اسئله واجابات عن الإسكوتر ( الفسبا الصيني ) ؟؟؟

[emad258]

المشاركة الأصلية كتبت بواسطة محمد ابراهيم الغزالى ولا يهمك عيوبها الجسم الخارجى فايبر جلاس اى خبطة بسيطه بيدشدش العمر الافتراضى للموتور قصير جدا قطع غيارها غاليه وكمان خرابها سريع الفيزبا بصفه عامة ضعيفه كمان متخلكش مطمن وانت سايق ممكن فى اى وقت تعطل حتى وهى جديده بعد شهرين تلاته من شراها دمتم بود

الف شكر يا أسناذ محمد شكلي كدا هاخد بنصحتك
و الله ياجماعه الأسكوتر و سيله ممتازه للموصلات بس للأسف مش منتشره في بلدنا بالرغم من انها منتشره في بلاد تانيه أكثر تقدما منا بكتير
أحنا محتجين واحد يفتح توكيل قوي للنوع دا في مصر بس للأسف مفيش الكلام دا
و كمان مفهيم الناس تتغير ( أه دا انتا هتقلد بتاع الدليفري )
دا لنك ممكن يكون بدايه التغير
http://www.youm7.com/News.asp?NewsID=504535&SecID=24

[emad258]

بعد البحث توصلت الى الأتي
في نوعين في مصر
الأول : بتاع برافا اللى عند الصياد جروب ودي عامل حوالى 5500 جنيه , بس مفيش حد جربه و بالتالى مش عارفين حاجه عن الصيانه و قطع الغيار , ياريت لو حد جرب يفدنا لأن أنا اساسا مش شايف حتي وتسكيل من المركه دي في الشارع ؟؟ بس للأمانه شوفت الأسكوتر مرتين بس

ثانيا : الأسكوتر بتاع هوندا اللى هوا اليت 125 ودا عامل حوالى 10000 تقريبا ودا عند شركة الفطيم توكيل هوندا في مصر و اللى عاوز يروح يتفرج هما حطين النوع دا في المعرض اللى في أول شارع النزهه عند ميدان الساعه كده

طبعا فرق السعر و اضح جدا و أبرز الإختلافات
1. البرفا 150 سي سي ,,,,,, الهوندا 125 سي سي : بس أظن أن الفرق دا مش هيأثر نتيجت ان محرك الهوندا أكثر تطورا من البرافا
2. البرفا تبريد هواء ,,,,,,, الهوندا تبريد ماء ,,,, بصراحه معرفش يبقي مين أحسن في الحته دي ياريت حد فاهم يقولنا ؟؟؟؟
3. الهوندا فيها ميزه أن فيها تحت المقعد مكان وسع جدا يأخذ الخوذه مستريح و عن تجربه شوفتها مع واحد طبعا دي ميزه جمده جدا معرفش المساخه الموجوده في البرافا تكفي ولا لأ

و أخيرا قبل للأمانه في معرض في بولاق أبوا العلا في الوكله اسمه جميز عنده برضوا النوع دا بس لما سألته على المركه اسمها ايه قالى اسمها جميز برضوا ؟؟؟ مش عارف هو في ماركه فعلا اسمها جده فعلا ؟؟؟

[nktis]

عموما الهوندا طبعا احسن بس هتلاقفي قطع غيارها غاليه ...

[emad258]

بعد البحث و جدت شركة اظن انها اكثر الشركات انتشارا هتقدم الأسكوتر دا في مصر ان شاء الله

شركة حلاوه هتفتح فرع جديد للنوع دا اسمه luxury motors وده الموقع بتاعها
http://www.luxury-motors.net/Home/Index

و ان شاء الله هتبقي وكيل لشركة sym ودا عنوان الموقع بتعها
http://www.sym.com.tw/eng/showroom/i...78b393118ed25c

ودا جروب بتاع الشركة المصريه على الفيس
https://www.facebook.com/SYM.Egypt?sk=wall

و ان شاء الله الأسعار هتبدأ من حوالى 6000 الى 31000

وعلى فكره الشركة دي هي الراعي الرسمي لتحدي عبور مصر بالدراجات البخاريه

[nktis]

متابع..........
شكرااا علي الروابط.