الحل الأمثل والنهائي لمشكلة ارتفاع درجة حرارة السيارة الشاهين

[أحمد عثمان محمد]

المشاركة الأصلية كتبت بواسطة فادى انا معايا الشاهين 1600 سى سى, و مكيفة, الحقيقة اننى لاحظت ارتفاعا فى درجة الحرارة عند تشغيل المكيف خاصة, لكن لازم تاخد فى بالك برضو شوية ملاحظات : - عداد الامبير يستخدم تقنية غير دقيقة فى قياس الحرارة, معظم الناس تعتقد خطأ ان عداد الامبير يقيس درجة الحرارة, عداد الامبير يقيس مستويات للحرارة, و له ثلاثة مستويات, بارد, متوسط, حار, و الأرقام الموجودة فى معظم السيارات هى معبرة عن مستويات للحرارة و ليست مطلقة. - عداد الامبير فى الشاهين "بيهيس" و يتحرك نزولا و صعودا بدرجات متفاوتة عند الضغط على الوقود أو عند تشغيل الأجهزة الكهربائية (طبعا منها مروحة التكييف و مروحة التبريد و مروحة السربنتينة). الأن السؤال هل هناك سخونة فعلا؟ ام انها تهييس أو لنقل عدم دقة من الأمبير؟ لنفترض ان هناك سخونة, يبقى حضرتك بقالك سنتين و انا بقالى 4 سنين و نصف ماشيين و العربية حرارتها فوق ال100 درجة مئوية!! معنى ذلك ببساطة ان : - المياه لازم هتنقص, و أن المياه هتغلى فى القربة, بالنسبة لى لا يوجد نقصان فى مستوى المياه, و كذلك لا يوجد اى شبهه غليان فى القربة. - وش السلندر لن يتحمل على الأرجح سنتين او اربعة من السخونة المتكررة و المبالغ فيها, و بالنسبة لى فلا يوجد اى مشكلة فى وش السلندر حتى الأن. - اذا وصلت السيارة لدرجة حرارة غير طبيعية, فسوف تلاحظ انخفاض كبير فى الأداء, و "تسقيف" زائد عن الحد, و هو ما لا يحدث معى على الاقل. أغلب الظن, ان ما يحدث هو "تهييس" من أمبير الحرارة, لأن المحرك لن يتحمل على الأرجح هذه السخونة المتكررة. الحل الذى تقترحه حضرتك ربما يكون سيئا فى النهاية, لأن كما أن السخونة تضر بالسيارة, فان البرودة المبالغ فيها أيضا قد تضر بالسيارة لأنها تتسبب بزيادة الحمل الحرارى على المحرك.

على الأقل وفر المميزات دى :
1- لا ينقبض ويختطف قلب المحرك تلك القبضة المشهورة لحظة عمل المروحة
2- لأول مرة لا أسمع صوت المروحة بوضوح عندما تشتغل بل لم أدرك أنها اشتغلت
3- ما تصل الحرارة للقيمة العليا للثرموستات وتشتغل المروحة تنخفض الحرارة فورا في أحر أيام السنة
4- لأول مرة مع استخدام التكييف لا ترتفع درجة الحرارة في عز الظهر في أحر أيام السنة
5- كنت أضطر لإغلاق التكييف في الظهر لأن مؤشر الحرارة كان يتجاوز المئة مع الشد والتسارع ومع زيادة عدد الراكبين ويصبح أحيانا قبل الشرطة الحمراء بشرطة واحدة لكن الآن مفيش غير درجة حرارة تسعين فقط لا غير
أما بخصوص البرودة المبالغ فيها فده على حسب الموتور لو درج الحرارة أرتفعت عن 90 فالمروحة تشتغل مرتفعتش يبقى مش هتشتغل وبكده مفيش تبريد مبالغ فيه ولا حاجة
و تهانينا للسيد /ahmed1981 بالأكتشاف ده
: CONGRA~238:

[doudepro]

انا عندى سيارة بلونيز موديل 84 وفيها نفس المشكلو ارتفاع درجة الحرارة هل ينفع اركب عليها المروحة دى ولا هتبقى فيها مشكلة وانا مشتعد ارفعلك مقاسات الرداتير واى مقاسات محتاجها وارجو الرد للاهمية وشكرااااااا

[ahmed1981]

المشاركة الأصلية كتبت بواسطة doudepro انا عندى سيارة بلونيز موديل 84 وفيها نفس المشكلو ارتفاع درجة الحرارة هل ينفع اركب عليها المروحة دى ولا هتبقى فيها مشكلة وانا مشتعد ارفعلك مقاسات الرداتير واى مقاسات محتاجها وارجو الرد للاهمية وشكرااااااا

ينفع جداً

وفي ناس بيركبولها مروحة التمبرا أرخص وبتدي أداء كويس برضه

-
-

[nassser]

المشاركة الأصلية كتبت بواسطة ahmed1981 ينفع جداً وفي ناس بيركبولها مروحة التمبرا أرخص وبتدي أداء كويس برضه - -

ب.م/ احمد
هل مروحة التمبرا تؤدي لنفس النتيجة التي تأتي من مروحة الأوبل وهل بتتعدل التمبرا لتناسب الشاهين .
انا عندي شاهين 96 وابتدى الصيف يخليها تسخن جامد لدرجة شاكك ان الحرارة اعلى من قراءة المؤشر لو جبت مروحة الأوبل وحبيت اعدلها واركبها قوللي بدقة هذه المراحل لأحسن الكهربائية زفت إلا من رحم ربي مع العلم اني عندي مروحة اضافية في الموتور تعمل معه دائما والمكان اصلا بين المروحتين بقة ضيق جدا ويا ريت بدقة عشان انا جديد في المواضيع دي والموضوع الأصلي مش واضحه فيه جزئية طريقة التعديل للمروحة وهل هي سمكها كبير وممكن تعوق المروحة الاضافية لأن المسافة الحالية بين المروحة الأصلية للراديتير وبين الثانية يدوب 2سم تقريبا

[ahmed1981]

المشاركة الأصلية كتبت بواسطة nassser ب.م/ احمد هل مروحة التمبرا تؤدي لنفس النتيجة التي تأتي من مروحة الأوبل وهل بتتعدل التمبرا لتناسب الشاهين .

واحد زميلنا في منتدى آخر ركبها وبيقول فرقت معاه كويس

المشاركة الأصلية كتبت بواسطة nassser انا عندي شاهين 96 وابتدى الصيف يخليها تسخن جامد لدرجة شاكك ان الحرارة اعلى من قراءة المؤشر

عشان كده لازم أول حاجة نعرف إيه سبب المشكلة
أحياناً مؤشر الحرارة بيخرف نتيجة إن كابل البطارية الأرضي (-) غير موصل جيداً بجسم العربية
يبقى المفروض نتأكد من كابل الأرضي ونتأكد من نظافة الردياتير
وبعد كده نفكر في موضوع المروحة

المشاركة الأصلية كتبت بواسطة nassser لو جبت مروحة الأوبل وحبيت اعدلها واركبها قوللي بدقة هذه المراحل لأحسن الكهربائية زفت إلا من رحم ربي مع العلم اني عندي مروحة اضافية في الموتور تعمل معه دائما والمكان اصلا بين المروحتين بقة ضيق جدا ويا ريت بدقة عشان انا جديد في المواضيع دي والموضوع الأصلي مش واضحه فيه جزئية طريقة التعديل للمروحة وهل هي سمكها كبير وممكن تعوق المروحة الاضافية لأن المسافة الحالية بين المروحة الأصلية للراديتير وبين الثانية يدوب 2سم تقريبا

لو ناوي تعمل الموضوع ده يبقى لازم نلغي المروحة اللي راكبة على موتور العربية مباشرة

بعد ما نلغيها بنفك المروحة الأصلية من على الردياتير بالقميص بتاعها

بنجيب المروحة الجديدة بالقميص بتاعها ونركبها على الردياتير
بنعمل شوية فبركة في قميص المروحة وبنكسر بعض الزوائد منه
وبنثبته على الردياتير بمسامير أو قفايز
(بتاع الردياتيرات المحترم بيقدر يلحم زي خوص أو وردة في أطراف الردياتير عشان نركب عليها القميص الجديد)

توصيلات الكهربا يعملها الكهربائي بكل سهولة

لكن لو المروحة الجديدة مش ممتازة 100% هتلاقي اداء أسوأ

ولو مشكلة السخونة سببها حاجة تانية الموضوع هيتحسن بسيط لكن مش 100%

-