|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
افضل سيارة عملية فى رينج 70 - 80 الف
يا جماعة انا معاى فلوس من 70 الى 75 ويوم ما تضيق اووى اخري 80 بس
فعايز عربية تكون بتبدأمن 70 وطبعا مش عايز لا فيرنا ولا لانوس كنت بافكر في الاوبترا بس مانيوال طبعا كاملة فياريت حد يساعدنى وللعلم انا عايز عربية للجري مش للتهميس والكلام الفراغ بس عربية تنجز معاى ومانيوال وهتمشي كل يوم من المنصورة لدمياط رايح جاي 80 كيلو رايح و 80 كيلو جاي وربنا يبارك فيكم التعديل الأخير تم بواسطة AbOnOrA ; 10-10-2009 الساعة 05:51 AM سبب آخر: اضافة توضيح للعنوان |
#2
|
||||
|
||||
رد: ياريت الافادة بسرعة
حبيب قلبي يعني انت من المنصوره يا محاسن الصدف
80 و عاوز عربيه مفتريه و تاكل المشوار كل يوم و تريحك و كدا كدا سحب البنزين علي الطريق مش كبير يبا سيبك من الجديد خالص و ارجع للقديم المحترم في السعر ده باسات منيول موديل 2001 دي تحفه بس في واحد من وسط الف قال عليها كلام مش حلو و هو خبير اصلا عندك بي ام 218 مثلا موديل 2000 اوبل فكترا 2004 دي فعلا تحفه لو لو عاوز حاجه عمليه و توفر بال70 تجيب فكترا 2000 هتكون حالتها ممتازه بالزات ال2000 سي سي منها دي خلاصه للي عاوز الخلاصه كل الي قلتهم لك دول الماني و قطع غيرهم غاليه بس مادام انت راجل محترم و مش بتلعب بالعربيه يبقا صيانتك هتكون خفيفه اوي و دول العربيات الي هتسد معاك في المشوار ده بعد الطقم ده في المزدا 3 و الميجان و السفك موديل 2005 مثلا بس منصحشي بميجان مستعمل ابدا و السفك وطيا هتحك منك يعني مش عمليه و المزدا بردو مستريحشي مستعمله بس هي افله كعمليه اما لو عاوز حاجه مريحا شويه في الكورولا و لانسر موديل 2006 مثلا دول الاشهر و قطع غيار متاحه و رخيصه و هما الاكثر عمليه في مصر اصلا في الفا روميو 156 دي هي الطب بتاع الحكايه كلها سبتها لك للأخر لانها عربيه بتاعت مزاج بس لان ملهاش صينه عندنا في المنصوره و قطع غيار نار بس ده مقابل سياره الافضل في فئتها و دي الي انا ناوي عليها ان شاء الله
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ |
#3
|
|||
|
|||
رد: ياريت الافادة بسرعة
فكر فى رينو لوجان، تمنها زيرو كاملة فول أوبشن 67 ألف جنيه ..
موفرة فى البنزين ، جراية ، عفشة ناعمة جدااااً ، عالية عن الأرض .. وسعرها زى ما انت شايف والعربية تستاهل فلوس أكتر من كده ، بس هى نازلة تبع اتفاقية أغادير ومتشال من تمنها 40% جمارك. |
#4
|
||||
|
||||
رد: افضل سيارة عملية فى رينج 70 - 80 الف
اتفق مع الاخوة سواء فى ترشيح اللوجان او راى ميدو بالنسبة للمستمعل من فئة اعلى
بس انا بحسبها من ناحية اقتصادية .... لان 160 كم فى اليوم استهلاك مش قليل ....... وسواء كانت زيرو او مستعملة لازم صيانة ومتابعة دورية اهم حاجة يعنى بالنسبالك هتعمل صيانة وكشف دورى عادى (صيانة ال 10الف كم ) كل شهرين وكل 10 شهور(يعنى مرتين فى السنة او مرة على الاقل) هتعمل صيانة شاملة (صيانة ال 50 الف) وبعد خمس سنين ايا كان نوعها هتحتاج تجديد فاهم حاجة الصيانة وبعدين يجى نوع العربية لان فيه ناس بتفتكر انه يشترى عربية اقتصادية ويبهدلها وكده توفر معاه وده مش صح انت بتدور على عربية نفقات تشغيلها وصيانتها اقل لان انت اصلا استهلاكك كبير فانا انصحك لو هتشترى كاش تدور على كورى او يابانى كسر زيرو فى الرينج اللى معاك ولو زيرو يبقى الفيرنا وبص على اللوجان بردو الموضوع ده فيه نموزج لقطع غيار الرينو لوجان http://www.masrmotors.com/vb/showthread.php?t=13966 وهتلاقى مواضيع فى اقسام الرينو والهيونداى فيها تفاصيل اكتر طبعا |
#5
|
|||
|
|||
رد: افضل سيارة عملية فى رينج 70 - 80 الف
كتر خيركم كلكم يا جماعة والف شكر وربنا يسهل ونرسي على حاجة حلوة والمشكلة بس في المشوار ده اللى العربية هتمشيه وانا ما باحبش المستعمل ولسه بايع لادا 97 الشهر اللى فات فمش واثق اووى في المستعمل
|
|
|