بتحب انهى مدرسة فى صناعة السيارات

[mozella]

المشاركة الأصلية كتبت بواسطة magd131 السلام عليكم ورحمة الله وبركاته موضوع متميز جدا واكتر من رائع بس لو قارنت بين هؤلاء العمالقه في صناعة السيارات من خلال السوق المصري اكيد هيكون فيه ظلم لبعض المدارس المتميزه لان المفهوم المصري للسيارت بيحكمه الوضع الاجتماعي للفرد والحاله الماديه يعني لو واحد راكب مرسيدس او بي ام هيقولك الالماني يكسب ولو واحد راكب فيات هيقولك الايطالي يكسب وطبعا الامريكي في مصر حظه قليل لانه بيعتمد علي المحركات الكبيره و البنيه الضخمه الغير متناسبه مع مصر لا من ناحيه التكاليف او البيع والشراء اما السيارات الانجليزي طبعا محدش يختلف عليه من ناحيه القوة و الفخامه بس السعر هو المشكله الكبري لان الاستون مارتن و الرولزرويس والجاجور اسعارها الله اعلم بيها علي الرغم من تواجد الجاجور علي الطرقات المصريه بس كام سياره بالمقارنه بالمرسيدس او البي ام وطبعا الصيني مبني علي سياسه cope and paste وطبعا سمعة المنتج الصينى في مصر غير مستقره تماما لكن الصناعه الايرانيه تقريبا زي مصر معتمده اعتماد كلي علي التجميع واشهر السيارات الايرانيه هي ساب وهي نفس قالب الكيا سيدان وطبعا البيجو 405 هي اكتر نو سيارات مجمعه ومصنعه في ايران وانا شفتهم في سوريا وبالاخص سابا وشغاله تاكسي اما السياره اليابانيه والكوريه هي اكثر سيارات منتشره في مصر لان اسعارها الي حدا ما في متناول الاغلبيه العظمي للشعب المصري وده ادى لانتشارها بس الياباني احسن بكتير من الكوري لان الكوري بعتمد علي كمية الموديلات المنتجه يعنى اى موديل بينزل بيقعد سنتين وتلاقي موديل جديد نزل من نفس الفئه وده من وجهة نظري ممكن يؤدى لانهيار تلك الصناعه في اي وقت لان سمعة الموديلات القديمه وبالاخص فئة السيراتو (شوما سابقا)الموديل القديم غير منتشر انتشار السيراتو الجديده علي الرغم من انه لسه جديد ولسه عيوبه مظهرتش لكن الياباني التويوتا بانوعها والمتسوبيشي بانوعها والهوندا بانوعها غنيه عن التعريف وسمعتها زي الجنيه الدهب لقوتها ونعومتها وقلة استهلاكها للبنزين وتوافر قطع غيارها والاهم تداولها في البيع لكن انا مش عارف ليه السوبارو ملهاش حظ في مصر علي الرغم من انها سياره محترمه واخيرا من رايي ان المدرسه اليابانيه والالمانيه هم افضل المدارس علي الاطلاق

احييك بشدة يا مجد على رايك اللى بينم على ذكاء وخبرة وثقافة

انا بحب جدا المدرسة اليابانية لاهتمامهم بالجودة وهم معروفين انهم طبعا رقم 1 فى الكواليتى والعملية والبساطة و الاقتصادية .. بس ليهم عيب واحد انا مش فاهم هم مش مهتميين بيه ليه .. وهو انهم مش بيهتموا بقوة البودى الخارجى او الصاج ودايما تلاقيه فى العربيات اليابانية ضعيف جدا زى صفيحة الجبنة البيضة .. زى كأنهم بيرحلوا القوة دى الى الشاسيه باعتباره اهم من ناحية سلامة الركاب ..
على العكس عند الاوربيين وخاصة الانجليز والالمان اللى بيهتمو بالبودى الخارجى و قوة الشاسيه
والعيب ده بيدايقنى جدا لانه لو قربت جنب البودى الخارجى باى حاجة زى واحد بيسند على العربية او بتحط شنطة كبيرة شويه فوق الكابود او الشنطة الخلفية تلاقى الصاج بيطبق و بيتعلم عليه .. انا مش فاهم هم مش مدركين العيب ده ليه .. مع ان فى تكنولوجيا جديدة فى معالجة الصاج الخارجى بالليزر بتزيد من صلابته بنفس سمك المعدن
بالاضافة ان صيانة السيارات اليابانية سهل جدا وتعرف توصل للاجزاء الاستهلاكية بسهولة وبدون عقد على العكس عند الاوربيين اللى عندهم عقدة متوارثة فبيطلعو العقد دى فى عربياتهم وعشان تصلح او تغير حاجة وخاصة فى الماتور او الكهربا لازم تشقلب العربية كلها عشان توصل للى انت عايزه ..
ولو انا عايش فى مصر هختار اليابانى طبعا وخصوصا الهوندا لانها انسب الموديلات فى مصر

اما لو خارج مصر فطبعا الانجليزى والالمانى هو انسب حاجة فى رايى بس الانجليزى معروف انه للفئة الهاى كلاس .. لا مش الهاى كلاس بس .. ده للاوفر هاى كلاس ومش بيهتمو بالفئات الاقل المتوسطة زى الالمان اللى عندهم تنوع فى الموديلات والاحتياجات وبالاخص فولكس فاجن اللى عندها جميع الاشكال والموديلات بكواليتى عالية جدا .. وانا بعشق الاودى بصفة خاصة عشان الفخامة اللى فيها واسعارها المعقولة .. انا شايف انها بنفس فئة البى ام والمرسيدس تماما وباسعار اقل وبتتفوق عليهم كمان فى حجات معينة واهمها نظام الدفع " كواترو " الخرافى الخاص بالاودى

وفى الاخر احب اقولكو انى " بكره " المدرسة الامريكية فى السيارات او بمعنى اصح انها لا تناسب فئات كتيرة فى العالم وهو ده سبب الازمة اللى بتعانيها السيارت الامريكية .. تلاقى معظم عربياتهم للمنظرة والفشخرة لانها ضخمة وعملاقة ومواتير جحلوفة واداء مش متناسب مع الضخامة دى .. بيحسسونى اننا هنطلع القمر بعربياتهم دى وكواليتى اقل من اليابانى والالمانى .. وانا شايف انهم بيحاولوا انهم يصلحو اتجاهم ده .. زى مثلا اتجاه فورد لتصنيع موديلات اوربية واستحواز GM على بعض الشركات الاوبية والاسيوية وكمان شيفورليه اللى اتجهت لكوريا ( وانا مش مستوعب حكاية الشيفورليه الكورى دى .. ازاى العلامة دى بتاعت الكابريس واللومينا واليوكون والعربيات الجامدة دى .. ودلوقتى بنشوفها على اللانوس والاوبترا .. ده ربنا ليه حجات يا جدع ) ..

وفى حاجة مش فاهمها .. الامريكان هم اول من اخترعوا العربيات وهنرى فورد هو اللى اخترعها وهو مؤسس فورد الامريكية .. طب ازاى يبقى الامريكان هم تلاميذ المدرسة الانجليزية على حسب ما بيقول صاحب الموضوع ؟ !! ... المفروض العكس
اى نعم ان المدرس خاب ونجح التلميذ .. بس برضو لا ننكر الفضل للمدرس اللى هو الامريكان .. صح ولا انا غلطان ؟ ..

واسف على الاطالة .. بس طبيعة الموضوع ده شائك ومحتاج لتوضيح الاراء

[magd131]

المشاركة الأصلية كتبت بواسطة mozella احييك بشدة يا مجد على رايك اللى بينم على ذكاء وخبرة وثقافة انا بحب جدا المدرسة اليابانية لاهتمامهم بالجودة وهم معروفين انهم طبعا رقم 1 فى الكواليتى والعملية والبساطة و الاقتصادية .. بس ليهم عيب واحد انا مش فاهم هم مش مهتميين بيه ليه .. وهو انهم مش بيهتموا بقوة البودى الخارجى او الصاج ودايما تلاقيه فى العربيات اليابانية ضعيف جدا زى صفيحة الجبنة البيضة .. زى كأنهم بيرحلوا القوة دى الى الشاسيه باعتباره اهم من ناحية سلامة الركاب .. على العكس عند الاوربيين وخاصة الانجليز والالمان اللى بيهتمو بالبودى الخارجى و قوة الشاسيه والعيب ده بيدايقنى جدا لانه لو قربت جنب البودى الخارجى باى حاجة زى واحد بيسند على العربية او بتحط شنطة كبيرة شويه فوق الكابود او الشنطة الخلفية تلاقى الصاج بيطبق و بيتعلم عليه .. انا مش فاهم هم مش مدركين العيب ده ليه .. مع ان فى تكنولوجيا جديدة فى معالجة الصاج الخارجى بالليزر بتزيد من صلابته بنفس سمك المعدن بالاضافة ان صيانة السيارات اليابانية سهل جدا وتعرف توصل للاجزاء الاستهلاكية بسهولة وبدون عقد على العكس عند الاوربيين اللى عندهم عقدة متوارثة فبيطلعو العقد دى فى عربياتهم وعشان تصلح او تغير حاجة وخاصة فى الماتور او الكهربا لازم تشقلب العربية كلها عشان توصل للى انت عايزه .. ولو انا عايش فى مصر هختار اليابانى طبعا وخصوصا الهوندا لانها انسب الموديلات فى مصر اما لو خارج مصر فطبعا الانجليزى والالمانى هو انسب حاجة فى رايى بس الانجليزى معروف انه للفئة الهاى كلاس .. لا مش الهاى كلاس بس .. ده للاوفر هاى كلاس ومش بيهتمو بالفئات الاقل المتوسطة زى الالمان اللى عندهم تنوع فى الموديلات والاحتياجات وبالاخص فولكس فاجن اللى عندها جميع الاشكال والموديلات بكواليتى عالية جدا .. وانا بعشق الاودى بصفة خاصة عشان الفخامة اللى فيها واسعارها المعقولة .. انا شايف انها بنفس فئة البى ام والمرسيدس تماما وباسعار اقل وبتتفوق عليهم كمان فى حجات معينة واهمها نظام الدفع " كواترو " الخرافى الخاص بالاودى وفى الاخر احب اقولكو انى " بكره " المدرسة الامريكية فى السيارات او بمعنى اصح انها لا تناسب فئات كتيرة فى العالم وهو ده سبب الازمة اللى بتعانيها السيارت الامريكية .. تلاقى معظم عربياتهم للمنظرة والفشخرة لانها ضخمة وعملاقة ومواتير جحلوفة واداء مش متناسب مع الضخامة دى .. بيحسسونى اننا هنطلع القمر بعربياتهم دى وكواليتى اقل من اليابانى والالمانى .. وانا شايف انهم بيحاولوا انهم يصلحو اتجاهم ده .. زى مثلا اتجاه فورد لتصنيع موديلات اوربية واستحواز GM على بعض الشركات الاوبية والاسيوية وكمان شيفورليه اللى اتجهت لكوريا ( وانا مش مستوعب حكاية الشيفورليه الكورى دى .. ازاى العلامة دى بتاعت الكابريس واللومينا واليوكون والعربيات الجامدة دى .. ودلوقتى بنشوفها على اللانوس والاوبترا .. ده ربنا ليه حجات يا جدع ) .. وفى حاجة مش فاهمها .. الامريكان هم اول من اخترعوا العربيات وهنرى فورد هو اللى اخترعها وهو مؤسس فورد الامريكية .. طب ازاى يبقى الامريكان هم تلاميذ المدرسة الانجليزية على حسب ما بيقول صاحب الموضوع ؟ !! ... المفروض العكس اى نعم ان المدرس خاب ونجح التلميذ .. بس برضو لا ننكر الفضل للمدرس اللى هو الامريكان .. صح ولا انا غلطان ؟ .. واسف على الاطالة .. بس طبيعة الموضوع ده شائك ومحتاج لتوضيح الاراء

حياك الله يا اخي الكريم ومتشكر جدا علي زوقك وطبعا مشاركتك غنيه عن التعليق لانك اوضحت حجات كتير جدا عارف ان السبب في ارتفاع لوقود هم الامريكان لانهم اكبر مستهلك للبنزين و الديزل في العالم وده بسبب سيارتهم الضخمه عارف حتي سيارات النقل التقيل برده بتستهلك ديزل بشكل غريب وبالاخص الكينورث سياره ضخمه وبالغه القوه وعاوزه محطة ديزل وراها علشان كده الموديل ده من السيارات بينزل بخزانين ديزل سعة كل واحد 1000 ليتر يعني حوالي 5 براميل ديزل وده لعربيه واحد ما بالك بالسيارت التي تعمل بالبنزين وبالاخص زات الدفع الرباعي

هو حسب انتا محتاج العربية في اية وطبيعة الاستخدام و كمان النحية الاقتصادية
يعني الالمان بيحبو السيارة تكون ثابتة ومتزنة بالاضافة للفخامة لانها دولة غنية و متقدمة
و الامريكان بحبو السيارات العالية و الدفع الرباعي بالاضافة لقوة الموتور علشان الجبال والصحراء
اما اليابنيون بيحبو السيارات الاقتصادية وذات تكنولوجية عالية ولكن بمحرك متوسط و الاتزان متوسط بردو مش زي الاماني
اما المدرسة الانجليزية في صناعة السيارات فهي بتعتمد في تصميها علي البساطة وصغر السيارة لتناسب مدينتهم المزدحمة
والكورية بردو سياراتها اقتصادية وتكلفتا متوسطة
اما بقية المدارس الشرقية فهي لسة بادية او مدارس نامية خسارة اني اتكلم عنها
سواء كانت روسيا او تركيا او هنديا او صينيا او ايرانيا

وبعدين مش كل الالماني حلو
ومش كل الاوربي حلو ومش كل الامريكي حلو ولكن هناك شركات معينة مبدعة
مثلآ الاودي و البورش و الفراري والجي ام سي و الجولف و التويوتا لاند كروزر دي الشركات الي انا بحبها
ولو معاية فلوس اكيد هقتني وحدة منهم

كلامك صح 100%
العربيات يعني اوروبي او امريكي والباقي تقليد
او عربيات بتئدي الغرض وخلاص

المشاركة الأصلية كتبت بواسطة hazem_khidr انا غاوي الاوربي تصميم جامد و ثوري دائما بعكس الياباني و اتباعه من اول ما تفتح الباب تحس انك واقف قدام عربيه بجد شكل الكرسي و التابلوه و نوره صوت الموتور حتي ليه طعم حتي لو ناعم لازم تحس فيه بالقوه استحمال اكتر من اي عربيه تانيه عفشه اقوي موتور معمر عربيه فيها هندسه فعلا في كل مسمار و محدش يقولي ال 128 و الحاجات دي ال 128 طلعت اول السبعينات لما اليابنيين مكنش ليهم حس و لا خبر و لا يعرفوا حاجه عن العربيات و بعد ككده كل شركات العالم قلدت ال 128 في تصميمها الثوري

والغريبة ان 128 بعد موقف انتاجها في مصانعها الاصلية اي بلد المنشآ في ايطاليا.،
كانت من فترة قريبة لسة بتتصنع في مصر ووقف انتاجها في 2008

[MmFFoR]

انا افضل السيارات الالماني ( و ليس الاوربي ) و لكن يحجمه في مصر ارتفاع اسعار قطع الغيار
و طبعا الياباني برغم عدم الابهار في التصميم او كثرة عدد الزراير و الاوبشنات في التابلوه
اللا انها تظل الاعلى اعتمادية و و الاطول عمرا في الاستخدام زيها زي التلاجات و الغشالات و التكييفات و التليفيزيونات