعر ... 88 ده تجيب بيه موديل 2008 حالتها فورة الشكل الجديد يا ريس وصاحبك اللى هاتجيبها منه ده واضح انها غالية عليه بس ومستحرم يخسر فيها كتير كده لإن فعلا خسارتها كبيرة لكن سعر السوق بتاع 2005 هو 75 الف لو الحالة كويسة ممكن تزود عن كده الفين تلاثتة لو العملية تستاهل لكن مش اكتر من كده وصدقنى العربية دى مش محتاجة شغل ولا حتى ستيكر واحد بس انت دور كويس على واحدة نضيفة ولما تلاقى واجد عارضها للبيع ماهايصدق يلاقى زبون جد كلمه على 75 واثبت وانت كسبان كسبان لإنك لما تبيعها تانى مش هاتخسر فيها كتير ... وروح بيها طبعا التوكيل اعمل كشف بيع وشراء "اسمه كده" بـ 300 جنيه وهايديلك تقرير كامل عن العربية والتقرير ده بمثابة ضمان في مواجهة التوكيل لو ظهر فيها عيب بعد كده "ضرورى التوكيل"
والف مبروك مقدما وخاويها وتعالى شد معايا

[horas3000]

ربنا يوفقك و يكرمك في عربية كويسة يا زعيم
لو ليك في الكوبيةما تروح تبص علي السيراتو الكوبية انا اعرف انها موجودة عند جابر عبد الشهيد خليجي بحوالي 135 الف و التوكيل نفسة منزل نسختين الفاضية ب 120 و الهاي ب 136 ده طبعا لو ميزانيتك تسمح

[m_o_sakr]

ana mn r2y tro7 tkshef fl twkil a7sn 3lshan by3mlk tkrir mfsl 3n 7alet el 3rbia w tmsek fehm lw tl3 feha 7aga 3'er kda, w tb3n hia 3rbia kwisa w 7lwa, bs ana mesh 3aref s3rha kam, w mtnsash el est5ara isA rbna ykremak f 7aga kwisa

[maxim82]

المشاركة الأصلية كتبت بواسطة tarek6210 انا نويت و بدور على كوبيه 2005 بعد ما شفت العربية و ركبتها و حسيت انه بالرغم من رخصها ككوبيه الا انها بتدي احساسا مختلف عن اي عربية تانية سقتها قبل كده المهم في الموضوع انني ناوي اني اقعد بيها 5ّالى8 سنوات على الاقل و ناوي اظبت فيها شغل جامد (عربية عمر) و بالتالي مش مهم قوي موضوع ان بيعها تقيل بالنسبة لي قوي على الاقل خطة خمسية انا بقى بشوف معروض منها من اول 75 لغاية 88 الف و بصراحة كل الف ليها تمن يعني حالة ام 88 دي عاملة 40الف كم و صيانة توكيل و مفيهاش خدش لكن انا حاسس ان علشان بيعها تقيل فممكن اخللي ال88 دول مثلا 83 ! هل ده اعتقاد شخصي ولا العربية دي توبها ايه بالظبط؟ السؤال برضه علشان اكون محدد اكتر: هل مجال الضغط على سعرها مع البائع كبير ام انها ماسكة سعرها عند الرقم ده؟ مع العلم انها في زمانها كانت من ام 130الف بلبل حد يساعدني انا طبعا عايز اشتري حتة سليمة بنسبة 90% لأني ناوي تبقى عشرة عمر طب اروح بيها لفين يكشفولي عليها و يفلوهالي حتة حتة و تقرير كامل بجد مش هجص؟ و شكرا لكن من سيشارك

اية ياعم طارق فات سنة و مقولتش جبت العربية و الا لا و جبتها بكام و اية رأيك فيها

[egypt_farmer]

المشاركة الأصلية كتبت بواسطة maxim82 اية ياعم طارق فات سنة و مقولتش جبت العربية و الا لا و جبتها بكام و اية رأيك فيها

بص يا باشا
انا اعتقد ان فيه فرق كبير بين الواقع وبين الخيال
يعنى
اللى الواحد بيتمناه غير اللى ممكن يكون عنده الجرئه على تنفيزه
على سبيل المثال
انا قعدت اكتر من شهر فى حيره بين التيجو 1600 وال ام 11 قسط
وكنت مستنى الفلوس
ولما جت الفلوس
لاقيت نفسى بشترى فيرنا 2007
ptmnlo123per144