اشتريت اوبل كورسا 95 .. عنوان عادي جدا انما اللي جرالي مش عادي خاااالص الحمد لله

[aymanabdelwhab]

المشاركة الأصلية كتبت بواسطة مشمش1 السلام عليكم الله يطعمك خيرها و يكفيك شرها والله المستعان

امين يارب ... ربنا يخليك يا باشا

[aymanlaw]

المشاركة الأصلية كتبت بواسطة aymanabdelwhab شهــــــــــــــــــاده للتاريخ بقالي اسبوعين مش قادر ابوح بيها ( يعني اسيح ) بس خلاص مضطر ابع ابع بدل مطق يجرالي حاجه اشتريتها بالظبط يوم عيد ميلاد المخلوع الهي يحرقه مطرح ما هو قاعد قادر يا كريم اوبل كورسا 95 1200 اتوماتيك زي الفل ما شاء الله ...... ................ ....................... ......................... .. بعد اما اشتريتها وخلصت مع صاحبها وخدتها ومشيت ب ربع ساعه كرسي المكنه وقع علي الكوبلن كسره .... ايوه بربع ساعه بالظبط .... ... البيه المكانيكي الظالم اللي كان مركب الفتيس الاتوماتيك مكان الفتيس الاصلي المانيوال بتاعها مغيرش كرسي المكنه .... لا راح مأيف القديم علي الوضع الجديد وخلااص ووالفتيس طبعا مكنش مظبوط ولا المكنه وخدت بالي وكله عمال يلق ويحدف وانا بجربها انا وصاحبي اللي كان معيا بس للامانه الفتيس الاتوماتيك اللي راكب تحفه منا اصلي شاريها من تاجر قطع غيار الماني مستورده ... فيه اكتر من كده الحمد لله لله قدر الله ما شاء فعل .... محدش عارف الخير فين اتصلت بواحد حبيبي جه بعربيه نص نقل بجنزير حديد قطرها لحد ورشه الميكانيكي وكان يوم جمعه وطبعا اكيد هتبات عنده عادي الحمد لله بتحصل مع اي حد ..... تاني يوم العصر كده روحت جبت الكوبلن وكرسي جديد للمكنه بدل اللي اتكسر ورجعنا للمكيانيكي ولسه هيشتغل النور راح قطع في المنطقه كلها .. يقطع شويه صغيرين لالالالا وليه يقطع شويه صغريييين زي كل مره اد ايه بقي ؟ .. ساعتين ونص قولت الحمد لله خير ... الدنيا ليلت علينا والحمد لله النور جه جه يشتغل خلاص اهوو بقي داخل يجيب جون هووووب ..... لقيته بيقولي يا استاذ الكوبلن ده قافش ومش هينفع يركب !!! يادي الغم ياسيدي مش كنت تكتشف ام القفشاااان ده قبل ما النور يجي كنا كسبنا وقت ولا يعني لازم تمرمط اهلي معاك !!! كان معايا واحد حبيبي تاني بعربيته اتمرمط معايا الصراحه روحنا لنفس محل قطع الغيار الاستيراد ندور علي كوبلن يمين مش قافش لقينا عنده اكتر من 30 كوبلن شمال !!!! وولا واحد يمين !! في سري الحمد لله خير قدر الله ما شاء فعل ... اعوذ بالله من الشيطان الرجيم خير خير ..... الراجل بصلي كده وهو وشه احمر من الاحراج منا لسه متنيل شاريها مباقاليش ساعات مش كانت تعملها معاه هو مش معايا قالي بص هتروح لفلان بتاع العفشه يقلبلك الشمال ده يمين وهيبقي زي الفل راجل تباعنا وهيظبطه توكلنا علي الله وروحناله .. لقيناه قافل .... روحنا لغيره ... برده قافل ... والدنيا ليلت اوي لحقنا واحد تالت وهو بيقفل واتعمل الحمد لله ... ملحوظه : ( كل ده بنلف بعربيه صحبي ) .. الملحوظه دي هتيجي في سؤال علل في الامتحان الحمد لله المصلحه قضيت واتقلب ومش قافش وتمام التمام ... الساعه داخله علي 10 بالليل عايزين ننجز بقي والميكانيكي واكل دماغي تليفونات ... واحنا راجعين العربيه اللي معانا قطعت بنزين عربيه بورا !!!! اه والله قطعت بنزين ... ااااه كتير والله كتير .. بس برده الحمد لله محدش عارف الخير فين ... المشكله بقي كانت ساعتها ان فيه ازمه بنزين غبيه في دمياط والبنزينات كلها بالضبه والمفتاح ولحد دلوقتي برده مش لاقين امه ... بعتنا جبنا بنزين مع واحد صاحبنا رابع ... ما علينا اشوفها بتمشي بقي قبل متشل يارب روحت اتصلت بواحد صاحبي هو احنا وصلنا للصاحب الكام في الليله الزرقا دي ؟ الخامس باين ...كان مستنيني علي القهوه يجي يخدنا وحضنا العربيه القاطعه بنزين في جمب وخلعنا جري علي الميكانيكي عايزين نخلص بقي روحتله وانا حاطط ايدي علي قلبي ما هو كده معتش فاضل الا انها تنفجر بيا قبل مركبها منا اصلي مسوقتهاش غير نص ساعه مفيش حاجه حرقت دمي في الليله دي كلها غير انه انه انه مخدش في تركيب الكوبلن اللي طير عليا اليوم كله وقفه عنده ..... غير بالظبط ربع ساعه والحمد لله قدر الله ما شاء فعل تمت

أنا كنت منتظر (يتبع)لأنى اعتقد فى سؤال علل إنك هتشترى عربيت صاحبك البورا ههههههههه ---الف مبروك وربنا يديك خيرها ويحميك من شرها ويسعدك بيها وأشوفك فى رأس البر عند بلبول اوابوطبل هههههههههه--كل سنة وانت طيب ورأس البر طيبة لأنها اجمل بلد محببة الى قلبى واجدع ناس الدمايطة

[محمد عبد النور]

ههههههههههههههههههههههههه هههههههه


ولا يهمك محدش عارف الخير فين

[aymanabdelwhab]

المشاركة الأصلية كتبت بواسطة aymanlaw أنا كنت منتظر (يتبع)لأنى اعتقد فى سؤال علل إنك هتشترى عربيت صاحبك البورا ههههههههه ---الف مبروك وربنا يديك خيرها ويحميك من شرها ويسعدك بيها وأشوفك فى رأس البر عند بلبول اوابوطبل هههههههههه--كل سنة وانت طيب ورأس البر طيبة لأنها اجمل بلد محببة الى قلبى واجدع ناس الدمايطة

A HLNWSHALN
ههههههههههههههه والله يا ايمن بيه انا كمان خايف من يتبع دي مش عارف ربنا يستر بقي لو الوضع استمر معاايا علي كده دانا حاسس اني حتي لو اشتريت البورا مع اني معيييش فلوسها الوقتي برده هتعمل معايا كده ..متشكرين علي ذوقك يا باشا وان شاء الله اشوفك علي خير في راس البر او دمياط او حتي بورسعيد انتا هتلاقني منتشر في كل حته الوقتي ...

[aymanabdelwhab]

المشاركة الأصلية كتبت بواسطة محمد عبد النور ههههههههههههههههههههههههه هههههههه ولا يهمك محدش عارف الخير فين

عندك حق .. كله خير .. وربنا يكفينا شرها اللي جاي بقي