مشكله فى بيجو روا ايرانى

[ahmedgalalahmedgalal]

تحياتى و كل عام و انتى بخير

معايا عربيه بيجو ايرانى 405 موديل 2007 كانت ماشيه كويس جدا و مافيش اى مشاكل و انا استخدامى خفيف جدا فى السياره من فتره لاحظت ان العربيه ساعات بتكون مخنوقه ويكون فيها تنتشه بسيطه يعنى مثلا لو ال rpm على الرابع و يكون على 3 يكون السرعه اخرها فى حدود السبعين مع ان الطبيعى كانت بتوصل لحد تمانين غيرت بوجيهات و فلتر هواء و نضفت البوابه - بس تنضيف اى كلام لان ماكنش عندى خبره - المشكله بردو زى ما هيا و فى الفتره الاخيره كانت ساعات وانا ماشى لما اهدى جامد على مطب او حاجه تلاقى كل لمبات التبلو بتنور و زى ما تكون هتطفى بس الحركه ده اختفت بعد لما فتحت الكبوت و راجعت على كل الاسلاك و حرقت شويه بنزين على الموتور الوضع اتحسن و الحركه ده اختفت . و ساعات بردو فى الفتره الاخيره ممكن لما اجى ادوس فرامل الامبير بيعلى بس الحركه ده مش بتعملها كتير ممكن مره واحده وانا ماشى ولا حاجه . المشكله ان كشف على الكمبوتر على العربيه مش موجود دلوقتى و مش هيكون موجود قبل فتره . قريت كذا موضوع هنا انا ناس تقول حساس الايدل و ناس تقول نضف الرشاشات و بصراحه انا مش عندى خبره و مش عارف مين اللى بيعمل الشغلانه ده ميكانيكى و لا كهربائى .
الغريب انا لما انا بمشى على سرعات او طريق مفتوح الدنيا بتظبط بنسبه كبيره و بتكون مافيش مشاكل . عامة استهلاك البنزين فى الطبيعى يعنى مش حاسس ان هيا بتاكل بنزين زياده و السحب بردو كويس جدا .
السوال دلوقتى هل فيه حاجه اقدر اعملها زى كشف الايدل و الحساسات و خلافه طالما كشف الكمبيوتر مش موجود و ياريت لو اى حد يقدر يفيدنى بس خطوات بالتفصيل و فين عند الميكانيكى ولا الكهربائى

ملحوظه : اللغبطه ده حصلت بعد لما كذا مره ورا بعض ان التنك يكون فاضى و اروح امون و ماكنتش اعرف ان التنك لو فضى ممكن يبوظ حاجات فى الانجيكشن
عذرا للاطاله بس حاولت اشرح بدقه عشان الناس تكون متفهمه المشكله و جزاكم الله خير

[romeoalmansour]

ليه الكشف مش موجود او متوافر

[ahmedgalalahmedgalal]

تحيانى
المركز اللى بيعمل الصيانه الكمبيوتر فيه مش موجود او متوافر حاليا غالبا بيعمل update فانا قلت لو فيه اى حل اقدر اعملو لحد لما الكمبيوتر يوصل لان اعتقد كمان ان هو ادامو فتره عشان يوصل فلو فيه اى حل ياريت حضرتك اى اى حد من الزملاء يقولى عليه و جزاكم الله خير

[ali zahran]

لو العربيه بتتخنق فى السحب ودا بيظهر معاك فى دوسة البنزين يعنى تدوس اخر الدواسه وعداد rpm ثابت مبيتحركش دا احتمال كبير ضعف فى البنزين ومشكلة التنتيش غالبا بتكون من الطرمبه يعنى المفروض تغير فلتر البنزين الاول قبل الطرمبه