ممكن معلومة بسيطة عن الاسترا

[tekas]

يجماعة هوا ليه سعر الاسترا مش غالى ..هيا العربية دى فيها مشاكل ول ايه..لانى بشوف عريبات منها معروضة حالتها نضيفة وسعرها كويس جدا ...ياريت حد يفدنى

[محمد فيصل]

قطع الغيار سعرها مرتفع جداً
يستلزم التعامل مع التوكيل الحرامى فى اى حاله

[برنس الليالي]

هو فعلاً سعرها مقارنة بالكوري زي النيو سيراتو والالنترا كوبيه والفيلوستر تحس ان الاسترا الالماني فيها سر خصوصاً ان اوبشنز الاسترا كتيرة كمان ومافيهاش حاجة ناقصة

متابع معاك إن شاء الله لحد ما الاخوة يوضّحولنا

[tekas]

يجماعة انا قصدى ف المستعمل واعادة البيع ...يعنى موديلات 2006 و 2007 وسعرها48الف لغاية 55.....ياريت الاخوة يفدونى اكثر

[humyum]

تقرير صغير
أول حاجة العربية في منها 1200 سى سى و دى اخرها 2001 أو 2000 تقريبا و دى فيها موتور الأوبل كورسا الهاتشباك ال95 و هو ماتور جميل جدا و عربية كمان جميلة و لكن الماتور صغير على الاسترا
و دى سعرها ما بين أول 40 و اخرها
أما الاسترا اللى بعديها فا هيا سعرها من 53 إلى 60 و ده راجع إلى إن العربية 1600 سى سى و فيها أوبشنز كتير عن العربيات اللى كانت نازله فى نفس الوقت معاها زى مثلا مثبت السرعة
و يرجع سبب رخص العربية إلى إن العربية أصلا قطع غبرها غالية عن فئتها سواء من الأوبل أو الماركات الاخرى و إن أى مشكلة بتحصل فيها فتح الكلام من 400 إلى 500 جنيه و فى بعض قطع غيارها لا توجد إلا فى التوكيل و قليل منها اللى نزل مانيوال معظمهم أوتوماتيك .
هناك عربية تانية أوبل برضه اللى هي الكورسا السيدان و دى بدأت 2003 وهى برازيلى الصنع و يتراوح سعرها الان من 45 إلى 60 على حسب الموديل و الحالة عيبها الوحيد إن لونها بيجير نتيجة لأن عدد طبقات الدهان كانت أقل من المفروض ينزل فى البلاد الحارة زى مصر و لما تيجى تشترى واحده مغيره ده بيطمنك و لما تشترى و احدة راشه كلمة من بره وفر عليك فلو الرش لأن العربية معروف فيها العيب ده
و هى عربية جميلة جدا و ثباتها ما شاء الله و كمان قطع غيارها رخيصة جدا جدا بالنسبة لعربية ألمانى يمكن قطع الغيار أغلى حاجة بسيطة من الشيفورلية لانوس و مش كل قع الغيار
و قطع غيارها متوافره بشكل كبير و تكيفها يختلف عن باقى الأوبل لأنه يميل إلى التكيفات الكورى
و يرجع علو سعر العربية ذات نفسها بسبب انتشارها فى السوق المصرى و قلة عدد اللى بيبيعها و كمان راجع لأن تكولوجيتها غير معقدة زى الاسترا

و نصيحه لأى حد عايز يركب أوبل
لو بتبحث عن الأداء الرياضى و حاجة تستحمل معاك الفرك و المشاوير هات أى موديل كورسا مع انسيابية شكلها حسب الرغبة ما عدا كورسا( الهاتشباك ال 1000 سى سى )
لو بتبحث عن الفخامة و الشياكة و القوة فى نفس الوقت يبقى الفيكترا و أبعد عن ( الفيكترا الاستب ترونك من أول 2008 مشاكلها كتير و المكانيكى بيسترخمها أوى ) المانيوال منها جميلة جدا
لو بتبحث عن الأوبشنز الكتير و السعر الوسط لسعر العربية و السعر الغالى فى الصيانة و مش هامك الفلوس هات استرا ( شرط الفلوس الكتير فى الصيانة غير سارى على الاسترا 1200 سى سى و لكن متدورش على التكييف برضه( التكييف مش حلو) )
الشرح ده و الاختيارات مع ثبات عامل الأمان و الثبات لأنهم كلهم أوبل

و أرجوا أنى أكون قدرت أفيد حضرتك و باقى الأعضاء