لانسر 1300 اتوماتيك خليجى ايه مميزاتها و عيوبها ؟

[emam14mo]

ارجو من اى احد الافادة بمميزات الانسر 1300 اتوماتيك الخليجى و عيوبها
و عن الجنوط الانسر للتك السيارة ثمنها كام و من اين تباع
وعن كيفية الصيانة ؟


انا مقيم فى مصر القاهرة مدينة نصر

ارجوكم الرد

[AbOnOrA]

بالنسبة لعيوب ومميزات العربية يفيدك فيها اكتر خبراء الانسر فى المنتدى لاكن من تجربة عابرة سواء الاوتوماتيك او العادة العربية تقيلة على 1300

بالنسبة للجنوط السبور (اعتقد ده قصدك) فبتتباع فى كل حتة بس المهم تحدد استخدامك وسواقتك والطرق اللى بتمشى فيها شكلها ايه

علشان لو استخدامك مش خفيف انصحك بالابتعاد تماما عن الجنوط الصينى وتجيب اندونيسى فيما فوق
كمان انصحك بقراء الموضوع ده تعلم كيف تجمع بين الشكل و المضمون فى اختيارك للسيارة و لمكوناتها

اما عن الاماكن ففيه فى مدينة نصر عندك ورا النادر الاهلى ارامكو ده بيجيب حاجات محترمة لاكن اسعارها غالية

بالنسبة لصيانة الخيلجى فانا بصراحة معرفش نظامها ايه بالظبط بردوا مالكيها يفيدوك اكتر

ارجو انى اكون افدتك بقدر المستطاع واهلا بيك فى مصر موتورز

لو بتسال علشان تشتريها فانا لا انصحك بيها اطلااااقا للاسباب الاتيه:
1- الموتور ال 1300 ضعيف جدا مع الاتوماتك وكمان لو شغلت التكييف العربيه بتموت خاالص وبتحس انك راكب عربيه 800 سى سى
2- الفرامل زى الزفت من الاخر اعتبر مفيش فرامل وبالنسبه للثبات هيا احسن من ال1600 لاختلاف المساعدين واليايات .
اما لو العربيه معاك وانت اشترينها خالاص فمن مميزاتها توافر قطع الغيار( يعنى موجود كل حاجه صينى- تيوان -يابانى ) وكله بتمنه ومشكلها قليله .. وعلى فكره قطع الغيار فى التوكيل غاليه جداا مش رخيصه ولا حاجه ومراكز الخدمه بتاعتها ( طريق قليوب اتنين - وجسر السويس- وغمره )
2-سعرها مش بينزل اوى لما تيجى تبيع
وموضوع الجنط فمن الافضل لك وللسياره الجنط الاصلى بتاعها ال 14 بوصه بتاع ال 1300 مش ال 15 بتاع ال 1600
وتلاقيه عند بتاع قطع الغيار استعمال خارج .
واجو ان اكون افادتك

[Brave Heart]

المشاركة الأصلية كتبت بواسطة medo_0066 لو بتسال علشان تشتريها فانا لا انصحك بيها اطلااااقا للاسباب الاتيه: 1- الموتور ال 1300 ضعيف جدا مع الاتوماتك وكمان لو شغلت التكييف العربيه بتموت خاالص وبتحس انك راكب عربيه 800 سى سى 2- الفرامل زى الزفت من الاخر اعتبر مفيش فرامل وبالنسبه للثبات هيا احسن من ال1600 لاختلاف المساعدين واليايات . اما لو العربيه معاك وانت اشترينها خالاص فمن مميزاتها توافر قطع الغيار( يعنى موجود كل حاجه صينى- تيوان -يابانى ) وكله بتمنه ومشكلها قليله .. وعلى فكره قطع الغيار فى التوكيل غاليه جداا مش رخيصه ولا حاجه ومراكز الخدمه بتاعتها ( طريق قليوب اتنين - وجسر السويس- وغمره ) 2-سعرها مش بينزل اوى لما تيجى تبيع وموضوع الجنط فمن الافضل لك وللسياره الجنط الاصلى بتاعها ال 14 بوصه بتاع ال 1300 مش ال 15 بتاع ال 1600 وتلاقيه عند بتاع قطع الغيار استعمال خارج . واجو ان اكون افادتك

معلش يا سيدى الفاضل انا مختلف معاك اختلاف كلى انا معايا لانسر 1300 فى الكويت وبشغل التكيف وبمشى على 160 -170 ومفيش اى مشكله خالص الحمد لله

وبالنسبه للفرامل مشاء الله زى الفل مفيش فيها اى حاجه وبتسعف الواحد مش زى الزفت ولا حاجه

المشاركة الأصلية كتبت بواسطة medo_0066 2- الفرامل زى الزفت من الاخر اعتبر مفيش فرامل وبالنسبه للثبات هيا احسن من ال1600 لاختلاف المساعدين واليايات .

كلام غريب جدا جدا جدا وفى رأيى معاكس للواقع 180 درجة