طريقة إطفاء تحذير الصيانة لسيارة سكودا أوكتافيا

[Bahi]

بسم الله الرحمن الرحيم

تعود ملاك سيارات سكودا أوكتافيا على ظهور لمبة الصيانة الدورية كل عشرة ألاف كيلومتر

و لمن لا يعلم فعند الوصول الى تاريخ الخدمة المحدد تظهر على الشاشة الرسالة التالية Service in 1500 Km وتتناقص قراءة العداد تدريجيا بمقدار 100 كم قبل خدمة الفحص. عندما يحين موعد الصيانة تظهر على الشاشة رسالة وامضة Service أو Service Now وتختفى بعد حوالى 20 ثانية من بدأ تشغيل المحرك.

و يعتمد عدد كبير منا على الذهاب لمراكز الصيانة لعمل الصيانة الدورية و بالتالى إطفاء لمبة الصيانة المزعجة

و لكن عدد كبير من اصحاب السيارة بدأ فى الخروج من الضمان و بالتالى لن يكون ملزما بالذهاب لمراكز الصيانة فى المواعيد المحددة و تفضيل إجراء الصيانة الدورية خارج التوكيل توفيرا للوقت و النفقات

و لهذا أقدم اليوم الطريقة التى يتم بها إطفاء لمبة الصيانة دون الحاجة للذهاب للتوكيل

لأعادة عداد الصيانة الى الصفر ليبدأ عد العشرة آلاف كم من جديد تتبع الخطوات التالية:

1- أطفئ المحرك بدون نزع المفتاح
2- أضغط وأستمر بالضغط على زرار اعادة ضبط عداد الرحلات الموجود أسفل عداد السرعة (السهم الأزرق فى الصورة المرفقة)
3- أدر المحرك أثناء استمرار الخطوة رقم 2 ثم أترك زرار اعادة ضبط السرعة
4- أدر زرار ضبط الساعة الموجود أسفل عداد لفات الموتور(السهم الأحمر فى الصورة المرفقة) RPM ناحية اليمين وأستمر لثوانى حتى يتم اعادة ضبط رسالة الصيانة

سيتم إطفاء لمبة الصيانة إن شاء الله

فى حالة عدم إطفاء اللمبة أعد الخطوات مرة أخرى فنجاح هذه الطريقة تعتمد على توالى الخطوات فى وقت مناسب و العملية كلها لا تأخذ أكتر من خمس ثوانى كما قال السيد/ حازم شاهين - مدير عام منتدى مصر موتورز عندما كان يشرح خطوات اطفاء لمبة صيانة الاسبيرنزا.

[الصيداح]

تسلم الأيادي يا غالي

[b A d R]

أنا فعلا كنت بتخنق أوي من صوت التحذير دا و عملت الموضوع دا علشان يتلغي بقالي أكتر من 5 شهور عامله .. بس الغريب إنها مبقتش تظهر تاني أبدا .. أنا كنت متخيل إنها هتظهر تاني بعد فترة

[Bahi]

تأمر يا شيخ صيداح وانعنى ما نشتهيك

بدر بك ... عيد الكرة علشان تشتغل تانى (لو عاوز)

[بدر بسيونى]

فعلا مزعجة ودى اول مرة اعرف ازاى بتطفى شكرا لحضرتك يااستاذ هشام ومتميز بموضوعاتك دايما