|
تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ... |
|
أدوات الموضوع |
#1
|
||||
|
||||
فلتر K&N
تم بحمد الله تركيب فلتر K&N replacment واليكم التفاصيل :
1- بيركب مكان الفلتر الاصلى بتاع العربية بدون اى تعديلات ولا مواسير . 2- ملوش صوت عالى زى الفلاتر السبور (للناس اللى مبتحبش الصوت العالى امثالى) 3- بيزود فى حدود 4 هورس باور . 4- لا يحتاج تغيير وعلية ضمان 1000000 ميل ، كل اللى بيحتاجة انه يتنضف بالسبراى الخاص بية وده بيكون عبارة عن 2 عبوة واحدة للتنظيف واخرى اسبراى زيت بيزيل اى شوائب من الهواء الداخل للموتور . 5- سعره 370 جنية (بدون المنظف و الاسبراى) 6- اشتريتة من عند عادل وجدى tps فى الحرفيين 7- بعد التجربة الاداء تحسن نسبيا بس لسة مشوفتش اخبار استهلاك البنزين ايه. دى الصوره بتاعته : وده لينك لفيديو يوضح الفرق فى انسياب الهواء بين الفلاتر العادى و ال K&N ، والجهاز ده موجود عند عادل وجربتة بنفسى بفلتر العربة القديم والجديد http://www.knfilters.com/search/appsearch.aspx
__________________
يا نفس لا تقنطي من زلةٍ عظمت إن الكبائر في الغفران كاللمم
لعل رحمة ربي حين يقسمها تأتي على حسب العصيان في القسم يارب الطف بعبدك في الدارين إن له صبراً متى تدعه الأهوال ينهزم |
#2
|
||||
|
||||
رد: فلتر K&N
الف مبروك ياباشا, وعقبال التربو يارب, وأيه أخبار تشكيلات عادل وجدى, مفيش جديد.
__________________
|
#3
|
||||
|
||||
رد: فلتر K&N
الله يبارك فيك ، والله انا بفكر فى النيتروس الاول عشان مبحبش التعديل الكتير فى الموتور .
فى حجات كتير جيباها للالنترا والكروز بس ملحقتش اعرفها بالتفصيل عشان كان عنه زحمة . الغريب كان عنه عربية 127 توب ، مش قادر اوصفلك صاحبها عامل فيها اية ، مش صارف عليها اقل من 120000 جنية من تربو لنيتروس لعفشة لفرامل لدعامات فى الصالون لجنوط لعددات ... اللهم لا حسد بس المصارف كتير اوى على نوع العربية .
__________________
يا نفس لا تقنطي من زلةٍ عظمت إن الكبائر في الغفران كاللمم
لعل رحمة ربي حين يقسمها تأتي على حسب العصيان في القسم يارب الطف بعبدك في الدارين إن له صبراً متى تدعه الأهوال ينهزم |
#4
|
||||
|
||||
رد: فلتر K&N
ألف مبروك يا باشا,,,
إيه المفاحأة الغريبة دي,,, أنا كنت فاهم إن الكلام على فلتر رياضي,,, ده بالضبط عامل زي تغيير البوجيهات بال (Splitfire) ,,, ده هايحققلك الأداء التصميمي الأصلي للعربية و هايرجعلك أي قدرة مفقودة نتيجة إنسداد الفلتر بس مش هايديك أداء أعلى من الأداء التصميمي للعربية ,,, يعني مش هاتاخد أكتر من ال 125 حصان ,,, الفلتر الرياضي بيزود حوالي 5 - 6 حصان على قدرة العربية يعني يوصل العربية ل 130 - 131 حصان عند حوالي 4000 rpm. بس ألف مبروك يا كبير كدة برضه أأمن من إن التوكيل يخرج العربية من الضمان على فلتر رياضي و هم حججهم مالهاش أول من آخر. الواحد يخرج العربية من الضمان على تسقيط موتور TypeR واللا تيربو ,,, و على رأي المثل (إن سرقت, إسرق جمل)
__________________
(Anyone can drive a fast car, few can drive a car fast) Ahmad Sami |
#5
|
||||
|
||||
رد: فلتر K&N
يا باشا هو فلتر رياضى برده وبيزود الهورس باور من 1 الى 4 حصان ، بص كدة على الويب بتاع k&n هتلاقى الموضوع مشروح بالتفصيل ، التجربة اللى انا عملتها هناك كانت بفلتر العربية الاصلى الجديد (بدون اى سدد) وبالفلتر k&n والفرق بالظبط زى الفيديو .
نيجى للعملى ، انا حسيت بفرق كبير بعد تركيب الفلتر رغم ان فلتر الهواء عندى كان تقريبا جديد . وباشا مفيش حد بيسرق جمال دلوقتى ، جمال هو اللى بيسرق
__________________
يا نفس لا تقنطي من زلةٍ عظمت إن الكبائر في الغفران كاللمم
لعل رحمة ربي حين يقسمها تأتي على حسب العصيان في القسم يارب الطف بعبدك في الدارين إن له صبراً متى تدعه الأهوال ينهزم |
الكلمات الدليلية |
k&n, فلتر الهواء, فلتر سبور, تعديل سيارات |
|
|